SonSon 發表於 2015-8-6 10:35 static/image/common/back.gif
日影記憶所及都係睇碟多，好似冇乜去戲院捧場
(Post76 Android 手機版送出) ...
我都好小, 近排只係入去睇過深夜食堂.
之前係睇愛之放題同惡人
淨係巨人（一般巨人，唔係 CG 巨人）拍攝，已經唔合格！感覺似係「咸旦超人」嗰種陳年拍攝手法，略加少少改良，就拎出嚟賣！
大部份巨人場面，鏡頭透視錯晒；例如係 John 喺屋頂被巨人圍攻嗰幕，巨人既透視都明顯睇得出只係正常 size 既人，完全無巨大感。為咗掩飾呢一點，畫面刻意將巨人模糊化，但 John 卻又維持正常清晰度，結果弄巧反拙，反而令不協調感覺更強。
至於角色飛躍既特技，就更加慘不忍睹........速度感欠奉，呢層已經預咗；但唔該，可唔可以俾返少少正常鐘擺效果嚟睇吓呢？五六年前拍「怪人二十面相傳」既水平就得了，唔算過份罷？
呢套想買中字版都難了，因為好似係安樂取左版權，到又得DVD版冇藍光版{:6_131:}
DVD迷 發表於 2015-8-9 19:27 static/image/common/back.gif
呢套想買中字版都難了，因為好似係安樂取左版權，到又得DVD版冇藍光版 ...
呢套有例外呱！
Raphael 發表於 2015-8-8 01:50 static/image/common/back.gif
淨係巨人（一般巨人，唔係 CG 巨人）拍攝，已經唔合格！感覺似係「咸旦超人」嗰種陳年拍攝手法，略加少少改 ...
依家重有呢類特技???好懷舊吓喎{:6_161:}
本帖最後由 jc2ssych 於 2016-5-2 20:56 編輯
由於《巨人》漫畫對我影響很大，所以這篇「小」評論也會「小」得格外進激。
對引起不安，僅此致歉。{:8_381:}
七月下旬和家人遊日，《巨人》宣傳硬件鋪天蓋地，滿街也是主角大頭 poster。想盡辦法也無法把回程機票改至8月1日後，很遺憾。
返到香港睇到定ching嘅post，心知不妙。但認為都要親自入場睇一次先相信。
{:8_362:}
離開戲院，心裡一句話 (暫時忽略它只是長篇的上半部)：
「你唔親自入場睇過，係唔能夠相信部戲可以難睇得咁交關！」
{:8_370:}
所有 sets 硬件設計都比較零亂
故事首15分鐘有交待高牆城邦，中間係富人居住，外邊係生產者農民。但我認為，窮人住的環境，未必一定要咁零亂。不否認 sets designer 團隊可能花了很多心思布置，但鏡頭呈現下，除了零亂，沒有呈現任何detail（即使巨人入城破壞前，鏡頭也欠整體的交待）。漫畫作家嘅筆風已經亂，導演同攝影師嘅鏡頭更加亂。
而且幅牆亦很膠／紙板感。高牆其實都係《巨人》故事嘅另一個靈魂，偏心少少講，若只論石牆，《Maze Runner》、《Divergent》幅牆造得好靚。連《赤壁》、《關雲長》都造得比較好。
如果立體機動裝置和利刃已經成為對付巨人唯一兵器，戲中欠描寫（如果兩句對白你當係有，我收聲）。無論是否認識《巨人》漫畫故事嘅觀眾都好難投入。
選角和角色的改寫很不滿！
1.演Eren和Armin也合格，沒挑剔。由其那些恐懼，「面青」的表情準確。
2.打野戰的男女、替女兒找後父的媽媽，不予置評。
3.兵長/ 團長 角色二合一，失驚無神仲要走個司令出來。兵長角色尤其倒胃口。變了個刻意扮Levi表情，但扮到好醬爆feel嘅伯父（我不針對演員，只談角色設計和演技）。雖然有人認為，呢個角色根本唔係 Levi兵長，而係新寫嘅角色，但我又覺得好奇怪，既然司令宣佈佢係調查兵團揸fit人，佢係完全無自己班底，無人相信佢，無人熱血為佢賣命。是一個完全獨立於兵團內任何士兵的 nobody。三番四次見到同伴被巨人捉，但只係企响牆頭上擺post，怪笑，自hi大叫「飛向巨人的懷抱吧！」除左似演活「私有化」左Mikasan嘅淫棍外，我睇唔到佢交待咗咩戲。相當遺憾。
4.Mikasan。漫畫裡頭說過，Mikasa嘅膚色同髮色，係世上僅有最純種嘅東方人。全部戲99.9%都係日本演員(包括膠巨人)，偏偏Mikasan就搵個日美混血演員去演，激Q死！大佬呀，任何女演員（只要身型唔好大太隻），剪個Mikasan髮型都有8成相似，點解唔搵返個日本女演員演返呢？繼續深表遺憾。
巨人設定
質地很膠感，鏡頭矇矓，色調亂來。個個巨人都係灰矇矇，令我想起1998年陳小春、張錦程的《生化壽屍》。
所有巨人頭像嘅設計都係剪裂個咀，全部都係蝙幅俠小丑造型，毫無變化。只能在超大型巨人、Eren兩巨人的股肉紋理設計搶回部份分數。
而且，雖然巨人思想單純，行動緩慢，但也有興奮、暴走mode、苦澀的表情，但戲中巨人清一色，想點？我寧願佢全CG （e.g.《Clash of Titans》），都唔想佢搵真人扮，扮到好似廿年前嘅＜日本扮野大賽＞咁…..
