呢度好似好少人打game 評?
最近玩完了SOMA, 自己打了一份.反觀這區好似一直沒人打game 評?是什麼事?{:6_141:} 肥狗仔有打架！
P.S.: 打機都唔夠時間.. 阿定 發表於 2015-10-28 16:17 static/image/common/back.gif
肥狗仔有打架！
P.S.: 打機都唔夠時間..
事實有邊位係打機夠時間...{:6_209:}
不詔打完之後, 有少少想法, 打一份game 評也不算過份, 而只不是吹雞買game甘樣了事. kl122002 發表於 2015-10-28 21:43 static/image/common/back.gif
事實有邊位係打機夠時間...
不詔打完之後, 有少少想法, 打一份game 評也不算過份, 而只不是吹 ...
以前我工作不忙，成日寫過碟評的，但衣嫁太忙了，返家打下機及睇下碟來減壓，因為近排做到好大壓力，連碟評都寫不下，累到冇心機去寫…{:6_156:}
其實師兄你可以寫都得姐，寫完等我們來支持你吧!{:6_167:} 本帖最後由 @肥狗仔@ 於 2015-11-1 23:43 編輯
睇情況，就算係本地game網，所謂game評都係一句起兩句止。好似咁詳細打一篇真心唔太多。
客觀黎講打機哩項娛樂，本質上就比起其他好似電影等媒介更難產出深入的評論/文章。首先遊戲演變非常快，唔似得電影咁，十年前同十年後的雖然在拍攝技巧/VFX方面都有飛躍，但電影固定的敘事結構/電影語言以至商業片類型仍然係有一定規律，根基紮實。而電子遊戲由誕生開始就注定不斷背離"遊戲"的宗旨而前進，當玩法唔能夠取悅玩家之後，故事隨之被引入，當故事都成為家常便飯，廠商就推迫真畫面去見招拆招，當固定的遊戲方式步入死胡同嘅時侯，手遊/體感就殺出一條血路，去到今時今日，眼見玩家唔再滿足於3D遊戲，VR就破繭而出從而繼續將玩家追求果種代入感加倍實現。所以電玩的歷史唔單止有視覺同類型的變遷，內容及玩法都係午時花六時變。可以話，只要有個人五年冇接觸遊戲，佢就已經難以指出到兩代遊戲的分野，更莫講話要細品新遊戲的特質，講到尾電玩只係一種與玩家互動的娛樂，冇人有資格話純粹一句"好玩"/"唔好玩"唔算係評論(除非佢係做game網/書的)。
再現實一點，睇一齣戲最盡3粒鐘，其餘時間比你思考細味，而打機，5至6粒鐘起標，之後仲未計收集元素同多人遊戲，究竟我應該打機好的定打字好呢?相信好多人都選前者。網上新興的youtuber，當中以直播game的佔咗一大部份，換著係電影，喺避免劇透/觸及法津問題的情況下，文字影評感染力會黎得大啲，但遊戲的話，睇人卡關/中bug，再加一個攪笑的youtuber，若果一個普通玩家未去到可以放低手掣，然後click入gamespot度睇千幾二千字review的話，我唸文字對玩家黎講仍然只係一個純粹分享電玩資訊，攻略或者討論的媒介。我見kl122002兄你打果啲game評唔少都係針對一啲型式/劇情比較特別的作品，其實係十分難得，問題只係假設我玩親都係COD哩類火爆遊戲，然後同樣打一篇差唔多字數的game評，咁你可以預計我會花咗一大篇幅去交代新作嘅手感，多人遊戲，畫面之類，而哩啲內容對普通都市人黎講未必係咁值得花時間的去打嘅。
之前做版主/開game76初期都試過推加分獎勵，當然我相信有冇獎勵制度，影響都未必好大，本土的快餐文化比起近年的快餐遊戲仲要短命，如果你唔係停留起超任﹑MD, PS1的年代，香港係好難去聚集一批專門"講game"的人，特別睇返時下的啲主流遊戲... @肥狗仔@ 發表於 2015-10-31 01:44 static/image/common/back.gif
睇情況，就算係本地game網，所謂game評都係一句起兩句止。好似咁詳細打一篇真心唔太多。
客觀黎講打機哩項 ...
我都好鍾意一讀肥狗兄的文字. 講真, local 真是沒什麼大型的打機的game 評. 我知有不少玩家在game店, 或者一些地上可以大評, 得意D講, 我覺得仲強過果D股票分析員, 由game 公司的運作, game的develope 問題一一清晰到不得了, 有時甚至聽到有D內慕. 我唔知家下打機, 或者叫e-sport, 是不是在香港漸漸冒起. 眼前比起以前是多了一些FB是叫電玩競賽聯盟的東西. 似乎也有一些料.希望之後一宜有發展的方向, 而不是只限在課外非必要的課程活動之下.
