你會有2的選擇是因為2音樂感較好吧~其實這個級數，又要有音樂感同時又有hifi級數既分析力是有點魚與熊掌.....換下線都好~反正好快你就會升級套系統~{:6_175:}
本帖最後由 charliey 於 2015-12-9 15:24 編輯
really not easy to read this post ... {:1_331:}
I think your DAC, pre- and power- amp, and LS50 are not good match ... and sliver cable is also not good to your system ...
and just the tube-amp is acceptable because u like pop songs and tube amp generally gives warm feel and good for pop songs ...
good luck ...
I sometimes simply connect my sony mobile phone using moov to my tube-amp for a trial of new songs before buying any album or vinyl ... moov hifi version is not too bad as a basic CAS source ...
本帖最後由 kkkiu 於 2015-12-9 16:00 編輯
我反為會建議換左LS50佢~{:6_134:}
如果你唔鐘意LS50既聲底，比你上到Blade 2都唔會鐘意~
“因為我是初學者, 我雖然可以到處試聽, 但怎麼試聽也沒有模擬到和家裡的器材的配搭的結果. ”
如果可以家訪試聽，你希望透過試聽可以邊方面幫到你？我都諗緊可以點幫你。
LS50事實上不差, 當時在KEF聽佢地用Arcam 機, Primare機出的聲都唔錯.
呢對喇叭apec上說了很多數值, 但也就有不少人的包膠出入. 看似也對amp 有一定要求.
Forte機我唔熟, 唔好意思, 我幫唔到你太多. 不過睇到後面你提的英國聲....
KEF可能要高級 model 少少會比較有多D. LS50似乎當時平常消閒用的ok, 要用心去鑑聽的話自覺仲有D距離.
B&W都是, 不過BW的走向偏新, 真是再買前要聽. 上B&W showroom 的話大多用Rotel機, 唔知點解Rotel特別和B&W切合,有時同其他機都有D意外發展.
英國聲仲有好多好多牌子, 也不敢說Proac 不切合你的要求.
音樂感一重, 好多時連帶分析力都跌少少 (唔知點解), 但兩者同得的話真是要用好多時間同錢先搞到.
多謝禁多位師兄先後回覆. 先統一報告一下今日學習過程.
經過幾日公司比較忙的日子, 今日趁星期六出去買喇叭架同線.
線材
線材今日買咗兩條線. 一條係SOUND FROM HEAVEN FIRE PHOENIX 的RCA線. 三百五一對. 我以前果條係外邊鉄皮屋賣的"車佬"線都要成百八蚊一對. 見唔係差好遠仲要有牌子就買咗. 返到屋企立即試下用於前級後級中間, 細聽咗一陣完全聽唔到有任何變化. 可能天份問題. 最後連"心理作用"都用埋都仍然聽唔出有分別.
另一條係SOUND FROM HEAVEN PRESIDENT X 15週年版喇叭線. 亦都唔貴. 比我係鉄皮屋買的"銀線" 仲要平十幾蚊一尺. 三十幾蚊有交易. 駁好之後, 開"側田X港樂"試聽, 覺得好少分別. 無上次由銀轉銅果下咁容易聽得出分別. 最容易分得出係以前條幼幼舊銅線要十點鐘先夠聲. 家下可以向下校返一格, 九點半左右就差不多.
然後再轉播"胡琳JAZZ THEM UP II", 今次就聽得出分別再大D(可能心理作用), 覺得啲聲無以前銀線禁尖. 比較平和一點. 反而我最鐘意的分別係人聲無以前咁前, 後番啲反而平衡咗更接近我自己喜歡的口味. 到家下聽咗兩個小時左右. 好似無以前銀線聽得咁倦. 另外呢隻碟聽得出同以前條幼幼舊銅線比低音低沉咗.
最後聽"李克勤演奏廳"兩隻碟. 之前屋企所有機都播呢隻碟播得唔好聽, 好UN耳, 所以好少聽. 但今日換咗線反而呢隻碟變得順耳咗. 呢條新銅線, 提升咗低同中音, 但高音損失唔算太多.
最後小結一下, 新的SOUND FROM HEAVEN PRESIDENT X 15週年版喇叭線同埋比以前條幼幼舊銅線一樣令聲音暖咗.(同銀線比), 但新呢條比條舊銅高清好多. 都幾值得換的.
喇叭架
我想買隻無牌子, 幾舊水的可以入沙的四柱喇叭架. 結果SSP 行咗一日, 都買唔到. 最後係旺角德發先搵到. 老細介紹咗兩隻, 一隻係FOUNDATION 要六千幾, 另一隻係香港土炮24吋要二千五. 其實我見香港果隻單邊都有成60lbs重非常實淨, 有啲心動. 但過唔到心理關口. 硬係覺得如果無牌子同FOUNDATION 都係差四千左右, 倒不如直上FOUNDATION. 將來二手出貨都易啲. 但又覺以自己對腳架完全無研究, 怕亂買變成浪費錢. 所以決定再爬下文先決定. 亦希望各位師兄可以指教一下.
反而今日最大變化係. 我本來將LS50 放係另一座YAMAHA 座地喇叭上面. 今日因為我想賣走對YAMAHA, 所以轉將LS50 放在電視櫃上. 一聽分別好大. 本來我兩隻LS50 底離地四呎高左右, 左右相距六呎多少少. 轉咗位之後個底離地得番二呎, 左右相距同四呎半. 以前我聽的時候啲聲好似係前面嚟. (雖然喇叭係放一左一右). 但換咗位之後, 好明顯聽得出啲聲唔再係前面嚟. 變成咗係左右兩邊嚟. 然後我試下將兩隻喇叭少少向中間拎. 覺得好番少少, 但仍然唔似以前咁啲聲係前邊嚟. 同埋右邊大聲咗少少. 最後再係前級將BALANCE 向左調左一格. 好番少少. 到左邊大聲少少. 但相對比較平均. 就KEEP 住先.
