Flying Colors《奇蹟補習社》正能量爆燈、有村架純滿分演出
本帖最後由 朗 於 2015-11-2 20:35 編輯電影資料: http://post76.hk/forum.php?mod=viewthread&tid=211102&extra=page%3D2
台譯《墊底辣妹》，只係點出有村架純飾演嘅工藤沙也加，本來係一個讀到高中二年級，但係每日返學剩係識得扮靚，同朋友談天說地去玩，對學習知識毫無興趣，不論天文地理，全部一竅不通，科科「肥佬」，嘅大眾笑柄，而唔提到由衰到咁貼地，竟然可以反底考入日本頂級學府慶應大學。
港譯片名《奇蹟補習社》點出個奇蹟，但係將成就歸功於補習社卻係反映唔到奇蹟背後嘅真相。
英文片名《Flying Colors》簡簡單單語帶雙關，個人反而認為最貼切!
成套戲充滿正能量，直頭正能量爆燈，呢個「殺死叔叔嘅女優票選」排第1位嘅有村架純，而家都只係22歲，外貌討好唔在講，成套戲由頭帶到落尾，完完全全演活呢個人物角色，演出滿分!
茲所以話成套戲充滿正能量，係因為由只有小四學生水平，到合格考入慶應大學嘅奇蹟，并唔係單憑沙也加一個成就，無微不至拚命做兼職搵錢幫個女交補習費無限母愛嘅媽媽，全心作育英才量材施教嘅坪田補習老師，放手俾坪田實現呢個信念嘅補習社老闆，互相鼓勵嘅補習社書友仔，受感動唔再引誘佢出去玩嘅三個死黨，轉死性惜返個女嘅老豆，體諒支持家姐主動幫手洗碗嘅妹妹，以至體諒佢苦心通頂溫習俾佢喺課室訓覺嘅西村老師，身邊眾人，都有份參與，有份成就。
信、望、愛，坪田老師第一次為沙也加測試水平嘅時候，發現沙也加明知全部唔識仍然好認真地答哂全部每一條問題，認定沙也加係一個好認真嘅人，沙也加對自己亦好有清晰嘅信念，對人生亦充滿昐望，但最最重要，係身邊眾人，都有真愛，終於能夠成就奇蹟!
本年度個人最喜愛嘅一套電影!
無限母愛嘅媽媽!!
全心作育英才量材施教嘅坪田補習老師!!
受感動唔再引誘佢出去玩嘅三個死黨!!
互相鼓勵嘅補習社書友仔!!
本帖最後由 朗 於 2015-11-3 08:59 編輯
轉死性嘅老豆，同體諒支持家姐主動幫手洗碗嘅妹妹!!
體諒佢苦心通頂溫習俾佢喺課室訓覺嘅西村老師!!
呢套睇左, 都幾好睇的, 但中文片名有D本末倒置... 台灣名就跟足了原名, 英文名我就唔講啦.
全片除了女角的個種無知的[萌], 家人的愛都係好好睇的, 老師都好有趣, 一套充滿正能量的戲!! 原著坪田老師寫到個名水蛇春咁長『学年ビリのギャルが1年で偏差値を40上げて慶應大学に現役合格した話』，簡稱『ビリギャル』，意思就係「包尾女孩」, 包尾係真, 無話辣妹。
不過封面就搵咗身材火辣嘅石川恋嚟影:
tI98FbHXtBU 本帖最後由 mike384 於 2015-11-3 12:05 編輯
朗 發表於 2015-11-3 11:33 static/image/common/back.gif
原著坪田老師寫到個名水蛇春咁長『学年ビリのギャルが1年で偏差値を40上げて慶應大学に現役合格した話』， ...
「ギャル」一語係從英文而來, 泛指一D會作某類特殊打扮/行為的少女, 一般中文都會譯成辣妹.
一般的女孩子, 並唔會叫佢做「ギャル」
https://zh.wikipedia.org/wiki/%E8%BE%A3%E5%A6%B9
頁:
[1]
2