我唔敢話我好pro, 有時都要靠白撞, 上網check 攻略自知點行. 然而能完成一個game , 又或者了解當中的少少獨特意思, 我都認為應分享. 反正只是網上的文字, 分享左, 同意與否是之後再之後的事了. Local 市面上的game 書係有一定的存在意思, 不過同另一本國外的PC gamer比還是有一些距離.唔知幾時可以變得更好.
我打機, 猶如以前都是說過, 先行故事然後才是動作, 最後是畫面. 容我這樣說, 好多技能在唔同game中已大同少異, 只是出入的地方令玩家有沒有意外新鮮感而已. 因此我還是以主事作最大的優先.
肥狗兄點出了一個重點, 就是香港的即食文化太大, 手機game比起一個PC / console game 還是來得快又去得快. 然而無論如何, PC/ console一定生存至今有一定的存在意思, 還是大家玩過之後分享一下, 甘樣先多野講. {:6_149:}
老實，game 來來去去差不多，同一個玩法，換左角色，換左故事，又一隻新game, 我自己打運動game 多，年年分別不大，真實左，靚左，球員數值更新左，真係無咩野好寫！
有時唔係唔想寫，係無野好寫，影評我都可以根據心情，耐不耐寫一兩篇，game 評真係要好認真玩晒全隻遊戲先有信心唔會寫錯，但完成到50%的game,其實都好少，最後變成，畫面好，比呢隻好，或比呢隻差，其實就已經寫完！
(Post76 Android 手機版送出) 阿定 發表於 2015-10-31 23:38 static/image/common/back.gif
老實，game 來來去去差不多，同一個玩法，換左角色，換左故事，又一隻新game, 我自己打運動game 多，年年分 ...
只是有時梗初見好用, 不知不覺被大廠重用到好舊.
有時望住某一兩家是真心失望. 我也沒什廚可以評論之說. 也因此令我轉望其他小公司的出品.有些小公司的出咕或者操作上同大的差落不少, 不過論故事, 可玩性等是大公司和他們大作品下漸漸失去的事物.
人大了, 人老了, 不是功作困身就是手腳反應慢 .唉...
講起嚟，我都被人笑死。當年我打 FF8，因為冇時間，結果打了 5年 才能夠將整個故事打完。
呢隻Game打完後，亦都成為我最後一隻玩電視遊戲機的game。之後連機都壞埋，都沒有再沒有入新機了。 本帖最後由 @肥狗仔@ 於 2015-11-1 23:45 編輯
kl122002 發表於 2015-10-31 08:24 static/image/common/back.gif
我都好鍾意一讀肥狗兄的文字. 講真, local 真是沒什麼大型的打機的game 評. 我知有不少玩家在game店, 或 ...
有啲受寵若驚添，其實我都係吹吓水啫XDD。
感覺PS2至PS3中期果段時間應該係最多人"講game"，始終個勢係新老一代機迷交織出黎嘅，整整吓日系game唔惦喇，手遊又做爛市喇，唔多唔少會走咗批人。而且哩家啲人卡關都唔一定要上forum問人， 上youtube睇完一次字都慳返。有啲人連game都唔洗買，直接睇youtube/twitch爆機。我唸哩個係大環境，亦係新嘅電玩社群模式，就算係歐美地區都唔能夠獨善其身。唯獨香港個side effect更為顯注，佢市場太細喇，如果click上某大型forum都接收唔到我想要嘅資訊，咁我只能外流到國內或者國外網站，長久黎講會產生連鎖效應。其實本地小數果啲game網好多時都係得三五七個人主力報料，然後其他人和應。目前gaf/香討X1區仲有人做哩啲粗重野，其他uwants果啲論佢社群再大，入面嘅話題，會員質量都係差一個檔次。真正核心玩家相信絕大部份都上外國網站，至於會唔會將外國嘅料帶返黎本土，咁就係optional喇，以往5年我都係不斷做緊哩啲野而已。
至於esport，我就覺得未必會好似當年李麗珊咁振興到本地電玩熱。先不論實力，你一提到"打機"港媽就會唸起網吧，學業哩啲關鍵字，戒心極重。二黎esport的項目唔係跟game genre劃分，係跟game劃分，你打魔獸勁唔代表打LOL都勁，一隻game的電競賽事可以維持幾耐，關鍵在於隻game可以營運幾耐，所以esport的運動員生涯分分鐘比起真正運動員仲要短(當中仲未計青黃不接問題)。三黎業界好多esport都係各自各搞，除非未來真係整個奧運級的esport主辦組織，否則坊間可能過一兩日就唔記得件事。
頁:
[1]
2