入耳式之新舊對決
係兩聲道同多聲道世界，自己一直都好鐘意日本牌子，貪佢價錢平又有返咁上下質數，所以對Onkyo呢個牌子情有獨鍾，亦都買過Onkyo兩聲道合併機同av amp，近日行開HMV見到Onkyo又出新耳機，膽粗粗試一試，發覺有D驚喜，因為印象中Onkyo上一代機調聲麻麻，咁岩近日又想買一隻入耳式俾女朋友用，就決定……買小瑟借一隻返屋企試下，亦都俾女朋友玩下先，本來我好想直接就買一隻，但用男人角度買耳機俾女朋友可能會撞板，例如會比人話隻機「肉酸」、「太大粒」、「太重」、「唔夠女仔」之類，為免晒心機捱眼訓，問一個叫小瑟嘅人借一隻黎玩下，相信以我哋嘅「膠情」，我應該唔還都可以，或者應該咁講，我唔還佢都吹我唔漲嘅，順便做返個新舊機比較
先講舊機，用14MM單元，好大粒下，唔知係咪咁，耳膠都好大粒，有D難塞入耳，線係用「膠線」，用透明膠包住，聲方面，一開機發覺自己唔係好習慣，因為人聲好前，前到好似係耳邊唱出黎咁，某D大陸音響會係呢隻聲，聲音好悶下，好似焗住左咁，兩端伸延唔夠，低頻亦有D糊。
新機方面，用13.5MM單元，跟機亦都送comply耳綿，都算好有誠意，入耳比起舊機舒服好多，無頂住，線變左做絞線，聲方面，發覺聲音都唔錯，比較舊機正常好多，聲底都唔同左，可能有Gibson調聲加持，聲音算係三頻平衡，但比我感覺係佢似乎想走分析力路線，但同舊機最大分別係音牆，比起舊機舒服好多，同價位耳機黎講音牆合格有餘，同期問左幾個朋友借左幾隻差唔多價位耳機去聽，例如鐵三角im01，shure 215，調聲唔同，聲音充上面各有千秋，睇得出Onkyo有心想去做呢。
不過說實話，如果Onkyo要打入耳機市場仍然要加把勁，果日HMV，試聽耳機，發覺擺左係度都無咩人拎黎試，大家都係集中去玩其他牌子，係宣傳上真係要加把勁。試完之後，我女朋友都覺得隻機唔錯，我係想入返隻玩下嘅，之不過Onkyo呀Onkyo，我更加期待你部DAP，作為玩家，多幾個耳機牌子玩下一定係好事，到底幾時有得試聽者?
{:6_193:}thanks report 之前我同朋友都去左 HMV 試 ONKYO E700M，朋友都話估唔到依家 ONKYO 出既耳機咁好聲。唔知師兄試既係咪 E700M 呢?
係呀，e700m，行過hmv不妨試下，依家hmv都好多耳機可以試 ODIN兄, 睇來你都真係好想試下部DAP喎, 不過依家部機巡迴緊, 一有榣到我手我就即比你玩下~~{:6_193:} 小瑟 發表於 2015-11-6 08:16 static/image/common/back.gif
ODIN兄, 睇來你都真係好想試下部DAP喎, 不過依家部機巡迴緊, 一有榣到我手我就即比你玩下~~...
梗係要捧下場，唔買都要過下手癮{:1_338:} odin1983 發表於 2015-11-11 23:48 static/image/common/back.gif
梗係要捧下場，唔買都要過下手癮
ODIN兄, 想請教Onkyo 同款 E700BT.....會差好遠?
用作iphone 6聽歌....請指教{:1_332:} mcdull 發表於 2015-11-12 23:25 static/image/common/back.gif
ODIN兄, 想請教Onkyo 同款 E700BT.....會差好遠?
用作iphone 6聽歌....請指教...
E700BT我就未聽過，我唔敢亂咁吹，數據上700M range係6-40KHZ，700BT range係6-25KHZ，我諗質素點都係有線好D，之不過如果運動用，無線版會方便D。 mcdull 發表於 2015-11-12 23:25 static/image/common/back.gif
ODIN兄, 想請教Onkyo 同款 E700BT.....會差好遠?
用作iphone 6聽歌....請指教...
不過師兄講完我有D興趣試埋隻BT版，等我睇下呢個禮拜拎埋隻700BT試下先。{:1_338:}
頁:
[1]