玉置浩二Premium Symphonic Concert
認識小弟既都會知小弟係永遠既月光族, 荷包永遠無銀用, 銀行結餘永遠係出debit~~~ 呢十幾年嚟都無咩去現場睇演唱會, 就算有(好似上年既Mi)都唯有係老闆(即老婆)出錢叫小弟去.....{:9_440:}但早喺幾個月前~~ 小弟收到HKT Premier既一個message, 諗都無咩點諗就做咗個決定, 而呢個決定連老婆都嚇咗一驚~~~ {:9_433:} 買咗2張HK$1280既演唱會飛, 當然老婆第二句就已經問我"錢從何來?".....
其實小弟有幾鍾意玉置浩二? 連樓下既鄰居都話成日聽到樓上播玉置浩二既歌就知啦~~~ {:9_407:}
Koji Tamaki 玉置浩二 Premium Symphonic Concert
等咗幾個月終於等到呢日, 問準老闆(真係公司老闆)可以早少少收工走人, 拿拿臨同老婆食完嘢就飛車入去, 因為大鄉里未去過亞洲國際博覽館, 驚塞車又驚遲入場.....結果竟然7點10分已經到咗.....{:9_434:}
小弟覺得, 其實今次與其叫做"演唱會", 不如用"音樂會"會更加適合~~!! 無咗之前去紅館睇演唱會有好多紀念品賣, 個場設計無咩特別花神, 啲人入場又唔會有螢光嘢, 觀眾又唔會成日大叫, 音樂會分上下半場, 每場90分鐘咁上下, 好整齊~~ 感覺上好似所有人, 包括表演者都好用心咁欣賞整個音樂會~~ 小弟個人覺得為咗尊重表演者, 都唔想喺表演期間影相, 況且手機影嚟都係浪費欣賞音樂既時間, 都係用心感受好過啦~~
所以以下相係copy自concert facebook
後感
玉置浩二果然係非同凡響, 佢用咗少少類似"說唱"(即係好似李宗盛咁)形式去唱多首一聽intro都知係咩既歌, 比起每日聽CD有一種好新同好有feel既情感, 配合趙增熹既指揮同香港城市管弦樂團既演出, 睇得出佢哋唔係有好多時間去夾, 但即時交流同配合係好好~~ 玉置浩二把聲真係有超級融化靈魂既能力, 小弟一路聽一路眼濕濕~~~ {:6_128:} 而玉置浩二都無咩講過啲咩, 淨係講咗3-4句廣東話同鍾意香港呢啲"行"嘢, 全程都係演唱~~~ 抵睇~~!! {:6_193:}
去到最後當然都有香港表演必定會有既encore時間, 都睇得出佢哋都準備多2首歌比encore, 但我諗現場好多人都同小弟一樣覺得好感動, 最後個個企起身拍手, 拍足十幾分鐘令玉置浩二同趙增熹返入台再出嚟三次致謝~~!! 我諗....呢一個方法係表達對表演者最高既致謝喇~~~ {:9_426:}
用說話, 用故事去感動人可以好容易, 但一個全場唔計休息時間一個半鐘既音樂會, 無咩講嘢純用歌聲音樂去感動觀眾, 小弟真心覺得呢2千幾蚊比得好值~~!! {:8_394:}
P.S. 有傳媒集中講玉置浩二唱廣東話歌, 其實佢加埋只係唱咗3句, 仲要夾埋為咗呢3句好明顯聽到佢唱唔到感情.....不如慳返唔使咁討好香港, 唱返日本好過啦~~~ {:8_395:}
多謝觀看~~!! {:8_387:} 現場音響如何？
"玉置浩二" D歌我都十分喜歡聽，可能他D歌好多比香港歌手改編來唱，大家都耳熟能詳，今次錯過咗，希望等出碟再回味！！{:9_426:} {:6_234:} 當日我也在埸，非常喜歡這個表演；
之前二日，全家找過也找不到concert ticket,
好彩用信用卡購買，打去問，第一次用電子報案，email 一堆後，憑email 來的信件也可入場！
11月 Koji, 12月有胡琳、1月有 Diana Krall, 真係破產！
（好彩 Madonna 售票那段時間不在港、買不到，慳番！） gxg 發表於 2015-11-16 12:15 static/image/common/back.gif
現場音響如何？
現場音響OK啦, 始終佢係一個展覽場地, 並唔係一個正式concert hall~~!! {:6_180:}
聽到坐我前一排既人講, 啲聲好過上次安全地帶嚟香港演唱會嗰次, 不過上次小弟無去無咩好比較, 但小弟一向對香港演唱會既音響聽感唔太好, 比較MI嗰次我會鍾意今次音樂會既聲音多啲~~!! {:9_423:} teddyng637 發表於 2015-11-16 12:19 static/image/common/back.gif
"玉置浩二" D歌我都十分喜歡聽，可能他D歌好多比香港歌手改編來唱，大家都耳熟能詳，今次錯過咗，希望等出 ...
你去咗隔離既VSOP嘛~~!! {:9_407:}
講真唔知會唔會出碟, 見到有TVB既camera, 當然出碟小弟都會買, 但同現場感受就無得比咯~~~ {:9_428:} 本帖最後由 machihck 於 2015-11-16 12:31 編輯
gxg 發表於 2015-11-16 12:15 static/image/common/back.gif
現場音響如何？
我坐 control panel 後的正中央位置，現場非常好聲！（比上次香港安全地帶好多多倍！）
今次交響樂團式的concert,之前半年 Koji 已經在日本巡迴公演多埸、編曲由四位日本大師負責、所以非常正之外⋯{:8_377:} ⋯亦非常有新鮮感！{:8_378:}
現場有6部或以上camera 拍攝，日後應該會出 blu-ray!
我一定會買！{:8_376:} machihck 發表於 2015-11-16 12:21 static/image/common/back.gif
當日我也在埸，非常喜歡這個表演；
之前二日，全家找過也找不到concert ticket,
好彩用信用卡購買，打去問 ...
你坐邊個zone邊行~~?? {:9_419:}
老婆都問我有無買Madonna, 但真係太太太太貴咯~~~~ {:9_418:} ykluk 發表於 2015-11-16 12:29 static/image/common/back.gif
你坐邊個zone邊行~~??
老婆都問我有無買Madonna, 但真係太太太太貴咯~~~~ ...
我坐 control panel 後的正中央位置，是高了出來，與個台高度相約 我響FB見到個中學同學同佢合照先知到佢開 Show......{:6_123:}
頁:
[1]
2