《踏血尋梅》簡評‧不含劇透
本帖最後由 bellyjerry 於 2015-12-5 13:48 編輯剛剛睇完,一套睇完相當沈重,令人有好多嘢諗嘅電影,個人覺得呢部係本年度最佳電影之一(包括外語片),{:1_351:}
導演翁子光用拼圖方式將一宗改編自真人真事嘅兇殺案件有條不紊地拍出來,巧妙地將電影分為三個段落:《尋梅》,《孤獨的人》,《踏血》,令電影睇落冇咁傳統,顯得不平凡,因為如果導演將故事平鋪直敍地拍,小弟相信出嚟效果將同以往的奇案片分別不大,破舊立新之心值得一讚!其次電影除了描述兇殺案之外,也輕輕帶出社會問題,包括新移民,板間房,援交少女等等問題,雖然着墨不多,但都令人印象深刻.
另外不可不讚嘅係片中各位演員嘅表現,首先主角城城今次扮演一名老差骨,演繹比較內斂,造型相當生活化,具說服力,若果與之前都係扮偵探查案的《C+偵探》系列比較,今次明顯成熟了很多,特別係喺茶餐廳與前妻見面對話一幕,深深打動了小弟,努力咗咁多年,相信今年憑呢個角色有力挑戰金像影帝喇!{:6_176:}
其次要讚嘅係片中幾位新演員的表現,幾位都相當亮眼,首先係片中演殺人兇手嘅白只,演舞台劇出身,同林雪不論身裁樣貎都有7成相似嘅佢喺片中嘅演繹絕對可以用'震撼'嚟形容,完全入哂戲,不論眼神,動作肢體語言均冇得頂,特別係喺法庭講述番自己兇殺同肢解過程一幕,表現一絕,真係令人感到心寒,喜見未來香港電影圈又多一名實力派演員!{:6_193:}
另外女主角春夏嘅表現亦相當出色,片中扮演一名內地來港嘅援交少女王佳梅,多場戲都做得好好,重幾靚女,前途無可限量呀!{:9_423:} 至於譚耀文,金燕玲呢啲老戲骨更加唔駛講,完全恰如其分做好自己角色,非常好呀,就算只得一兩場戲嘅蔡潔,邵美琪,譚炳文等都有戲可做,令人印象深刻,唔會睇完就忘記.
最後總結一句,小弟覺得呢套編,導,演,剪接,配樂皆相當出色嘅本土電影一定要支持,小弟睇嘅係99分鐘剪輯版,希望有時間可睇埋導演版作比較啦,期待呢套戲可以喺來年金像獎大放異彩,為本土電影爭番口氣呀!{:8_403:}
評分:8.5/10分
多謝各位觀賞 {:8_387:}
聽日去睇
係睇公映版 粗人敵卡 發表於 2015-12-5 07:16 static/image/common/back.gif
聽日去睇
係睇公映版
正呀敵卡兄,聽杜sir講兩個版本各有千秋,enjoy喇{:1_351:} 導演版有艾迪！ bellyjerry 發表於 2015-12-5 13:52 static/image/common/back.gif
正呀敵卡兄,聽杜sir講兩個版本各有千秋,enjoy喇
公映的就是導演版！？ alleelarry 發表於 2015-12-5 16:58 static/image/common/back.gif
公映的就是導演版！？
Alleelarry兄,公映嘅係剪輯版,片長99 mins,導演版得3間戲院有得做,片長120 mins{:8_387:} bellyjerry 發表於 2015-12-5 17:12 static/image/common/back.gif
Alleelarry兄,公映嘅係剪輯版,片長99 mins,導演版得3間戲院有得做,片長120 mins...
這樣的安排好掙扎的啊！{:6_141:}
總是傾向導演版多一D{:6_142:} 睇就會睇導演版， 但週末就唔想睇著， 怕影響心情呀，呢啲題材！ 朗 發表於 2015-12-5 18:27 static/image/common/back.gif
睇就會睇導演版， 但週末就唔想睇著， 怕影響心情呀，呢啲題材！
係呀朗兄,睇完都幾沉重,無謂影響週末愉快心情,留番weekday睇吧{:6_182:} {:6_193:}
頁:
[1]
2