以後唔買野玩喇.......orz(更新#9)
我話過唔會買PS3，主要係因為我睇唔起SONY對玩家冇誠意，而且PS3亦冇GAME好玩。但無可否認佢係一部勁機，而且支持Blue-Ray，但一直我買game多數都希望佢會岩玩，
買wii都係咁原因。PS3當佢係一部多媒體機，我係想買，
但好多功能都只係岩我D HIFi友，冇佢份，所以我唔急在一時，亦冇一個衝動要我買.........。
朋友問我幾時會買?我話只要佢出”俺之料理(ps1 game)”我就會買。
其實點解會因為PS1 Game而買PS3??因為我女友好鍾意玩，但隻game壞左(老翻)。
我一直都希望搵翻依隻game，所以四圍問人有冇，又去二手店搵，都係搵唔到。
上星期PS3支持翻”俺之料理”，因此我即時有出機嘅念頭。
可能有人會話多餘、無聊之類，但有d野唔係所有人會明......
尋日我同佢講，話買PS3，佢問點解，因為我之前話"唔會買"。
我就直認係因為”俺之料理”(佢以為係新game)，所以佢冇多問，
佢之前話學電單車，所以我諗住PS3都分期，咁可以鬆動D。
所以同佢講PS3做分期啦，佢應我，「車....學車夠可以分期喎。」
所以我放心晒，至多之後唔買咁多野玩ja...^^
今日我同個FD傾電話，比佢(我女友)聽道”俺之料理”係舊game，
佢問我為左隻舊game買PS3值唔值.....我冇出聲，因為我知我同佢講係因為佢而買佢會鬧我。
之後試好機差唔多俾銀時，佢笑笑口同我講「咁就學唔到車喇」，又話等加人工。
我知佢唔係鬧我，只係想我知道超出預算而已。但我已經好唔開心喇，不過已經開左機試，翻唔到轉頭喇。
返到屋企，佢問我，點解一定要依加買，隻GAME又唔係唔出之類。
我只有一個解釋，就係佢鍾意玩俺之料理.....
佢聽完就對我泠啍一聲.....
我知我咁樣係好花錢，
當日隻game壞左，佢好唔開心，我仍記得佢個樣好失望。
今日我只希望見到佢開心。
但係今次我諗錯晒，而且亦得唔到預期效果。
雖然個blog標題都係用"buy家"黎代表我又買野。但只係一笑而已。
但我今次真係感到自己"敗家".........。
所以我冇必要都唔會再買野玩喇....
[ 本帖最後由 marcolau 於 2007-9-10 08:14 編輯 ] 你都好錫你女朋友喎~Smilies018
但佢唔明:L 冇錯, 你真係好錫你女友呀, 其實你可以好誠懇咁同佢講, 話我希望你可以玩得返呢個 games而彌補返當日你冇左呢個 games時既失望........
有時好多野係好奇怪呢, 好多野大家以為做左出黎會另對方開心既, 點知原來唔知, 完全唔係果回事, 所以, 其實要對方開心,
係最最一開始就將你心入面諗既野話比對方知....溝通先係主要既另對方開心同安心既方法呢!!!
努力呢!! 唔洗咁唔開心呢~~~講真, PS3可以賣返出去之麻, 好小事來架姐~~~Smilies018
Smilies018 Smilies018 唔係好明???PS3支持翻”俺之料理”
係有得download???老翻”俺之料理”ps3玩到???
如果你係正版ps2都玩到啦,所以唔明
你o既心意我估佢一定會明白o既
不過有時女人係一種幾難理解o既動物
http://img.anyanother.com/data/1343.jpg
所以我冇必要都唔會再買野玩喇....
http://img.anyanother.com/data/225.jpg
[ 本帖最後由 kennykky 於 2007-9-10 01:05 編輯 ] THX ALL.....冇事喇，
不過為左佢學車同買車，以後都係唔好亂洗錢......^^
不過部PS3我開左6個鐘，玩呢樣裝果樣，可能因為太熱...開始有噪音(可能係散熱)
好鬼噪....都唔知點睇movie。
[ 本帖最後由 marcolau 於 2007-9-10 02:24 編輯 ] 原帖由 小瑟 於 2007-9-9 23:37 發表 http://www.post76.com/discuss/images/common/back.gif
冇錯, 你真係好錫你女友呀, 其實你可以好誠懇咁同佢講, 話我希望你可以玩得返呢個 games而彌補返當日你冇左呢個 games時既失望........
