《華麗上班族》....J J 小評 （含唔含內容都無所謂，想睇...
本帖最後由 lkljason 於 2015-10-5 16:13 編輯點解咁耐都未見76有版友對呢套戲影評，以咁既卡士就算幾爛應該點都有人捧場丫，本著我不入地獄誰入地獄既精神，尋日一條友就渣住張贈券走去會一會佢，贈券其實係有兩張，不過正所謂禍不及妻兒無謂累人，所以就一個人獨闖龍譚。
睇緊途中一路已經諗散場未呀！套戲唔係我杯茶就梗啦，但另外一個原因係坐我後面果對中年男女，傾計唔算傾計，但個男既就不停細細聲o係度同隔離個女人估黎緊既角色會點，好空範唔明係點？例如假設某角色將會撞車，個角色渣緊車，佢就會講：會撞車架啦，當撞左後又會再up，都話撞架啦！果d絲絲自言自語，呢d人只適宜o係屋企睇戲或煲劇，因為佢個口一定要邊睇邊口up up，雖則係細聲，但真係影響到人 (我)，已經擰左幾次頭以示不滿，但睇黎佢get唔到，所以唯有等待完場既一刻甩難。
對齣戲既評語我只可以講某d劇本舞台劇會好精彩，將佢化成電影都無問題，當中加插唱歌都可以接受，但將電影舞台劇化，呢個配搭自問真係覺得好一般，話曬有演得有唱得之人，出黎咁既效果有d失望，而套戲感覺好刻意唔想大陸化，盡量加d本地色彩，亦搵左唔小本地演員 (加上配音同對白下功夫)，但出黎效果反而三不像，我寧願佢一係全國語，一係全廣東話可能好d，加上某d角色又搵人配廣東話~~~你聽到都覺得好Q亂啦！XDDDD
總結：張姐、發哥好戲，發哥睇佢寫”特別演出”都估賴賴地，點知真係小得這麼可憐，Enson都係一貫佢既演技，今次多左開正佢果範唱歌，但講真d歌難聽就唔算，但真係無一首特別深刻，同埋講佢個樣吸引到張姐同溫唯，呢點真係好難投入同接受，溫唯做呢d角色當然無難度，但亦發揮有限，只可以講原來佢都唱得兩咀喎，原本諗住打5個字 ”唔係我杯茶” 就算數 ，不過心血來潮up多小小，杜sir唔該比返孤男寡女我呀！
題外話：尋晚頂唔順即刻開返套Love Actually黎平衡下心態！
一向對舞台劇電影麻麻地
開頭仲諗住杜sir拍會好勁
之後聽人講係拍到成個歌舞片
我就hold住唔入場睇 我無打算睇, 因為好怕d電影下下要中國台幾個地方d演員Mix埋大家各有各講野咁...
不過最記得高登有人開post話"原來張姐都幾好戲同發哥有得揮 "~~ XD 其實張艾嘉不嬲都好戲，就算最佳拍檔時演差婆都入型入格！ 本帖最後由 alleelarry 於 2015-10-5 14:53 編輯
去了地獄的又豈止JJ你一個，同樣係有贈券在手……
電影名稱的確深藏意義，但要花點心思才可明白，名字本身是由兩部份所組成：
- 電影本來就是想說說《上班族》慣常遇到的事情，正如譚校長既歌一樣《你知我知》；
- 《華麗》只不過是指其卡士 及 佈景，很明顯並不是指其故事，為了達成效果，客制為半「歌劇」型式去表達
PS.有勞在官方電影名稱前後加上《》{:6_142:}
遇到呢d人嘈住晒應該大大聲叫佢收聲
我都試過一次爭小小都想鬧佢地
(Post76 Android 手機版送出) 舞台劇改編既劇本真係要拿捏得好準, 過火會誇張, 平舖又沉悶 Hon 發表於 2015-10-6 13:45 static/image/common/back.gif
遇到呢d人嘈住晒應該大大聲叫佢收聲
我都試過一次爭小小都想鬧佢地
一來好鬼怕同人嘈，好聲好氣佢聽都還好，佢駁既話到時頂起上黎連我都影響埋人，二來套戲麻麻地就當時運高唔好彩遇到d瘟神！ Hon 發表於 2015-10-6 13:45 static/image/common/back.gif
遇到呢d人嘈住晒應該大大聲叫佢收聲
我都試過一次爭小小都想鬧佢地
試過有次睇早場, 斜前面位師奶一個入場, 拉住部買餸車黎不突只, 冇幾耐重不停玩whatsapp, 坐佢左右個D又唔出聲, 咪由我呢類黑人猙既開聲囉{:6_158:} lkljason 發表於 2015-10-6 14:06 static/image/common/back.gif
一來好鬼怕同人嘈，好聲好氣佢聽都還好，佢駁既話到時頂起上黎連我都影響埋人，二來套戲麻麻地就當時運高 ...
你咁講都啱.
但咪當做好人, 可能唔止影響到你麻.
頁:
[1]
2