《進擊之巨人》- 少少觀後感, 又唔劇透！
好...在一早收風之下, 知道是一部口碑差的電影！但因睇過動畫, 最後決定做死士, 今早衝入戲院睇. 結果.....首先, 要設定兩件事, 一)真係唔好用之前動漫畫去比較(雖然我只看過動畫); 二)不要帶小朋友入場, 幾血腥下(場內已經聽到好多小朋友同佢地大人講.....好驚呀....！)
總括: 當設定左以上兩件事, 整體係算好睇的！希望下集將D謎底逐一解開！
男女主角及配角: 我想是新一代的日本明星, 唔太熟識, 但青春！特別留意的是果個大食妹, 幾吸引！全片最似果個應該是長谷川先生做的角式, 個樣同動畫有8-9成似.
特技: 因我是由細到大飲日本特撮奶水大的, 所以是一部典型的現在日本特撮片, 不能與荷里活比較, 我反而覺得呢D先有日本風格！我是收貨的！
攝影: 要注意一下, 尤其是動作位, 因背景比較偏暗, 人物作戰時好多動作, 飛來飛去都睇唔清, 唔知係咪導演有心咁做？定其他原因？
一部98分鐘上集的電影, 對我來說, 已經算唔錯了！要將一本到宜家都未完的漫畫, 或26集的動畫變成兩部各大約100分鐘的電影, 編劇一定要將故事最好及最重要的完素搬出來, 所以難免一定要某程度上作出改動, 所以不要彈得太緊要！ 希望鐘意的入場睇下啦！多謝！
先講返電影級數問題...
點解呢套戲係2B級, 但尋日會見到小朋友入場睇既呢?
我見佢老豆係拎嗰D小朋友加高嗰舊野俾佢坐, 如果你話佢只係矮而過左16歲加LA, 咁我無野好講.
一套食人兼咁多血既戲, 除左戲院唔守法之外, 最重要係咪依家既家長明知2B唔啱自己個小朋友入場睇都要帶佢入場呢? 我真係好想大家正視呢個問題.
講返套戲...
如果話佢拍出黎個效果偏暗, 我反而想話睇落係叫差, 尤其是D巨人...
對我黎講, 佢係似一套為左套現而拍得好差既改編電影...
Thanks for sharing 本帖最後由 jc2ssych 於 2015-8-19 22:46 編輯
令我最激氣嘅並唔只改編改得差。
即使不跟漫畫／動畫作比較，當佢原創作品，
呢部上集在角色的描寫、節奏比重的安排、場景佈置和攝影效果都極不理想。
（其實亦可以咁講，我認為不理想，純粹因為此戲不對我脾胃。{:6_244:} ）
頁:
[1]