本帖最後由 brotherkei 於 2015-11-18 12:39 編輯
kh22 發表於 2015-11-17 14:42 static/image/common/back.gif
點解今次無人炒,音質無驚喜？
買咗「我只在乎你」。呢張碟雖然算幾好聽，又有超級 Hit 歌，但係音質真係不敢恭維，包括黑膠在內。同期日本出嘅「酒醉的探戈」（Tracklist 唔同）就好唔少，但係都只係好勉強咁接受。「我只在乎你」咁多年嚟都冇一個稍為似樣嘅版本。
我覺得呢張碟根本係製作上未盡理想，所以音效比較差。今次 Abbey Road 嘅 Ian Jones 真係建一奇功，我覺得呢次係咁多年嚟最好聲嘅版，比原裝日版更優勝！當然唔可以期望係好靚聲，但係正常好多囉。
brotherkei 發表於 2015-11-18 12:35
買咗「我只在乎你」。呢張碟雖然算幾好聽，又有超級 Hit 歌，但係音質真係不敢恭維，包括黑膠在內。同期 ...
同意師兄所言，此碟沒有一個版本靚聲（頭版黑膠我沒有，所以不知道是否同樣衰聲）。最悲哀的是發燒友要接受在眾多衰聲版本中找個沒有那麼衰聲版本！而唱片公司卻坐享其成。
喝片公司明玩我地，一年出咁多個版本，個個版本都話有幾好聲，話喺邊度印，又話喺邊個錄音室，用咁多籍口都係想搵笨，真係人都癲，我唔會再買呢類版本，只買SACD
本帖最後由 brotherkei 於 2015-11-18 16:56 編輯
CPU 發表於 2015-11-18 12:59 static/image/common/back.gif
同意師兄所言，此碟沒有一個版本靚聲（頭版黑膠我沒有，所以不知道是否同樣衰聲）。最悲哀的是發燒友要接 ...
（頭版黑膠係差唔多咁衰嘅。）
唱片公司出完又出的確好煩同好昆水，不過呢張之前只係出過DCS版，最起碼冇XRCD、K2HD、SACD等等，而且仲有真係差天共地嘅大進步，都值得支持嘅。
之前嗰隻淡淡幽情其實都好大進步，不過冇呢隻咁驚喜，因為出得太多次，同埋原版冇我只在乎你咁衰。
本帖最後由 brotherkei 於 2015-11-18 17:40 編輯
mankit9998 發表於 2015-11-18 16:14 static/image/common/back.gif
喝片公司明玩我地，一年出咁多個版本，個個版本都話有幾好聲，話喺邊度印，又話喺邊個錄音室，用咁多籍口都 ...
百貨應百客，睇開啲啦。個人係非常唔buy K2HD，所以多數唔會買。但係梗有人鍾意，亦都真係有個別佳作......
Abbey Road 系列其實 so far 好成功。十多年前Abbey Road Studios啲工程師都有好多麻麻哋嘅作品，當中甚至有大蝦碌事件（例如聽古典嘅師兄會知嘅Maria Callas Edition）。但係佢哋真係有學習同進步。近年佢地呢班人做嘅野基本上都好好，例如Beatles同EMI Classics back catalog。
EMI執之前嘅本地Abbey Road remasters都係麻麻哋，但係香港環球接手後嗰啲絕大部分都幾好。佢哋將啲Cantopop做到音色好平衡同details 出番晒嚟，其實我覺得係攞走咗香港寶記同EMI本身嗰種色水嘅聲，變得中性同客觀。聽慣舊版嘅人當然未必咁易接受，但我就好鍾意。
計我話其實SACD或者MQS先至更加要搵Abbey Road攪，等我哋一次過買個好版嘛。坦白講，我唔覺得香港或日本有人有Abbey Road、Sterling Sound、Bernie Grundman嗰啲級數studio嘅功力囉。That's why 我唔係好buy XRCD/K2HD/LPCD/etc etc。
調轉頭講，如果唱片公司唔鋸我哋，可能都冇錢做之後嘅remaster。如果佢哋係繼續做好嘅產品嘅話，咁唯有心甘命抵被鋸啦。不過希望佢哋再諗前多幾步。好開始做24/96喇......
brotherkei 發表於 2015-11-18 16:55
（頭版黑膠係差唔多咁衰嘅。）
唱片公司出完又出的確好煩同好昆水，不過呢張之前只係出過DCS版，最起碼 ...
