《刺客特攻47 Hitman Agent 47》有劇透影評
近期由於比較忙都少了去戲院睇戲, 昨天完成了工作就走o左去睇 《Agent 47》.
我對《Agent 47》的認識不多, 只知佢係由game改編成電影. Game我一直無玩過, 不過都有上youtube睇下game內"用任何方法去殺死敵人"的片段, 用的大多是stealth的方式, 盡量唔被人發現. 例如主角會扮成某d員工混入去一個地方, 再設計好d trap令對手自己中招或是突然出現取人性命等等. 好少會好似rambo咁爆入去係咁亂槍掃射的方式. 今次電影已經是第2次拍, 不過今集同上一集係無關係的, 無睇過都無所謂. 對舊作的印象已經唔太深, 不過記得又係47保護一個女仔的. 個人來講都幾喜歡新的一集, 一來電影拍得47好型, 主角又夠cool, 好易就感受到佢果種冷血無情又好冷靜的感覺. 故事來說就比較簡單, 基本上都係47同女主角走來走去, 女主角就一直想搵到佢父親於是47去幫佢, 47同另一個"改造人"對決. 90分鐘長度我覺得是剛好足夠, 如果再長多半小時恐怕會有悶場了.
電影好快咁講了agent的由來, 同埋佢地o既特性等等, 令就算無玩過game的人都好容易理解點解d agent咁勁. 每個agent 都有一個barcode印在頭的後方, 主角的號碼是47. 至於是否代表number越大, 能力越勁, 我就有少少懷疑的. 因為正常來說, 做的實驗都唔可能每次只做一個, 一定是一批批"樣板"咁做, 所以我會傾向相信number只係代表某一時期"批次"的產品, 而不是指第幾代. (因此女主角知道自己是"90號"時講的"我是否比你先進43代?" 我認為是錯的)
電影中都香港人熟識的Angelababy, 不過出場唔算多, 只係幾幕加埋幾句對白. 唔知是刻意定點, 我覺得佢d英文比較"作狀", 感覺好似聽緊siri講野多過一個人 (可能是由於佢角色是agent的"大媽"?)
另外仲有"冼樸" Zachary Quinto扮演的 T-800.....sorry...應該係John Smith. 當知道佢被改造了, 加入d"金屬"在皮膚之下, 打極都唔死, 我第一時間就聯想到未來戰士....
電影內都鋪排了不少伏筆, 如果將來有新一集都可以講落去. 最尾天台一幕其實都完得幾突然, 47 Vs 48究竟發生咩事都無講. 不過我估都係47會無事, 因為設定上, 雖然48係比47優勝, (48是47的clones不過移除了感情的部份) 但48就欠缺實戰經驗, 所以47會較有優勢.
電影我會比6.5~7分, 適合一d唔想太用腦去睇(ie 錯過少少都會唔明成套電影)的人. 畫面來講我覺得絕對拍到好有打機的感覺, 將來出碟都會買返隻看門口~
今次同gashapon版友既感覺幾乎係一致，比個五黎！ alleelarry 發表於 2015-8-28 18:06 static/image/common/back.gif
今次同gashapon版友既感覺幾乎係一致，比個五黎！
我係寫完先睇到你都有出post, 睇完先知又會咁勁大家評語係幾乎一樣哈哈~~ XD gashapon 發表於 2015-8-28 21:45 static/image/common/back.gif
我係寫完先睇到你都有出post, 睇完先知又會咁勁大家評語係幾乎一樣哈哈~~ XD ...
正所謂「英雄所見略同」，哈哈！
查實一直與你討論，多少都察覺有「大同」方向，只不過今次個百份比特別高{:6_176:} ！ 係咪翻炒幾年前套hitman??
(Post76 Android 手機版送出) KwongD7689 發表於 2015-9-5 06:50 static/image/common/back.gif
係咪翻炒幾年前套hitman??
(Post76 Android 手機版送出)
與之前既大有不同，相同既只是基於同一個電玩所改編而已！
頁:
[1]