然後我係隻LS50 下面加咗塊木板. 其實都唔係實木, 都係庶渣板(只係重身啲), 但分別好大. 即刻多咗好多低音. 比換線影響力仲大.
小結
由第一POST到現在, 我只係換咗喇叭線同擺位改咗少少, 啲聲其實已經變咗幾多下. 最大成就係我唔會好似以前咁聽唔夠一個鐘就覺得唔啱聽而走番房聽科寶同CELESTION 的配合. 家下我會話兩套系統已經不分上下. 一套暖, 但唔清. 一套清, 但中性啲, 不太暖. 再次多謝各位指教, 從中學到了玩音響的樂趣.
請問下一是否應該先買喇叭架呢? 還是花六千幾買FOUNDATION 不如加少少換個同膽前級? 還是根本問題是LS50, 我比較喜歡暖厚聲, 根本唔應該用鑑聽式的喇叭, 應該先去搵隻超舊的英制喇叭?
揾隻二手proac喇叭！
nevermindband 發表於 2015-12-13 00:19 static/image/common/back.gif
多謝禁多位師兄先後回覆. 先統一報告一下今日學習過程.
經過幾日公司比較忙的日子, 今日趁星期六出去買喇 ...
是你玩Hifi定Hifi玩你{:6_138:}
銅線和厚木等等，是可以㩒低LS50的鑑聽特性，查實有點冶標不冶本。但以不大動作和蝕章而去摸索自己的路向，也不失為樂趣。
下一步應該點，好難答，因為唔知你想走多遠（買幾多嘢）。既然你可以放腳架，與其花錢在腳架，何不考慮小座地。Proac D20R和PMC 23也可能是你喜歡的聲音（厚暖得嚟分析力也高），但這兩對比較新，二手可能難找。還有，有無試過駁Yamaha？Yamaha如果不是太入門的，效果也不錯。
其實最難是每個人對好聲音的定義都不一樣。喇叭線重新，未開聲，現階段出去多聽聽。
我見charliey 和FelixTheCat兩位師兄都推介Proac, 看來有必要去試聽一下. 我買LS50 果時只係識KSF, B&W 同ATC 三個牌子, PROAC 完全係走漏咗眼. 不過好在LS50二手市場出貨比較快. 我當時就係買二手遲咗一步, 買唔成, 個賣家介紹我去德發買一手的. 如果真係轉會的話, 都唔洗太痛. 另外我見PROAC BOOKSHELF 二手放得唔多, 而且一放就走得好快, 加上一二手差價唔大, 可能會買一手. 但今次有經驗後不會買得咁急, 一邊試聽一邊學先決定.
我對YAMAHA 係NS-8900, 好耐之前係屋企試, 輕易地比我另一隻DALI ZENSOR I KO 咗. 己DALI ZENSOR I 又輕易比LS50 KO 咗. 所以我都無駁嚟玩過就送咗比朋友, 一切已經太遲.
因為屋企客廳不大, 總面積約一百平方呎左右 (12"Wx9"L), 所以我計劃買咗喇叭架之後大約會兩隻喇叭相距七八呎左右. 喇叭離我只有六呎左右. (因為我喇叭背離牆呎半), 這空間玩座地會否太細呢?
我諗緊如果我到最後都係買BOOKSHELF, 我諗緊不如先買隻喇叭架. 我爬文之後, 睇嚟君子黑武士好像性價比比較高. 二手出貨又容易. 可能會平平地買隻返屋企玩. 各位師兄請問有何意見呢?
另外, 用喇叭架就牽涉到落釘呢? 我月底去日本, 想趁機會順道帶幾隻回來, 反正比較細粒, 容易帶. 但呢方面完全零知識, 我見有師兄話木造的會比較暖聲. 又有師兄話其實買不锈鋼就可以. 因為鋼材密度比較木高好多更好多. 一時間毫無頭緒. 希望各師兄指教一下. 先謝過大家.
nevermindband 發表於 2015-12-14 15:08 static/image/common/back.gif
我見charliey 和FelixTheCat兩位師兄都推介Proac, 看來有必要去試聽一下. 我買LS50 果時只係識KSF, B&W 同A ...
真心講, 你呢個距離玩座地會又要用好多時間心機去調教, 條路有排你行, 不如用返書架先~~!! {:8_376:}
見樓主你都會肯用時間去試同去試, 一: 小弟自己覺得SOUND FROM HEAVEN既線for睇戲係OK, 但聽歌就....用sommer/canare會好啲..... 二: 你有無去試吓naim + focus audio? 如果呢個組合你都係覺得唔夠, 唔使去聽proac~~ 個人覺得ProAc係英國聲裡面走既係中性帶少甜路線, 未必啱你口味~~
睇唔到你屋企實際點, 不過我估你擺位可能有啲問題, 不如你搞好擺位先, 呢樣堅好緊要~~!! {:8_387:}
另外賣吓廣告先~~ 雖然小弟仲未放出嚟賣, 但如果你真係想搵對平平地但又好很重既腳架, 我可以平平地幾舊水讓比你, 最緊要你要夠力抬走佢, 因為小弟係住元朗村屋二樓~~!!! {:9_407:}
http://post76.hk/forum.php?mod=viewthread&tid=159502