如果頭版黑膠都衰聲，即錄音時已有問題，什麼後期混音都唔會救得番。以後見此碟都要敬而遠之。
CPU 發表於 2015-11-18 19:08 static/image/common/back.gif
如果頭版黑膠都衰聲，即錄音時已有問題，什麼後期混音都唔會救得番。以後見此碟都要敬而遠之。 ...
請勿扭曲我嘅意思。我係話今次呢個Abbey Road版比（港／日）頭版進步頗多，所以先忍唔住share吓。雖然唔算超靚聲，但係都非常唔錯，平均嚟講應該係呢啲歌嘅最佳版本。以上信息係講俾喜歡聽鄧麗君或者對呢隻碟有興趣但心大心細嘅師兄聽。唔鍾意鄧麗君兼夾擁有金耳朵只能聽超級靚聲嘅人士，請忽視此信息。
師兄點可以咁片面地認為頭版黑膠衰聲就必然係錄音有問題？所有錄音都需要mastering來做出黑膠／CD，而黑膠嘅mastering過程複雜。難度頭版的mastering便必然是最好的、沒有問題的？仲有，日本版「酒醉的探戈」大碟早過香港版幾個月出，雖然封面設計唔同，只係一首歌唔同啫。亦不見得日版頭版黑膠／CD有港版頭版咁衰聲。若師兄硬係要以頭版嚟拗，亦應以日版為標準。呢點亦印證咗當年港版的mastering有問題，先至衰過日版咁多！
好少喺呢度分享，係因為喺呢度讚啲新出嘅野就幾乎必然引嚟一啲負面回應，甚至被當為打手。係咪應該做番CD-ROM呢？但我作為鄧小姐fans，只係想鼓勵出多啲好嘅鄧小姐產品啫。咁佢哋先會大啲機會向好嘅方向走。
本帖最後由 CPU 於 2015-11-19 10:10 編輯
brotherkei 發表於 2015-11-19 02:03
請勿扭曲我嘅意思。我係話今次呢個Abbey Road版比（港／日）頭版進步頗多，所以先忍唔住share吓。雖然唔 ...
契弟兄：我只是表達自己感受，無意扭曲你的意思，勿對號入座！
本帖最後由 brotherkei 於 2015-11-19 12:37 編輯
CPU 發表於 2015-11-19 10:06 static/image/common/back.gif
契弟兄：我只是表達自己感受，無意扭曲你的意思，勿對號入座！
師兄您嘅家教真係好。
您講嘅野究竟係個人感受定係一啲似是而非嘅信息，我留番俾其他人判斷。
brotherkei 發表於 2015-11-18 16:55 static/image/common/back.gif
（頭版黑膠係差唔多咁衰嘅。）
唱片公司出完又出的確好煩同好昆水，不過呢張之前只係出過DCS版，最起碼 ...
事實是abbey road 換左對喇叭, 換成了hifi用的 B&W 805S和 B&W 800D , 甘樣的聲是和之前用開的好唔同聲低.
感覺上這個輩聲系列不再真的有令人有眼前一亮的感覺.同一樣的聲音取向, 同一樣的唱片公司, 同一樣昔日的錄音.
真心講句, 好不容易忘了歌曲去接受新事物時, 現在又被人抽回來重溫一次.
有D野, 間中重溫下感覺係幾好的 ;
只是近10年中被重溫N次, 如果....
我係fans, 沒話說,
我係有錢, 吹得我唔漲?
我係要造市, 又點?
我係要賺你的錢, 吹咩?<---呢樣真係有D火, 除左浪費人力物力地球資源同做好自已盤數俾大公司望下之外, 根本就是無乜用.
撫心自問, 真的好不滿現在的廣東唱片/歌藝發展.
