Dynamic Motion DM008P 簡單聽感分享
本帖最後由 JimmyNgai 於 2015-12-3 18:26 編輯呢對 Dynamic Motion DM008P 係76十三周年台慶抽獎得到的禮物，首先要多謝 Post76、Dynamic Motion 同大昌 {:1_253:}
先睇下 Dynamic Motion 既港澳總代理大昌影音點介紹 DM008P (大昌影音facebook)︰
繼RHA之後，我地積極為大家引入 C/P 值爆錶既耳機! 大昌影音已正式成為韓國新貴品牌 Dynamic Motion 既港澳總代理商。Dynamic Motion 最新型號 DM008P 係2015年榮獲日本 VGP Lifestyle 金獎，佢有咩咁特別？耳筒以全金屬製造，擁有特別音效調節，令音色更立體。專利 Power Dynamic Driver 技術令低音更細緻，中及高音更清晰，為用家提供流動發燒既音樂體驗。想試下新潮又靚聲既耳機？咁就非 DM008P 莫屬啦!
Dynamic Motion 係韓國品牌，呢對 DM008P 係佢地既旗艦產品。我對呢個品牌冇乜認識，所以未開箱聽時都冇乜特別期望。我用iBasso DX90開mid gain隨意播幾首歌，有HiFi女聲、日語流行曲、演唱會現場錄音等等。一開聲感覺聲音好中性、三頻好平均，可以話係冇乜特色但聽得好舒服，鍾意中性聲底既朋友應該會喜歡。條耳機線偏硬，聽診器效應明顯。細心聽會發現佢分析力同動態表現都唔錯、高頻順滑唔刺耳，但高頻延伸同空氣感有點不足、聲音聽落有點兒局促。低頻量夠又唔過份，但偏軟，如果首歌有好多低音樂器聽起黎有點糊。對於初步聽感，我的感想係呢對 DM008P 性價比係唔錯 (香港市價好似係一千頭) ，偏向雜食形，聽起黎感覺好舒服係容易令人覺得佢好聲既類形，VGP金獎係有點睇頭，但未至於係大幅勝過同級對手。 呢幾日斷斷續續咁用 DM008P 黎聽歌，試過配搭唔同音源，例如用小米S2、iPhone 6s、Samsung Galaxy Tab A 直出，又試過加 JDS Labs C5D DAC/AMP、JDS Labs Element DAC/AMP、iBasso DX90 (line out) + Aune B1 AMP、ODAC + Aune B1 AMP，我諗都係時候補充下聽感。
我覺得 DM008P 算係比較容易推出好聲，用手機或平板電腦直出聲音已經好舒服，聲音乾淨唔毛躁，而且凝聚力好，樂器位置清楚，又聽得出歌者口形，呢幾方面真係好值得加分。{:1_351:} 配搭 DX90 (phone out) 或 C5D 後，聲音更乾淨更舒展，三頻比例上並無大變化。奇怪既係 DX90 + B1 呢個組合反而係最唔好聽既，比手機、平板直出更唔好聽，低音太勁聲音又顯得有點乾硬，唔岩我口味。因為 DX90 個 phone out 推 DM008P 係好聲既，我有懷疑過係咪 B1 呢個 Class A amp 唔夾對耳機，但用 ODAC + B1 聽落又OK，雖然聲音同配 Element 時都係略顯硬朗，唔太岩我口味。
呢對耳機真係唔錯，不過高頻係佢弱點，無論配咩音源都冇乜改善。如果可以改善高頻延伸不足呢個問題，我諗佢可以挑戰到貴兩、三倍的耳機。{:1_249:} 可以俾我o係台慶抽到呢對 DM008P 真係好開心，越聽越喜歡{:1_254:} 呢隻耳機都幾抵玩，C/P值高同易推，煲20-301鐘已經開始有野聽。我之前自己買左一隻。{:6_188:}{:6_193:}{:6_193:}{:6_193:}
(Post76 Android 手機版送出) 本帖最後由 JonesChan 於 2015-12-4 09:00 編輯
小弟都抽到樓主隻耳機，再加埋抽到THA-30。。。
期待20－30個鐘後嘅驚喜！
喺呢度再次多謝76及代理！{:1_351:} 呢對耳機一開聲就聽得舒服都真係唔錯，似乎幾有潛力{:1_351:} 期待煲20-30個鐘後既表現~ {:1_249:} 係街都見過，聽過下幾舒服，我用S6試過都幾好聲，用來聽Adele隻25第二首D Bass好正。 太太幸運地抽到呢對 IN-EAR，剛好家中沒有對像樣的，正所謂得物有所用！ JimmyNgai 發表於 2015-12-9 14:52 static/image/common/back.gif
呢幾日斷斷續續咁用 DM008P 黎聽歌，試過配搭唔同音源，例如用小米S2、iPhone 6s、Samsung Galaxy Tab A 直 ...
JIMMY兄, 我都絕對認同你既REPORT呀, 依家我會SONY H3同佢是旦一隻出街, 老實講, 要成4-5千蚊買耳機來聽我個人真係唔係話咁舍得, 但千多至二千數呢個位依家來講都已經好多有質素既耳機都真係有唔錯既表現, 隻 DM008P 最唔好就係個樣.......唔夠型仔囉~~~{:6_137:}
頁:
[1]