有時好多野係好奇怪呢, 好多野大家以為做左出黎會另對方開心既, 點知原來唔知, ...
因為部機而唔開心，我拎到返屋企就想賣喇........。
其實如果我照原定用$3xxx寺買手機，我諗會冇事。
今次只係溝通問題......^^ 原帖由 kennykky 於 2007-9-10 00:26 發表 http://www.post76.com/discuss/images/common/back.gif
唔係好明???PS3支持翻”俺之料理”
係有得download???老翻”俺之料理”ps3玩到???
如果你係正版ps2都玩到啦,所以唔明
你o既心意我估佢一定會明白o既
不過有時女人係一種幾難理解o既動物
http://img.anyanother.com ...
以前隻老翻碟壞左所以先要搵翻......
ps3可以玩翻之前ps1 D game，可以用ps3 download，$33蚊隻。
有時係因為一句"冇溝通"而出事..... 原帖由 marcolau 於 2007-9-10 02:07 AM 發表 http://www.post76.com/discuss/images/common/back.gif
以前隻老翻碟壞左所以先要搵翻......
ps3可以玩翻之前ps1 D game，可以用ps3 download，$33蚊隻。
有時係因為一句"冇溝通"而出事.....
慢慢黎啦,你大把貨係屋企,可以唔入住啦 http://hk.blog.yahoo.com/photo/photo.php?id=jw!povxoJmACCiaBjCPG2U-&photo=ap_20070910072347831.jpg
我成日都覺得買野係應該好開心，不過今次例外，
因為買依部野搞到同女友鬧交，不過點都好啦，過左去喇。
搞左成晚，都仲未安置好佢，聽日又要插過晒d機<---最怕。
順便打掃吓，成3個星期冇打掃喇.......
最衰我只得一組HDMI，本來係比DVD用，不過我諗部DVD可以變做VCD ONLY喇。
其實我部DVD都唔係平野，上年買都要$2XXX，同樣可以將dvd升上1080i(當時只係i)
但因為PS3靚好多(可能個HDMI係新版卦)，不過就真係幾噪，尤其散熱過時，都唔知d人睇movie點頂得佢順。
之前BB(我女友)話用LOOKBOOK做野好細個畫面，我口快快話幫佢駁部電視比佢用，
當然冇左件事啦。
依加可以用PS3裝Linux ，咁就可以響聽用42"做野喇佢，幾型呀(佢)，
幾抵丫$3XXX咁多野玩又勁。
不過衰噪...........
http://hk.blog.yahoo.com/photo/photo.php?id=jw!povxoJmACCiaBjCPG2U-&photo=ap_20070910072339581.jpg
本來個姐姐果一定要哏"亞媽call"，我硬係唔要啦。
咁咪加錢換隻龍忍，不過我都知佢冇舊xbox版咁正，但佢係冇咩game吸引果吓衰。
玩左兩版都大慨知道點解gamespot1俾9分(xbox版係9.4)，等我打爆左再講。
黎緊有隻好女版戰神唔知咩天咩劍....應該唔錯，玩過demo，打到手軟...。 原帖由 marcolau 於 2007-9-10 02:01 發表 http://www.post76.com/discuss/images/common/back.gif
因為部機而唔開心，我拎到返屋企就想賣喇........。
其實如果我照原定用$3xxx寺買手機，我諗會冇事。
今次只係溝通問題......^^
哈哈, 買手機就冇事, 又幾攪笑架喎, 所以話, 女人有時既價值觀同我地都好唔同呢!~~;P