《滾蛋吧！Mr. Tumor》白百何, 都係要捧下場嘅!
本帖最後由 朗 於 2015-11-23 01:52 編輯電影資料: http://post76.hk/forum.php?mod=viewthread&tid=217046&highlight=%E6%BB%BE%E8%9B%8B%E5%90%A7
國產電影, 老實講, 入戲院捧場嘅唔多! 不過有白百何囉喎, 又另計, 佢實情係唔係靚, 不過氣質係大部份大陸女星所無嘅! 演技能力個人非常欣賞! 何況仲有而家除咗古天樂以外, 能夠襯到絕大部份中港台女星嘅吳彥祖, 白百何, 吳彥祖組合, 都係值得捧場嘅!
電影根據真人真事改編, 白百何飾演嘅80後漫畫家熊頓, 年屆29, 冇車、冇樓、冇穩定收入，只有一個可有可無嘅男朋友同三個死黨艾米、老鄭同小夏。但性格樂天，愛幻想，是嗰種遇到靚仔毫不避忌兩眼發光、遇上糗事會哈哈哈、天跌下來當被冚大而化之嘅女人。但 一日之內，熊頓失業兼失戀，好在仲有死黨同佢她慶祝29歲生日。許願嘅一刻，熊頓一頭倒喺蛋糕上，從嗰日起，佢開始痛苦但充滿力量、瘀事不斷嘅抗癌之旅，仲遇上吳彥祖飾演主診嘅靚仔梁醫生......, 最後以積極樂天打不死嘅精神含笑走完短暫嘅人生!
以白百何嘅能力, 發揮做好角色冇難度, 包括扮白痴低能, Deep V谷盡事業線, 以符合內地觀眾口味嘅部份, 超過兩個鐘頭嘅戲, 通過大量幻想嘅情節, 充分賣弄豪華情景, 一開場就嚟場大爆炸地震盪, 總之隔幾分鐘就賣弄下, 日夜唔同角度嘅北京市景包括大褲浪不斷出現, 睇到你夠!
咁而家啲國產電影係咁嘅喇! 最後白百何一場獨白個人表演埋尾收場, 收貨喇!
罕有谷盡事業線!!
頁:
[1]