問世間, 何謂愛國? [有劇透]《換諜者》
下面內容有講及劇情, 甚至對白, 未睇戲者慎入.最初見到海報的時候, 只留意到TOM HANKS, 後來再知道係史匹堡導演, 對自己黎講, 真係一個久違了的組合.
之前並冇做功課, 只知係冷戰時的一單政治風波, 入場後, 先係幾場好細膩, 充滿美麗的自然光的的室內景, 冇耐,主角的間諜就被人拉左.
之後就輪到主角登場, 同某位嚴重自戀同埋又係叫阿TOM的荷理活大明星一比下, TOM HANKS甚少演一D表面上好強的角色, 但一般佢都習慣演出一D內心極度堅強的人,
從個位去光復法國兼順手救兵的CAPTAIN MILLER, 到近代返少少係孤島求生的阿哥仔, 再到機場內的失去國藉但又堅持唔肯做難民的小國國民...等等等, 都係外表平平,
但內心絕對強大的人.
今次的職業有D特別, 係主要打開保險官司的律師,因為幫蘇聯間諜而被非議, 甚至扣上了叛國的帽子.
戲中亦巧妙地通過TOM HANKS屋企的小孩子, 去介紹左一下當時的國民教育, 等觀眾可以較深入少少去理解一下, 當時美國人眼中的[愛國]係如何形成的.
就係TOM HANKS受世人唾罵時, 佢對自己的堅持作出了解釋, 就係[何謂美國人], 佢以姓名為引子, 帶出大部份美國人其實都係移民,
係究竟咩令到佢地成為AMERICAN? 入面佢先用了RULE BOOK呢個TERMS, 而係美國的演繹, 呢本[冊子]就係憲法.
用香港的說法, 佢就係講緊作為一個美國人的核心價值, 亦係呢樣野, 令到佢可以唔理間諜的身份, 而用心去幫佢.
而背後帶出的意義, 就係我地係面臨一D道德上的判斷時, 應該點樣SET個PRIORITY? 先至叫做公平, 正義?
另一邊, 律師又馮著自己的見識, 遠見, 做到幫到人時又幫到自己, 間諜如佢所願成為了之後的談判的籌碼.
影片有唔少細節都值得細味, 其中我未證實真假的, 就係佢返工居然係坐地鐵, 一個大律師真係咁窮? 定係佢真係一個好守本份的人?呢樣就未知了.
呢個亦係引起我興趣去睇下本原著的一個契機.
整套戲係一套相當內涵, 以政治為題目, 有借古諷今意識的出色劇情片, 可惜商業元素係較低之餘, 似乎滿足唔到香港的觀眾, 票房似乎就唔太OK了.
呢套戲令我諗起另一部舊片, 叫《Guilty by suspicion》, 中文名唔清楚了, 主演係羅拔迪尼路, 故事亦係有真人背景, 講50年代,
一班荷理活導演遭到國安局的打壓, 將佢地反核的態度屈成反美+親蘇後, 再逼佢地互相出賣, 同樣係真人真事, 相當令人唏噓, 亦發人心省的一套電影. 主角由被當成叛國
到救了美國人，市民對他嘅轉變
相當有意思{:1_253:} 粗人敵卡 發表於 2015-11-3 08:46 static/image/common/back.gif
主角由被當成叛國
到救了美國人，市民對他嘅轉變
相當有意思
兩場好相似的戲, 都係係車上面, 幾份報紙, 幾個眼神, 就交帶左佢係美國市民心中的地位的轉變, 天與地呀. 曾經香港都發生一單事，有班人堅持阻止某公營機構賤賣資產俾一間將上市的投資公司，當時好多人都覺得果班人係壞人，衰人，破壞者，阻人發達，但N年過去，有不少人受當日原本以為有著數的事反過來損害時，就對當日咁對一班堅持的人感覺後悔
一件事果刻有時未必個個眼清耳靈咁了解整件事，只係睇到眼前是利還是害，背後有幾多魔鬼細節根本無諗過，到發現時隨時已身陷苦海中 KwongD7689 發表於 2015-11-7 14:28 static/image/common/back.gif
曾經香港都發生一單事，有班人堅持阻止某公營機構賤賣資產俾一間將上市的投資公司，當時好多人都覺得果班人 ...
事情的真偽有時不太容易分得清楚！{:6_142:} KwongD7689 發表於 2015-11-7 14:28 static/image/common/back.gif
曾經香港都發生一單事，有班人堅持阻止某公營機構賤賣資產俾一間將上市的投資公司，當時好多人都覺得果班人 ...
發人深省呀，師兄是否指 #823?
頁:
[1]