《刺客聶隱娘》觀後慼
電影資料帖: http://post76.hk/forum.php?mod=viewthread&tid=207320&highlight=%E8%81%B6%E9%9A%B1%E5%A8%98上個星期六晚睇咗呢套，呢度嗡幾句！
成套戲有大量類似文言文嘅對白，雖然侯導澄清話嗰啲唔係文言文，但睇字幕中文唔知係乜(“金”字邊加個”戎”字，”節「金戎」”呢兩個字點解呢?)，睇英文就好清楚，睇中文電影靠睇英文字幕，老婆話! 少有喇啩，
千祈唔好遲入場，一開始先嚟一段幾分鐘黑白戲，好重要，因為出現舒淇飾演嘅唐代冷酷女刺客聶隱娘片中第一句台詞，之後要70分鐘後至有下一句台詞嘞，而成套戲舒淇合共只有9句台詞!
不過，比起妻夫木聰，算好多嘞! 因為妻夫木聰成套戲由頭到尾一句台詞都冇! 終於明白點解可以搵個日本人做呢個角色嘞!
唔使講台詞都可以演出，咁唔單只妻夫木聰得，臨尾有場半分鐘戲仲頂癮，有更特別嘅演員演出，就係一班羊，影著佢地面對鏡頭演出食草，哈哈!
咁少對白，主要靠畫面表達，又幾啱外國人特別係外國人評審睇嗰喎!
台灣嗰邊，三日台北累積近七百五十萬票房，全台將近兩千萬，成為周末上映新片冠軍！但講國語嘅，都好多睇過嘅觀眾話太深奧唔明!
香港呢，呢套肯定唔係大眾個杯茶! 講到尾，有哂心理準備預咗至入場，咪捧場囉! 好唔好睇，真係見仁見智嘞!
Mike384兄另文話呢套係畫冊式電影，同意呀! 仲覺得係武俠山水畫添! 哈哈!
影展開幕電影，果然不同凡响！
(Post76 Android 手機版送出) 睇返D 訪問, 原來候導演一開始就只想借聶隱娘個名同背景, 而唔係拍返原著個種奇幻式武俠片.
去了誠品, 搵返本原著的譯本睇下, 雖然得兩三版字, 但見到又飛劍又盛, 睇黎要搵除克+程小東先拍得好了.
講返女主角個造型, 自己會聯想起臥虎藏龍的章子怡, 雖然臥虎中的玉嬌龍的特點係憧憬自由, 野性, 同此片中的充滿壓抑的隱娘係兩個極端.
講表現舒淇尚算合格, 其實佢唔講廣東話已經有分加了, 但姜太=周韻的表現, 個人就覺得麻麻地了, 上次睇佢係老公D戲入面的表現都唔錯的. 侯導的前作"最好的時光"中間的一段'自由夢"也是默片,只有字幕,原因是演員說不好以前的古語。
頁:
[1]