《神奇4俠》/ FANTASTIC 4 : 小朋友向英雄片(拜託唔好再拍續集)
呢套戲... 本來諗住睇完就黎MOVIE區搭下咀就算, 但好似無人開POST講下影評, 所以就黎寫返兩隻字啦.
星期六又去左METROPLEX睇早場, 本來諗住又好似早幾個禮拜咁人山人海(暑假關係, D細路仔多到以為去錯地方), 誰不知... 好小人, 買完飛坐响出面等入場玩下手機, 都只係十至十五分鐘啫, 一擰轉頭點解無晒人既?!? 雖然日光日白, 但都真係驚驚地, 唔通...
唔理LA, 入場先.
http://www.yzent.com/uploads/allimg/150501/192S044Y-0.jpg
睇呢套戲既前一日, 睇到NEWS話佢係MARVEL電影中故事最差既一部.
我個人最唔理會呢D野, 始終要自已親身睇過至得.
故事就離不開英雄片情節, 同埋今次都只係REBOOT, 只要睇過第一次拍嗰套既朋友都大致上知道講咩, 所以都唔多再講解, 反而係...
"點解REBOOT得咁差既?"
先講講好既地方:
我一向都好欣賞既地方, 就係MARVEL每一套電影既第一集, 都可以將未睇過原著既朋友都認識到個角色係點樣, 好似CA, IM同SPIDERMAN等等, 雖然一定有人會話... 咪又係咁, 但當知道佢力量來源之後, 至少故事上可以生動左同埋接受方面大左, 唔會局限於英雄就一定要打, 要打先至係呢類戲既MAIN POINT(我係咁睇咋, 當然好多人仲停留响呢類電影打得小就等於唔好睇呢個層面, 好似IM3咁)
到壞既地方:
今次同樣要你知道佢地既由來, 但個由來好似兒戲左D.
其實我對第一次呢套戲印象唔係太深, 因為內容上偏向靜態, 想當年真係唔多似英雄電影.
到依家睇REBOOT呢套,我終於可以有印象係佢地點解會變成咁, 但又有另一種感覺係... 點解可以兒戲成咁.
除左有人話個故事差之餘, 响套戲發表後最多人講應該係選角方面更甚, 成日話點解要搵佢地做.
當睇完套戲之後就會明白, 其實搵佢地拍唔係重點, 因為佢地要吸引咩人入場睇, 就要用咩人黎做, 好合理, 同埋時代唔同左啦.
而相反既係, 個故事變得TV化左, 即係連小小緊張感都無埋.
同埋我好似睇緊FOR小朋友睇電影, 可以好緊張既情況之下好快就無左, 可以好實在解釋得多D既地方又突然晒明白左, 可以好努力去營造一個強烈氣氛甚至打交應該有既場面都COOL DOWN得好快同好求期(打大佬嗰幕), 唔通呢套戲真係要變成咁至得?!?
有興趣入場欣賞既各位可以留意下, 我絕對相信各花入各眼, 人人睇出黎既感覺都會唔同既.
THANKS WATCHING & ENJOY!!!
Hon兄夠膽睇，真係勇氣可嘉！ jayjay 發表於 2015-8-10 00:46 static/image/common/back.gif
Hon兄夠膽睇，真係勇氣可嘉！
佢拍得出黎我咪睇囉, 無所謂架...HAHA
加上自己又無暑假放, 唔睇戲會好悶{:6_125:} 三年前睇過本片導演Josh Trank嘅CHRONICLE，堅掂。今集死因係導演自把自為，同幾位監製分歧太大，即使有Matthew Vaughn做監製，甚至親自重拍部分電影都救唔番。選角更加唔討好。。。 jayjay 發表於 2015-8-10 00:51 static/image/common/back.gif
三年前睇過本片導演Josh Trank嘅CHRONICLE，堅掂。今集死因係導演自把自為，同幾位監製分歧太大，即使有Mat ...
選角呢樣野真係無得好講, 尤其是呢套戲, 我覺得搵邊個後生仔拍都係同一結果....HAHA
反而個故事真係太幼稚同唔掂, 所以唔想佢再有第2集. Hon 發表於 2015-8-10 00:56 static/image/common/back.gif
選角呢樣野真係無得好講, 尤其是呢套戲, 我覺得搵邊個後生仔拍都係同一結果....HAHA
反而個故事真係太幼 ...
如果呢集票房掂，會如期2017年上續集，仲會同X-MEN crossover。不過家俾人hi到爆，imdb評分就嚟連4分都守唔住，真係唔駛諗啦{:1_341:} jayjay 發表於 2015-8-10 01:04 static/image/common/back.gif
如果呢集票房掂，會如期2017年上續集，仲會同X-MEN crossover。不過家俾人hi到爆，imdb評分就嚟連4分都 ...
聞說有第2集, 但會俾deadpool 2搶左個上畫時間
上唔上到都係個老闆話事, 如果佢真係有心去同xmen合作, 我估今次雖然衰成咁, 但2應該都會如期出, 唔為自己都起碼為xmen去諗.... 本帖最後由 alleelarry 於 2015-8-10 10:05 編輯
正式開畫第一日就睇到早場，呢D機會係暑假至有，但忙於版務，影評欠奉。
老實講本來的《神奇4俠》傾向胡鬧，但又比唔上《銀河守護隊》同《蟻俠》，不太討好。呢一集少有地無「彩蛋」，少有地片長不足2小時，少有地香港只播2D版（IMDB資料：備有3D版），少有既專注講英雄既MARVEL電影；個人來說未必是上等佳作！《神奇4俠》本身就是四個凡人變成超人既故事，凡人就不一定要型男美女，反而有一種真實感！
順帶一提，40元都可以睇「全景聲」，1200前的都有早場優惠！{:6_182:} 上星期六睇了早場, 講真...難睇.
記得細細個時睇過卡通版, 對於個幾位騎尼主角, 尤其係陰陽怪氣的橡膠人隊長(後來街霸2的印度佬都比佢型), 成日見唔到樣的隱女俠, 一身都係火的火人, 同埋舊核核突突的石頭人...
到了好幾年前, 終於REBOOT, 見到女一號係JESSICA ALBA, 嘩...冇死, 真係入場睇, 雖然都唔多好睇~~~但起碼有靚女望下 , 第二集, 見到D CG又唔太給力, 算啦, 睇完算數.
但估唔到居然REBOOT? 今集有野好過上兩套? 絕對唔覺有!! 小弟不才, 睇到最後約15~20分鐘瞓著左, 好多野都唔明, 算啦...唉.
呢套悶到爆,睇完好後悔,早知睇破風或者親子樂膠遊好過{:6_191:}
(Post76 Android 手機版送出)