《踏血尋梅》︰娃娃看天下
聲明︰以下影評以公映版為準。今次係小弟第一次睇翁子光執導的電影，小弟原本抱著純粹睇郭富城的演技，電影確實拍得比自己想像中更好。
電影故事靈感來自王嘉梅碎屍案，剪接方面沒有使用順序方式講述兇案發生過程以及郭富城調查的經過，而係採用交叉剪接手法，藉著郭富城不斷搜集證據，中間加插片中女角春夏，白只等人與案件有關的片段，令電影有著追看性。杜可風攝影依舊風格化，某幾幕給白只等角色來個大特寫，或者近近的拍著一眾人對話，營造一種擠逼抑壓的感覺。張叔平係今次公映版剪接，之前他為達明一派做大碟封面設計，與當時流行大碟封面相比可謂別樹一幟。另外對張叔平印象最深係與王家衛合作的電影，每套電影可以算得上係精品，而《踏血尋梅》剪接方面毫不失禮，節奏保持著緊張明快，將來有機會睇導演版，要與張叔平剪接的版本做個比較。
郭富城之前主演電影，演技普普通通，除咗風雲裡步驚雲做得較為神似外，之後《重案黐孖GUN》陳奕迅演技比他更加好。到了《三岔口》裡躁狂警察，演技開始進步。小弟認為郭富城主演的《父子》係佢演技代表作，演活一個無賴的父親，今次《踏血尋梅》收起以往七情上面的演技，演出較為內歛，最後send短訊比阿梅父親一幕做得唔錯。春夏飾演的阿梅，滿懷夢想來到香港做模特兒，但所面對的現實令春夏夢碎，再成為援交少女過程令小弟感到少少悲傷，開頭電影春夏看到同學割脈，成為她往後被殺的契機。白只飾演的兇手，表現最好係佢於警局講述殺人與分屍過程，與後段郭富城探監一幕，演出相當心寒。譚耀文戲份不算太多，但做得相當過癮，緩和電影沉重氣氛，最過癮一幕係佢於警局打神童開，兩敗俱傷。
今次《踏血尋梅》暫時係小弟今年睇過最好的港產片，睇好呢套電影下年金像獎，特別係郭富城攞影帝。{:6_143:} 聽講導演版郭富城戲份仲多少少
有無師兄睇過導演版講吓{:1_347:} 似乎會有驚喜!!好期待!! MansonT 發表於 2015-12-6 22:54 static/image/common/back.gif
似乎會有驚喜!!好期待!!
郭富城因為角色戲份
無乜發揮同突破
可以留意春夏同白只{:1_253:} 記得導演原本諗住
搵劉錫明做套戲男主角{:1_253:} 粗人敵卡 發表於 2015-12-11 13:41 static/image/common/back.gif
記得導演原本諗住
搵劉錫明做套戲男主角
係呀
呢個係最初步嘅構想
{:6_138:}
頁:
[1]