《我的變身男友 / MY BEAUTY INSIDE》-- 你會揀外在美定內在美
本帖最後由 Hon 於 2015-9-29 12:58 編輯http://www.makakor.com/uploads/slide/2015-09-28/56083782d424c.jpg
9月27日早場...
如果就咁睇個中譯戲名可能R爆頭都唔知明係咩戲黎, 但一睇個英文譯名就明晒.
故事幾新穎, 男主角只要瞓醒就會整個人外表上變晒(留意: 係外表).
例如變左外國人就會只識講外語, 不過都聽得明韓語.
男主角18歲某一日突然發覺有呢個問題(算唔算係病就... 大家認為啦)
直到佢認識到女主角後發現其實可以跟正常人一樣咁生活, 可惜... 現實終歸現實, 要接受一個每日都不同外表既"人"為男朋友心理上都幾爭扎及痛苦, 因而令女主角得到心理病, 需要食藥來維持, 可惜情況只有轉差, 所以到最後男主角只好提出分手令大家都好過.
女主角亦都明白咁做係對自己, 甚至對大家都係好事.
分手後經過多方面既了解便知道, 其實心入面鍾意既係男主角內心既美, 並不是外表就可以決定, 到最後都總算係HAPPY ENDING.
呢套戲我會俾8.5/10分
其實韓同日電影都節奏上比較慢, 但佢地將角色拍攝出黎係較為靚同鮮明, 睇落有另一種好舒服既感覺.
我會揀呢套戲黎睇, 第1個原因係題材新穎, 第2個原因係女主角, 我覺得佢所做既戲真係做得好好, 尤其是佢做得好貼題.
當然揀角方面都揀得好, 值得一讚.
http://i595.photobucket.com/albums/tt37/hudson0419/TheBeautyInside_zpslstzy4qg.jpg?t=1440323849
如果問我現實係咪可以咁簡單就接受到...
我會話可能性極低
因為電影入面所見既只係美化左既事情, 但現實始終係現實, 有好多身邊既事並非一朝一夕就可以去轉變, 甚至改變到.
因為一個人而去改變唔難.
因為一個並不常見既問題而去改變就可以會比較困難.
不過我比較欣賞反而係佢將內在及外在美表現得好突出, 例如每日所改變既外表都唔會知係點, 但鍾意女主角既心係不變既, 呢樣就係真正愛上一個人所有既態度.
如果大家鍾意挑戰自已對外/內在美既見解, 相信呢套戲都可算叫做一看無妨.
http://cheer.hk/wp-content/uploads/2015/09/beautyinside.jpg
如果近年有睇開韓劇的話應該對戲入面既人物唔太陌生, 至少佢地大多數都係主線演員.
呢套出BD又要入晒兼重溫睇多次至得.
印象中韓國電影大多只會在家欣賞（免費的當然例外了），但今個星期已經八度入戲院，這一套真的可能要等到出藍光{:6_142:} alleelarry 發表於 2015-10-4 19:46 static/image/common/back.gif
印象中韓國電影大多只會在家欣賞（免費的當然例外了），但今個星期已經八度入戲院，這一套真的可能要等到出 ...
本來我諗住等出碟至睇, 但韓孝珠既戲真係唔錯, 所以入場支持下, 又的確帶來好好既效果...
頁:
[1]