《葉問3》真正愛情+動作電影 (優先場)
今次打影評之外, 真係想再講下今時今日入戲院睇戲觀眾既態度...先講左影評先....
https://upload.wikimedia.org/wikipedia/zh/thumb/a/a4/Ip_Man_3_poster.jpg/220px-Ip_Man_3_poster.jpg
故事簡介
葉問為阻止黑幫收地，跟以洋人為首的惡勢力對抗，成功保住小學，卻迎來更大的人生難關：妻子患上絕症。此時，一位詠春高手向葉問挑戰，掀起「詠春正宗」的名譽之爭。武術與生命，葉問作出選擇，經歷從未試過的考驗。
如果你問我有無必要排葉問3 ? 我會好直接咁答... 真係可有可無.
葉問去到第3集, 好老實講, 故事上已經變得同現今各大電影手法中不停出續集一樣, 要故事既話唔會無, 而且今集到最後仲見到伏筆, 但係咪好事呢?!? 我真係100%唔覺得好, 對電影人員黎講有工開固然係好事, 但我身為觀眾就覺得延續只係將舊事不斷重提, 唔通現今電影對真係去到呢種地步至可以生存?!?!? 我真係唔明, 但點都好, 我都係想睇既(我都覺得好矛盾)
----------------------------------------------------------------------------------------------------------------------------------------------------
今次故事上係講永成既離開同埋所謂正宗對決, 泰臣只係一個GIMMICK, 可以不理... HAHAHA
整體故事就好似我所出既題目一樣
如果你好想睇佢仲有咩好特別既打鬥, SORRY.
如果你想睇永成同葉問既愛情故事, GOGOGO.
除左呢幾樣外, 仲有玩下泰拳.
當中既打鬥場面我覺得好多都有第一集既影子, 例如張晉向各門派挑戰, 同埋最後閉門一戰, 都跟第一集同樊少皇對決好相似.
其他就無咩特別好講, 因為始終以續作做賣點, 順期自然地欣賞好D.
我會俾... 6.5/10分
.
..
...
....
.....
......
好耐都無中午入場睇戲, 可能習慣左早場既寧靜關係, 今日坐我隔離既一對夫婦對我黎講可以話係一個極品.
1) 我好記得有一場戲係永成肚唔舒服, 跟住我隔離個女人就唔細聲咁講: 佢係咪肚痛? 胃痛? 定...
跟住佢老公又答嗲, 又係唔細聲嗰下衰格.
2) 泰臣第一次出場, 佢地又黎料講野: 佢老左咁多既, 仲夠唔夠打架?!?
3) 開場時就講小小李小龍做開始: 佢咪係李小龍囉, 佢收李小龍做徒弟麻, 唔會趕佢走既.
4) 無啦啦拎個電話出黎check野, 又無啦啦講咩返黎未, 佢做緊咩
可能有人會話, 你唔理佢咪得囉.
但當你設身處地時, 最大問題係佢坐你隔離, 兼且把聲唔細嗰下衰, 否則我都還可以隻眼開隻眼閉就算數, 再者你話有D位好笑唔通唔俾人笑咩, 咁我又未至於無謂到呢個地步, 只係我已經咳左幾聲同做出左個反應表示不滿, 但佢地依然係咁做真係好嬲, 好彩套戲唔長只有108分鐘左右, 否則我都驚自己忍唔住同佢黎場詠春至掂.
多謝大家欣賞
{:6_193:} 葉問3好明顯係主力內地市場, 老闆又點會慊錢腥唔拍呢?{:6_131:} 自己會入場睇
希望打會拍得好過之前一個人的武林 現金「大多」香港人看電影的態度……
之前看《巨鯨傳奇：怒海中心》時，隔離個位既女性伴侶，好似小學生咁，咩都未見過咁，巨鯨出現就「嘩」，又成日細細聲講「咁咁咁」，加埋戲院冷氣大，「索索」頻繁…… banjo 發表於 2015-12-20 22:39 static/image/common/back.gif
葉問3好明顯係主力內地市場, 老闆又點會慊錢腥唔拍呢?
我話我個人覺得啫... 睇清楚先. 粗人敵卡 發表於 2015-12-21 07:43 static/image/common/back.gif
自己會入場睇
希望打會拍得好過之前一個人的武林
葉問一貫打法, 加埋張晉.... 我個人覺得咁樣好睇好多, 話晒兩個都係食過夜粥...HAHA
一個人武林... 我反而覺得麻麻, 場景配合多於動作表達. Thanks for sharing alleelarry 發表於 2015-12-21 07:54 static/image/common/back.gif
現金「大多」香港人看電影的態度……
之前看《巨鯨傳奇：怒海中心》時，隔離個位既女性伴侶，好似 ...
我成日都覺得...
佢地係用屋企睇碟既方式黎入場睇戲, 所以好多人一入場就不停咁食野, 一係就不停咁講, 無視其他人存在, 有D好似第一日做人咁, 連將手機熄機或較震機都唔去做, 呢樣就至憎.... 睇左, 雖然都冇抱任何希望入場, 不過都只得畀佢五分.
打鬥, 亂鬥個D講實拍得幾差, 睇到D人走黎走去時, 就係度就黎就去...加上大亂鬥呢D場面, 前作1,2都有, 呢集亦見唔到有咩特色.(1的紗廠大戰的特色係班工友用D入門詠春, 去反映返葉師父教成點, 2的魚檔就唔知有乜好, 只見到黃小明係咁CHOK樣CHOK到我有D火)
隻抽, 丹爺隻抽的場數唔太多, 都算OK , 加上自己鍾意睇格鬥野, 如果唔係5分都唔想畀佢...
愛情, 唔知佢係米一開始就想咁寫, 的確對於主人公黎講, 呢個結局係佢地想見到的.
頁:
[1]
2