我在東京大阪鳩烏的日子 - 硬嘢篇
先聲明:小弟唔係日本達人, 只係純分享個人鳩烏經歷, 如有任何錯漏唔好打頭~~!!
喺日本本地鳩烏既保養多數唔會包埋香港, 如果有任何擔心都係建議同本港代理購買~~!!
前言
話咗應承朋友話佢知去日本邊度買嘢入貨, 講完軟嘢: {:6_122:}
http://post76.hk/forum.php?mod=viewthread&tid=220311
梗係要寫埋硬嘢, 不過小弟超忙, 只能夠好快咁走馬看花咁寫, 有機會再補詳細....{:6_229:}
東京硬爆篇
之前寫軟嘢時提過, 如果想同老婆大人可以同步分別買嘢, 最好揀涉谷或者新宿, 可以包佢行得過癮唔會追你走人. 但係個人經驗, 想睇想買硬嘢就真係唔好喺新宿或涉谷呢啲地方: {:6_192:}
Bic Camera
http://www.biccamera.com/bc/top/CSfTop.jsp
Yodobashi
http://www.yodobashi.com/ec/store/0018/
新宿既Bic Camera同Yodobashi雖然好多, 亦都有好多電器手機相機耳機賣, 但如果真係要搵電線電源頭拖板RCA等等等既配件就真係咪搞, 小弟試過喺新宿既Yodobashi搵山本黑檀木, 搵咗6-7間Bic Camera同Yodobashi夾埋都只係買到3-4套, 同老婆行咗2-3粒鐘, 一路行一路小, 最後要請佢食蟹本家先搞得掂.....{:6_203:}
所以最好既方法就好似小弟上次去東京咁, 兩公婆用一個上下或下午既時間分開唔同地方行, 小弟上次就係一個去秋葉原, 而將個老婆大人放喺東京站, 之後再約時間去返東京站搵佢, 當然最好2個人都有pocket wifi, 方便有咩事就whatsapp電話佢啦~~{:6_179:}
講起pocket wifi, 個人幾推介呢間日本公司, 一來佢好平, 二來所有交收都係以郵遞解決, 你可以指定日子喺機場郵局拎, 或叫佢直接送去酒店. 走既時候就將部機放入佢比你既郵遞袋喺機場郵筒搞掂. 部機同香港所有機都一樣, 上次租咗4日3夜2部機全包都係4,680日圓, 抵~~!! {:6_183:}
http://tw.wifi-rental-store.jp/
講返秋葉原, 我諗好多人都知秋葉原係男人天堂, 但秋葉原都唔細周圍又好多電腦鋪頭似黃金多, 一係就周圍都有動漫女僕以為自己做咗淫賊宅男.....所以小弟想比幾個個人覺得好值得鳩烏既地方, 當然你有時間行晒成個秋葉原就唔使煩啦~~!! {:9_407:}
1. オヤイデ電気 秋葉原店
唔知大家有無去過oyaide既網上商店睇過, 不過好多人睇過都未必可以買到, 因為要買嘢要去日本銀行入數都無咩可能做到....{:6_136:}
http://oyaide.com/catalog/
但其實佢係有實體店喺秋葉原, 而好多你喺佢網上見到既嘢(唔單止oyaide嘢), 例如古河頭尾, 47lab線同RCA頭, 都可以喺呢度買到, 價錢仲比網上價平, 有啲仲有特價, 唯一可惜係無退稅無VISA購物優惠, 不過計條數一定係抵過喺Yodobashi買~~!! 地點超近JR秋葉原站, 一行出嚟可以先去呢度入貨先: {:8_362:}
地圖:https://goo.gl/maps/ykn51
2. 千石電商
鍾意DIY既朋友去完オヤイデ電気可以去千石電商, 裡面有3間鋪有幾層, 有好多電子零件電子電路版又cap又clip等等, 識呢啲嘢既朋友可以去逛吓~~!! {:9_421:}
http://www.sengoku.co.jp/shop_01.html
呢啲鋪梗係無退稅啦
地圖:https://goo.gl/maps/gcjex
3. Dynamic Audio
真係想去睇吓啲器材既朋友, 可以去吓Dynamic Audio~~!! {:9_430:}
http://www.dynamicaudio.jp/
當然啲器材係100-110V, 買唔買你就自己諗啦, 但玩膠既朋友都可以見到好多唱頭唱殼唱線掃之類既配件~~!! 佢喺秋葉原有幾間鋪, 但個人推介以下2間, 因為隔一條馬路唔使行咁遠, 慳時間: {:9_423:}
地圖:https://goo.gl/maps/5mtpi
地圖:https://goo.gl/maps/n20Uv
都係無退稅既
4. 其實去咗以上3間之後, 要搵到既都搵咗, 搵唔到既就無謂四圍走, 個人推介一次過去Yodobashi秋葉原店: {:8_392:}
http://www.yodobashi-akiba.com/
[*]一來呢間Yodobashi秋葉原店有一層係專賣AV/HIFI嘢, 可以話係小弟去日本咁多間鋪見到最大最多最齊既地方;
[*]二來呢間Yodobashi秋葉原店係有得退稅, 只要買夠10500日圓就得, 仲有VISA 5%優惠, 但佢標價唔平, 小弟計過數如果同一件嘢, 喺オヤイデ電気買係平過佢, 所以先話最後先去Yodobashi秋葉原店
[*]三來呢間Yodobashi秋葉原店只係喺JR秋葉原站隔離, 咁你買完一大堆嘢唔使周圍走咁辛苦
地圖:https://goo.gl/maps/iF4sG
以上就係小弟既秋葉原鳩烏經驗, 當然仲有一個方法係可以令自己最舒服唔使周圍走, 就係去樂天買: {:8_403:}
http://www.rakuten.co.jp/
你可以集中搵一間鋪買晒啲嘢, 然後叫佢送晒去酒店比你, 不過有2個唔好地方:
[*]樂天買嘢無得退稅又其實個價錢係貴過去鋪頭買;
[*]有啲大鋪好似Joshin家電とPCの大型専門店係唔接受唔係日本出既信用卡(即係你根本無得買), 而有啲鋪頭好似オーディオ専門店咁就唔送酒店.
