《命懸一線•The Walk》簡評含少量劇透
本帖最後由 bellyjerry 於 2015-10-8 18:04 編輯為咗夢想你可以去到幾盡?
呢套發生在1974年的真人真事改編電影,幾年前睇過套叫'Man On Wire'對於主角的故事已經十分有興趣,今日上正場咁啱小弟放假,即刻回到20年前,第一時間睇場$38歡樂早場啦!(老實說,$38真係抵到爆呀){:6_176:}
講番套戲,一個聽到已經腳軟嘅表演:喺New York世貿中心雙子塔行鋼線!!
呢個已經係主角Philippe Petit的夢想,成套戲就係從主角細個講起,點解會咁喜歡雜技,點樣由零開始去build up呢個計劃,點樣搵埋其他partner去完成呢個壯舉,當中都有D挫折,(如主角踩到釘),但可能始終真人真事改編,出嚟效果有D似主角自傳,所以戲劇效果不大,導演亦只係平鋪直敘地拍出來,跟Forrest Gump同Cast Away等殿堂級充滿導技的作品不可同日而語,係臨尾大約40分鐘先漸入佳境,所以小弟相信就算換另外一D導演拍,出嚟效果都差不多.{:6_136:}
至於男主角Joseph今次可謂撐起成套戲,全套戲差不多每一個鏡頭都有佢份,表現不過不失,值得一提係今次由於現實主角係一名法國人,所以全片Joseph都係講D不純正的英語,小弟唔知後期有冇配音,若然冇的話Joseph都講得幾傳神,真係似一個法國人呀{:9_423:}
總括而言小弟認為此戲屬於:各師兄有時間可以一看,沒時間就等出碟啦{:8_387:}
評分:7/10 分
主角紀錄片:《Man On Wire》封面:
謝謝觀賞{:6_136:} 上班族看早場都只能在周末……，bellyjerry 又同太太拍住拖去睇？正因為係真人真事，所以最終還是沒有去看……，等出碟好了！ alleelarry 發表於 2015-10-8 18:20 static/image/common/back.gif
上班族看早場都只能在周末……，bellyjerry 又同太太拍住拖去睇？正因為係真人真事，所以最終還是沒有去看 ...
alleelarry兄,今朝就小弟一支公自己去看,因為太太過幾日就生得了,所以要留在家中安胎,今日小弟都係拿拿臨睇場早場,然後就馬上回家陪佢了{:6_136:} 睇左, 個人鍾意睇傳記片, 其實只要係個人的故事吸引就OK, 反而為了戲劇性而生安白造個D, 就認真麻麻.
我睇傳記片, 係為了了解一個名人(或特別的人)同個D故事, 導演同演員只能係輔助性質, 而唔應該OVERIDE個事實.
講返套戲, 走世貿的場面, 係人都知係假的, 但技術上都算做得唔錯啦. 我 like 導演上次套 "一級雙雄" kh22 發表於 2015-10-14 14:11 static/image/common/back.gif
我 like 導演上次套 "一級雙雄"
師兄,一級雙雄我都Like,但導演係Ron Howard,唔係Robert Zemeckis呀{:6_136:} sorry, 記錯左{:6_179:}
頁:
[1]