《再戰激情》︰自暴自棄到自我拯救
睇呢套電影，純粹係想欣賞Jake Gyllenhaal嘅演出。對呢位演員比較深刻嘅演出，相信係佢上年嘅Nightcrawler角色。為求取得獨家新聞不擇手段，毫無底線嘅演繹相信係Jake Gyllenhaal近期最具神采嘅表演。而比較失望的，應該係早排小弟寫過影評嘅Everest，因為戲份問題，令Jake Gyllenhaal變成較為可有可無。Jake Gyllenhaal另外主演嘅電影Donnie Darko，飾演一名有精神病嘅青年，呢套係佢較為早期的演出，做得相當邪氣，帶點詭異。而講番今次電影 《再戰激情》，故事無乜突破性，Jake Gyllenhaal飾演嘅Billy Hope由電影開頭意氣風發，到戲中最愛的人意外慘死，開始自我摧毀，有幕Jake Gyllenhaal中段接下HBO拳賽，近乎被對手打得遍體鱗傷也不還手，Jake Gyllenhaal那種絕望，完全放棄自己一切令小弟感到佢演出到位。而後段電影最後一場賽事，為了挽回聲名及證明自身價值，做得相當有魅力。Southpaw暫時係小弟睇過今年Jake Gyllenhaal演出電影，今次Jake Gyllenhaal演出算是水準以上。{:1_351:}
另外講講另一位演員Forest Whitaker，第一次睇佢演出係睇Street Kings，飾演陷害男主角的上司，做壞事依舊大義凜然，而最後一幕做得很好(言詞貧乏{:1_331:} )。今年年初Taken 3演出，可以話係哂咗，因為同Liam Neeson對手戲少之又少。今次《再戰激情》，飾演拳館館主，成為Jake Gyllenhaal教練，教了Jake Gyllenhaal另一套打拳拳術，兼且令佢重新振作，尋回真我。但小弟仍然覺得對Forest Whitaker描寫未夠深入，後段的轉變劇情小弟覺得有點突兀，算是有點可惜。
總括而言，電影算是不過不失，一眾演員演出交足戲，想睇嘅可以睇吓。 本身對拳擊電影有興趣，同埋主角係Jake Gyllenhaal，所以梗加要入場睇，過幾日出blu-ray再睇多次 MansonT 發表於 2015-10-20 08:23 static/image/common/back.gif
本身對拳擊電影有興趣，同埋主角係Jake Gyllenhaal，所以梗加要入場睇，過幾日出blu-ray再睇多次 ...
講起拳擊片
比較舊嘅可以睇吓狂牛，角色描寫覺得幾深入
有幕拳擊鏡頭，經典到連星爺嘅新精武門1991都抄{:1_253:} 粗人敵卡 發表於 2015-10-20 13:44 static/image/common/back.gif
講起拳擊片
比較舊嘅可以睇吓狂牛，角色描寫覺得幾深入
有幕拳擊鏡頭，經典到連星爺嘅新精武門1991都抄{: ...
羅拔迪尼路經典作品之一
頁:
[1]