是日入手，PS4的盛裝派對
本帖最後由 @肥狗仔@ 於 2015-11-8 01:48 編輯PS4買咗返黎都兩三個星期喇，受限於客廳特別係電視櫃的空間，本人絞盡腦汁亦總算將三部主機(X1, WiiU, PS4)排得睇落平起平坐，當中WiiU同PS4被打棟放，為求讓出空間比一定要打橫放的X1@@。工程完成後，唯一問題就係由於三部機都係黑色，不論我遠睇定近睇，視覺上都差不多。講真哩啲雞毛蒜皮嘅野其實可以無視，直到最近PS4出咗一系列色彩斑斕的HDD護蓋，望落同某啲筆電一樣時尚兼型格，所以今日出咗去望望，睇吓買唔買到金色，紫色哩啲用作修飾部黑機。
當然最後都係冇買到，反而係入咗多羅貓。作為PS系少有的吉祥物，雖然個蓋賣成兩舊水，更換後的效果感覺係值回票價。如果你覺得屋企部機睇落齋咗啲，有時未必關角度事，可以試吓買哩類護蓋，話唔定都會有驚喜。
It works!
同日入埋COD BO3，都係果句，如果你唔玩多人遊戲，其實冇必要入，玩咗兩關單機，不論係內容或者演出效果都唔見得有咩突破，部分橋段更加係1年前AW已經用過。睇黎Activision都係時候協調吓果幾間開發組，最起碼唔好撞劇本先啦。
最佳成績....第三
即刻靚仔晒！ 正'幾型仔 {:6_193:} {:6_193:}掂呀！ {:6_237:}
頁:
[1]