D-9異形禁區....J J 小評 (含內容)
本帖最後由 lkljason 於 2009-10-18 19:33 編輯http://www.moviesuper.com/big5/Graphics/DATA/Information/IN-4666.jpg
今朝早見有d空檔時間,襯臨落畫前睇o下套D-9,睇完預告片都知個故仔大約講乜,今次d外星人並唔係我地一般睇慣既外星人以強者襲地球,反而係以難民身份屈居我地住既地方,所以有d新鮮感。套戲有令人反思既地方,恃強凌弱既強者欺壓弱者,種族歧視既問題!
開始時以記錄片形式咁簡介外星人點樣黎到地球,仲懶係野搵d專家、市民做訪問,令到觀眾覺得好似真係有外星人係某禁區內生活咁樣。男主角被派遣去將d外星人由D-9遷徙去第二個area,但好不幸感染左外星人既病毒,令佢變成半人半外星人咁樣,仲慢慢開始變成外星人既外表,但外星人外表既醜陋都唔夠人類既性格自私咁恐怖,令到男主角身陷險境,最後反而外星人反幫男主角,最尾仲留伏線,相信見收得會拍續篇添。
總結:無乜期望睇既一套戲,開始時比較平淡,到主角感染病毒後漸催緊張,結尾究竟男主角可唔可以回復翻人類既身體?我o係度即管賣o下瓜子先!外星人既樣我都唔知係CG定化妝,總之就好真實啦。
絕對值得一睇。
頁:
[1]