至於一大堆日文唔識睇點算? 梗係搵your best friend - Google啦~~!! {:8_368:}
大阪硬爆篇
而去大阪既朋友, 同東京一樣, 去Bic Camera同Yodobashi都未必會有嘢執(除咗耳機, 耳機呢樣嘢喺日本好紅, 基本上周圍都係). 而去大阪有大阪秋葉原之稱既日本橋就得架喇~~!! {:8_389:}
雖然一條街好似比秋葉原易行好多, 不過時間is the king, 個人會推介去Joshin入貨: {:8_400:}
http://www.joshin.co.jp/joshintop/
Joshin係大阪好紅既電器鋪, 就好似Bic Camera喺東京咁, 而咁多間Joshin小弟會推介呢間Joshin日本橋1ばん館:
http://shop.joshin.co.jp/shopdetail.php?cd=0930
地圖:https://goo.gl/maps/p0Ciz
因為呢間有一層都係賣HIFI/AV嘢, 當然無Yodobashi秋葉原店咁大, 但都算係大阪數一數二, 而其他Joshin都未必會有HIFI/AV嘢(小弟喺大阪京都都去過4-5間)~~!!
如果大家驚你想買既嘢未必有貨(我都試過), 最好去之前1-2星期send email去Joshin, 同佢講要乜你幾時去同放喺邊一間鋪, 佢會覆你有無貨同埋等你去埋單, 都有很退稅同VISA折扣, 唔錯~~!! {:9_426:}
行完Joshin日本橋1ばん館再去行成條日本橋你都會見到唔少鋪頭, 不過相對睇頭就少啲, 但有時間咪行吓囉, 可能有好嘢執呢~~ {:8_396:}
最後有幾樣嘢提提大家:
[*]除咗大鋪頭, 大部分小店都無退稅, 不過大家既然係遊客咪多口講句:"tax refund?"囉, 記住唔好講太多英文, 唔係佢會覆你一大堆日文. 同埋記住拎passport做退稅;
[*]去到大鋪頭記得問佢有咩credit card做折扣, 因為各大店鋪為搶客, 好多時都會有唔同卡唔同折扣, 小弟通常一張VISA一張銀聯一張AE拎出嚟, 問佢用邊張最抵;
[*]講真鋪頭咁大想搵1-2件嘢都幾難, 可以問職員實會幫你, 但記住佢哋全部都係英文有限公司, 你如果拎張list出嚟全部都係英文佢都未必知係乜, 最好有埋相同型號比佢check, 佢哋用電腦都會知有無貨. 同埋有啲嘢日本型號叫法未必同我哋一樣, 所以要check清楚, 小弟試過見到有4-5種唔同型號既denon 103 MC頭, 真係頭都暈;
[*]大鋪既日本職員未必比你更清楚啲HIFI/AV嘢, 但佢哋一定會好盡力幫你搵, 比啲心機同埋自己要跟清楚係咪想要既嘢;
[*]有咩事你唔識日文佢唔識英文咁點算? 梗係搵your best friend - Google啦~~!!
除咗東京大阪, 日本其他地方好似名古屋金澤北海道等等小弟都好少買到嘢, 都係得Bic Camera, Yodobashi同Joshin睇吓自己好唔好彩, 或者用樂天買完送酒店. 沖繩直情乜硬嘢都無, 除非你喺中古店見到又啱使啦~~!! {:6_194:}
寫住咁多先, 又要趕吓工做嘢, 如果大家有其他建議歡迎提供~~!! {:6_208:}
多謝觀看~~!! {:8_387:} 有錢真好......{:1_347:}{:1_347:}{:1_347:}{:1_347:} 不過網上話越洋訂貨(酒店或便利店收貨)會平過係Bic Camera買連退埋稅~係未有咁嘅樹?? beerboy 發表於 2015-7-24 13:36 static/image/common/back.gif
有錢真好......
首領做咩成日提自己有錢真好呀~~ {:8_390:} just_for_uhk 發表於 2015-7-24 14:01 static/image/common/back.gif
不過網上話越洋訂貨(酒店或便利店收貨)會平過係Bic Camera買連退埋稅~係未有咁嘅樹?? ...
我未試過平過現場買, 可能電飯煲唔同啲~~!! {:9_407:}
其實諗都諗到, 上樂天買一定係要連稅, 而現場買可以退稅(8%)再加VISA折扣(5%), 就算網上做特價, 通常會連鋪都做, 咁又點會平得過呢又~~ {:6_180:} ykluk 發表於 2015-7-24 14:11 static/image/common/back.gif
首領做咩成日提自己有錢真好呀~~
講你呀...... {:8_384:} 多謝分享 ykluk 發表於 2015-7-24 14:13 static/image/common/back.gif
我未試過平過現場買, 可能電飯煲唔同啲~~!!
其實諗都諗到, 上樂天買一定係要連稅, 而現場買 ...
宜咦。。。。咁要改變計劃...... {:6_157:} 好有用嘅資料, thanks for shares {:6_193:}