《來自星星的PK》帶你進入最大嘅教派
本帖最後由 lukalok 於 2015-9-12 08:28 編輯對地球一無所知嘅外星人流浪印度，本來只係嚟觀察學習，但未識任何嘢已被洗劫。與女主角相遇後，交代外星人pk講述如何生存、交友、交際、認識社會，到開始知道印度人有乜都要問吓神嘅旨意，歌舞連場，直接、有趣。到高潮戲肉，pk用佢率直嘅本質，擊敗自稱能與神對話嘅神棍，整個過程簡直係啟發觀眾嘅心智，甚至係有嘢袋走嗰隻；之前女主角感情伏線，喺高潮及結尾位亦盪氣迴腸，睇得窩心感人，真係從未試過！
睇電視新聞話喺印度好多風化案，本片教要對女性專重，重要係主要喺鄕村地方講；講感情，有執着同時亦有教人放下；然而可以有自由信唔同嘅宗教，但家庭係主宰信仰嘅中心。不過導演講宗教、笑神像、拆神棍招牌，完全冇對宗教不敬，亦同時展出另一個新興有娛樂、導人向善、分析世情嘅宗教派系，就係電影敎！ 本帖最後由 mike384 於 2015-9-12 11:25 編輯
睇左, 如果講拍攝,美術方面, 覺得本片的確未算上乘, 縱使去到比利時取景, 都覺得有不足.
不過, 所謂故事主導, 個劇本真係正, 而處理亦好流暢, 所以OVERALL都係好戲一部, 要捧場架!!
原班人馬係上一套"三個白痴"中, 利用幾個唔同背景的學生哥, 同我地探討求學的真意, 而本片帶出的問題更加認真, 佢帶出 人類文化的三大重點, 語言,衣著,宗教, 而基本上好多人都係用呢三樣野去將人分類, 不過今次就通過一個三樣都冇的外星人, 去睇返呢三樣野, 再以佢的角度去理解, 重新定義返, 可以話相當抵死.
我睇完諗起另一部印度戲[阿漢正傳], 整體的過程好似, 又係一個神奇的旅程, 經歷宗教, 種族, 但個故事較悲慘, 而主角雖然唔係三無的外星人, 但換了一位阿氏保加症的人, 通過佢特別的遭遇, 去講宗教的意義. 可能對宗教問題無咩興趣, 我覺得"三兄弟"好睇d. 之前睇其他影評仲以為非睇不可，宗教既野我都係麻麻地, 咁都係等出碟至睇 遲啲先睇
三兄弟真係唔錯 睇左。都ok. 但三兄弟更好睇。原來巳岀blu ray . 本帖最後由 Hon 於 2015-9-19 12:53 編輯
其實呢套戲唔係想話宗教點點點， 認真， 對宗教無興趣或只中於自己所信既教派都無關係， 佢只係想講每一個教派都有自己所信仰既角度， 沒有好壞之分， 但當到達人生要自決既時候， 除左有自身可依靠既神， 其實相信自己既判斷都係好重要既。
其實呢套你可以當佢係三兄弟既深入版
一樣有傳統唱歌跳舞， 同樣跟三兄弟一樣九唔難明白既道理， 同埋跟三兄弟一樣既片長啦haha
(Post76 Android 手機版送出) 三兄弟已覺好正，呢套都一定會睇{:6_193:} 我睇了感覺好正,但一出字幕就離場,聽聞會有彩蛋,不知是真是假呢? chanpercy 發表於 2015-9-23 17:53 static/image/common/back.gif
我睇了感覺好正,但一出字幕就離場,聽聞會有彩蛋,不知是真是假呢?
係有彩蛋既....
好似係嗰幕佢再黎地球...(唔係好記得添)
頁:
[1]