《哪一天我們會飛》夢想? 現實? 不可分割
http://ww4.sinaimg.cn/bmiddle/64e5fabcjw1ewkc7y6yupj20vf18g489.jpg
https://fbcdn-sphotos-e-a.akamaihd.net/hphotos-ak-xtp1/t31.0-8/11143207_1204050102954486_4084495926053605488_o.jpg
故事簡介
彭盛華和余鳳芝結婚十年，生活平淡似水。鳳芝在網上偶然發現舊同學：蘇博文的博客，上載了他自彈自唱的歌，喚起鳳芝沉睡多時的回憶精靈。90年代，中學歌唱比賽上，盛華和博文合唱，鳳芝被二人吸引。盛華生性活潑，夢想成為室內設計師，常把課室弄得像遊戲樂園。博文踏實寡言，擅長製作機械裝置，夢想成為飛機師，曾在「雞蛋飛行」比賽奪得冠軍。中學時代的余鳳芝、彭盛華、蘇博文沉醉在「三人行」的夢幻歲月裏。鳳芝希望將來可以乘坐博文駕駛的飛機、住進盛華設計的大屋中。回到現實，鳳芝發現丈夫經常發求愛短信給一個叫莉娜的女人。鳳芝撫心自問，當時為何選擇盛華而放棄博文呢？答案就在當年學校開放日裏。鳳芝決定要展開「尋找蘇博文」行動。她重返母校，再遇上昔日老師、校工、舊同學，一幕幕青蒽歲月歷歷在目；對比當下，那個滿懷夢想，不知天高地厚的自己，去了哪裡呢？最後，鳳芝終在博客上收到蘇博文的回音，可是，結果卻是她意料之外⋯⋯
今朝睇完, 先講我會俾7/10分...
星爺都講過, 無理想同條咸魚有咩分別....
"講得好"
但現實歸現實, 有時候係逼不得已...
故事中好強烈講出香港呢個地方, 社會上對"理想"既睇法係好薄弱, 尤其是對97來臨既時候.
無錯, 講得啱.
但我唔認為只有香港係咁, 其他地方都同樣有呢個問題存在, 只係佢出現在你身邊所以會較為著緊同明顯.
擁有理想, 甚至達成理想, 可能都只存於青春時候.
相信有人會話: 點會呀?!? 可以發展成為事業架麻.
無錯, 的確可以.... 但其實又有幾多人真正可以做到.
我睇左部份訪問同埋聽到好評既聲音就入場支持欣賞, 結果我個人覺得出到黎既效果, 如果同狂舞派比較既話, 我會覺得狂比較貼近現實同實際意思.
最主要既原因係人大了, 當埋頭苦幹既時候, 回想理想有多美好的確係一件嘗心樂事既同事, 但現實中又真的可以達成嗎?
.
.
.
總括黎講, 呢套戲我覺得外界迴響較為誇張, 題材較為小人會起用, 反而欣賞對新演員既表現既肯定係幾好, 亦係現今香港電影最需要既一環, 但始終雙配合之下, 實際得出既成效係咪真係發揮到出黎?!? 我諗都仲有一個好大既空間要去探究同開發.
前人種樹, 後人乘涼
係我對有理想但要睇返前事既比對所作出既結論
多謝欣賞
支持支持, 本土電影呀!!!! 一定要支持 我尋晚都睇左....雖然文戲多...都有 d 笑位...感覺唔錯 {:6_193:} keke323 發表於 2015-11-15 00:53 static/image/common/back.gif
我尋晚都睇左....雖然文戲多...都有 d 笑位...感覺唔錯
請得林狗黎拍, 唔多唔少有返D笑位爛GAG至得... Hon 發表於 2015-11-15 01:08 static/image/common/back.gif
請得林狗黎拍, 唔多唔少有返D笑位爛GAG至得...
話時話...佢都好小擔正做主角 {:6_175:} keke323 發表於 2015-11-15 01:42 static/image/common/back.gif
話時話...佢都好小擔正做主角
佢同阿葛應該都好貴...HAHA 林狗現實係手工王，同套戲入面的角色有少少似！
人係現實的，男不壞女不愛，點解唔揀蘇博文，大家應該唔難明，就算余鳳芝係開放日有去坐蘇博文架飛機，其實99%都係會同彭盛華一齊，唔好忘記蘇博文其實一早已經表白過，不過當無件事而己，結婚耐左，感情淡左自自然就會胡思亂想，永遠的18歲，當然是完美的，彭盛華的出軌，可以用愛上同一種女人為解釋，不過唔代表值得原諒，但普遍女人都會揀當睇唔到，可惜男人定力就是少，但當初揀壞男孩的又是誰？
戲中拍攝手法唔錯，會容易讓人回味青春時期的可愛情懷，男生看女生的角度，視線有意無意停留係領口位，後花園的秘密機地，好落力咁搞Open Day，明知都只係自己人先會參觀，仍會落力做好佢！
戲入面，彭盛華同蘇博文的友情，其實都好值得細想，戲入面無交代過佢兩個係Open Day之後有無聯絡過，同埋Open Day果日，兩個咁friend，無理由唔知大家都為余鳳芝搞緊大Project，所以最後邊個贏左余鳳芝芳心，都應該唔會影響友情！
成套戲，係咪好睇？我覺得算唔錯，老老實實，唔係林狗同千嬅擔正，其實未必入場，整體好清新，就算超老土的情節(女主抱起鸚鵡果part)，你都唔會覺得太做作！值得入場細看！ 阿定 發表於 2015-11-16 15:47 static/image/common/back.gif
林狗現實係手工王，同套戲入面的角色有少少似！
人係現實的，男不壞女不愛，點解唔揀蘇博文，大家應該唔難 ...
我就因為想睇黃修平點處理而入場睇...
用愛情砌出故事, 其實係唔錯, 但內容上我見有人話可能未睇過同類橋段就應該唔會, 因為印象中我睇過, 爭在用飛機黎做體幹呢下就新鮮d, 但以香港黎講飛機的確係幾有代表性, 尤其是九龍城同啟德, 回憶上的確有好多既.
我就唔期待男女主角有突出表現...尤其女角(不過佢都好過許太), 如果可以用返狂舞派呢類用埋新人黎做我會更加鍾意.
題外話, 因為見都有唔小人講過下:
"其實香港唔係拍唔到那些年既風格同味道既電影, 只係..."
"點解我地要追住一套賣座又好睇既戲黎講呢"?
香港其實都有拍過好睇既本土愛情青春片, 好似杜sir既愛上我吧, 入面既內容故事正正就係香港社會既當時現象, 我期待佢有可能會出bluray架....haha
我覺得我地唔應該追住好睇既橋段就翻拍出黎, 就好似呢套戲同狂舞派一樣, 集各方好處再加以配合出好既故事至好去拍, 否則只會變成一個COPY CAT既社會...
啱啱頒獎禮當日先睇
其實我想問：上海妹係唔係即係蘇博文女友？
頁:
[1]
2