另一樣我唔明白嘅係，點解要巨人一定要咆哮、地震？導演唔知受咩神話文化影響，吓吓都好似哥斯拉或侏羅紀暴龍登場咁。超大型巨人出場，係應該無聲，無地震，因為佢地係高大得黎好輕。除非刻意呼喚其他巨人，否則不會係唔係都發出哮叫。我有好強嘅感覺，導演只將巨人當作侏羅紀暴龍咁拍。
立體機動裝置
我期望可以睇到《阿凡達》、《泰山》、《蜘蛛俠》嘅速度感，原來我想多了、太天真。{:8_379:}
總結黎講：
1. 以電腦特技黎講，人地電影做到（e.g.《蜘蛛俠》、《Clash of Titans》）唔知佢點解做唔到。又唔係無 budget…
2. 硬件設計，唔敢講有無用心去整，但鏡頭中全部沒有呈現。
3. 角色、演員，亂來。就當我太主觀、做錯了「不設實際」的期望吧。
一早明知好難睇，都要入過場睇先心息。
鬧完，下個月依然會選擇入場睇埋下半部。
我精神分裂。{:6_154:}
今朝睇完...
本來打緊個影評, 但愈打愈唔對路, 都係放棄左, 因為...
實在太離譜, 可以話繼大鬧天宮笠個頭套扮動物之後又一現今時代仲會出現既化粧+特技.
除左爛口嗰個之外, 其他可以當佢地只不過係食錯野而變左巨大既人類, 無眼睇.
成套戲有幾個根本無咩可能既問題出現:
1. 米卡沙咁都唔死, 只係死左個BB, 但巨人明明咩都食架WOR, 咩玩LA
2. 食左艾倫落肚嗰下我真係好想笑, 就好似玩緊水上樂園滑梯咁滑左入個肚, 特技上有D好笑.
3. 又話係訓練左既隊員黎, 但一開始都唔去用飛行機件, 到最尾至飛來飛去, 咁怪既?!?!
4. 嗰幾PART所謂CUT左, 其實CUT黎把鬼咩, 5個巨人拉開個人嗰度又唔CUT, 食人又唔CUT, 但艾倫巨大左打爆人嗰下就CUT, 駛唔駛呢?
整體黎講, 同其他睇左優先場既人所講一樣, 加入左大量愛情元素入去, 令到主角同女主角變得古怪左, 亦令到套戲變得仲古怪, 再加上艾倫LAST嗰隻紅眼, 我真係覺得無啦啦變左套西片, 想點呀?!?!
下集就點都要睇埋, 只希望佢唔好將個巨大化巨人既結局變得更怪就好啦.
補充: 睇完定爺呢個POST再入場真係好好彩, 因為無左個希望就變得無咁失望.
Hon 發表於 2015-8-16 21:51 static/image/common/back.gif
今朝睇完...
本來打緊個影評, 但愈打愈唔對路, 都係放棄左, 因為...
一路小一路睇，然後照比錢睇下集，呢d就係死忠，亦即係我地，還真可憐{:8_399:}
阿定 發表於 2015-8-17 10:02 static/image/common/back.gif
一路小一路睇，然後照比錢睇下集，呢d就係死忠，亦即係我地，還真可憐...
其實我睇完你呢個影評後真係唔想睇架, 但我家姐睇左動畫版同見套戲既角色佢都鍾意(尤其男主角)咁就叫我陪佢睇, 加上metroplex早場係11點半, 咁就... 算啦, 各40蚊睇左佢囉, 點知真係中晒伏...
我個人就衰既, 只要睇左電影版part 1就要睇到end為止(就好似hunger game咁, 明知中伏中到不得了都只有睇埋落去).
睇到有C兄用荷理活片的質素去期待一套日本特技片, 覺得佢真係諗多左.
講到筆直, 比起荷理活的筆直, 日本片真係不值一提, 但度套放係日本已經算做大製作了.
話說小弟尋日都走了去星影匯睇, 又唔覺太難睇~~~
本身唔係FANS, 只睇過頭20集動畫, 初初畀佢的動畫質素吸引, 但睇耐左覺得都係太重口味.
電影版雖然改了唔少設定, 如主角們的開係, 但有一樣係繼承到的, 就係[核突], 搵真人著衫扮巨人呢件事, 對我黎講係可以充份反應巨人有幾樣衰, 而動作亦可以更自然, 但可惜合成就做到較低B.
全CG巨人? 邊個畀錢, 你睇返東寶咁多年哥斯拉都冇CG過...東映戰隊D CG, 直頭係笑話黎....日本電影的CG真係未夠班.
至於選角..D人做戲做到話劇咁, 我反而唔慣...唉, 而個位團長咁的人, 扮型又唔型, 成個鹹濕佬咁, 唉唉, MIKASA, 動漫面版都係冷艷角色, 電影只冷不艷....唉唉唉
整套戲呢, 早場40蚊睇黎消磨下時間OK的, 但小心唔好食太飽入場, D 巨人實在令人反胃.
前兩日睇埋UNCLE, 靚仔靚女輕鬆搞笑, 我都係睇返呢D好過.
