Atmos 3D DBox版《飢餓遊戲終極篇：自由幻夢2》無乜劇透!
其實呢套嚟到呢集, 仲邊有期望! 不過由2011年6月2日開始喺呢度介紹呢個系列,http://post76.hk/forum.php?mod=viewthread&tid=73588&highlight=%E9%A3%A2%E9%A4%93%E9%81%8A%E6%88%B2
咁多年咁多集都有捧場, 好頭好尾, 點都要支持埋嘅! 唔單只捧場, 臨別秋波, 仲好重槌, Atmos 3D DBox版, 兩位盛惠連網上購票手續費一隻大牛找返兩蚊!
呢間戲院坐正皇帝位, 確係頂級享受! 視角超闊, 接近人眼極限, 4K畫面, 豪華版D-BOX訓喺度睇, 訓喺度震, 杜比全景聲Dolby Atmos, 真係無得彈!!
咁呢啲都要電影內容配合至可以盡情發揮得到, 奈何呢套震撼嘅畫面同試聲位唔係冇, 唔算真係好多囉! 廣場同地下水道大戰都有睇頭, 但問題係套戲悶場相當多, 明顯喺度拖! Josh Hutcherson 飾演嘅Peeta成日問".....real or not real", 問完又問, 其實大家都估到Katniss Everdeen最後情歸何處嘅喇!
Katniss Everdeen個角色, 嚟到呢度, 已經唔係咁討好, Jennifer Lawrence 嘅演譯亦演譯到無哂新意!
有人俾成兩舊幾水入場訓覺 , 仲訓到鬼殺咁嘈! 又有人悶到接電話傾計, 俾個鬼佬大聲嗌佢shut up!
入唔入場自己決定嘞, 呢啲!!
I did have plans for watching it, but after watching Chris Stuckman's review, I decided to wait for the home media release. In fact, I chose "Interstellar" over "Part 1" last year, I suppose I better watch them all in once on discs a few months later. 除咗Dolby Atmos版, 4DX版, 台灣仲有Auro 11.1版! 真係好想試下比較下!
本帖最後由 阿定 於 2015-11-23 08:48 編輯
結局，係要睇的，其實原本想睇IMAX，一直以為要等到星期二先有飛買，點知開賣的竟然係007，唔係賣佢，真係估佢唔到，翻轉頭已經買唔到海運或The Grand靚位了，所以把心一橫，揀左最平的2D+無特別聲效的版本，仲要等埋買一送一的星期五先睇，叫做睇埋果尾，成套戲其實悶場幾多，估計係要交代小說內容，所以太多劃出腸的文戲，坐係左手邊的男人，入場無耐就訓左，不停打呼，隔多陣起返身就同條女係度講完場未，邊有咁悶架！坐係右手邊的女人，就完全相反，係咁問佢果男人，呢個即係邊個？點解的？點解的，沒完沒了，男人由初初都答下佢，到後來試圖唔理佢希望佢收聲，不過都係阻止唔到果女人係咁問，係壓力下，結果男人頂唔到，未完場就拉埋果女人走，以免開燈後比人圍插！
今集打鬥場面不多，而且淨打無鬥智無鬥力，嚴格來講，主角係對整場戰鬥無任何幫助，唔怪得有睇過原著小說的朋友同我講，唔急睇電影結局，可能一早估到會好悶吧！
期待{:6_178:} 原來已經上o左, 之前幾集都有睇, 而且當時成日比d"首都"音樂洗腦, 去去下小便都可以哼d音樂出來!!
我記得之前寫影評時都有估下結尾係點, 睇下我估中幾多都好~ 睇左, 都係因為睇左前三集. 抱著[唔爭在]的心情睇埋.
老實講, 第一集我睇之前, 聽過一D後年青的朋友講套小說如何精彩, 但電影中, 我只睇到一套粗糙的反烏托邦TEMPLATE.
男女主角的背景, 能力都好片面, 當然啦, 幾個鐘一套戲你想點, 所以都冇太要求, 但第一集的特技都唔係突出, 相比下, 我認為2係較出色的, 起碼有表現到個種GAME的特色.
3話佢已經脫離了GAME, 而4入面的個個所謂GAME, 係好硬粗黎的, 個強權政府一下子脆弱到咁...
大部份呢類正邪相爭的電影, 最怕睇的係後來唔夠時間, 就用了好牽強的講法, 將反派的IQ一下子降低, 等主角簡單D咁樣搞定佢, 快快脆脆HAPPY END... 小弟尋日睇咗, 其實都幾期待, 期待既唔係諗住佢最後有幾爆, 而係個劇情~~!! {:9_423:}
小弟睇一集時其實都幾鍾意套戲, 當然都唔係為咗有幾爆聲有幾靚畫面幾多K咁, 而係劇情~~~ {:9_422:}
老婆第一集未話拍之前已經睇晒小說, 佢一直忍咗咁多年都唔劇透, 只係每次睇完一集我就會問佢同小說形容有無分別(小弟唔睇小說, 一來唔識字, 二來更加唔識英文....), 根據老婆所講, 其實睇咗咁多小說改篇電影, 時間關係雖然係好難去交待每一段情節, 但呢套已經叫做算係最忠於原著, 所以小弟會覺得文戲係會多同要多, 而搵影后去做都好正常, 咁既年代又咁好戲, 影后的確係最好選擇之一(唯一都係覺得peter唔夠大隻靚仔, 因原著裡面既peter係好靚仔好吸引人, 係一個可以用說話去氹captial同受惠國既人, 咁先可以同純用真感情去感動受惠國既女主角打對台~~) {:6_238:}
結局雖然去到第三集都已經估到啲, 不過都係一貫睇戲唔反駁既心態去欣賞~~!! 同埋有一樣嘢小弟覺得好好, 因現實中Philip Seymour Hoffman已死, 套戲點樣交待Plutarch Heavensbee呢個角色呢~~?? {:8_395:} (老婆行走戲院先同我講, 原來呢個角色咁鬼緊要, 唔怪之得當初要搵Hoffman做....) 最後都覺得交待到啦~~~ {:6_128:} 朗 發表於 2015-11-23 02:06 static/image/common/back.gif
除咗Dolby Atmos版, 4DX版, 台灣仲有Auro 11.1版! 真係好想試下比較下!
查實仲有 dts:X 版本添，但唔肯定香港有無得睇！？ {:6_128:}