BB 幾時最好影? 攝影專家 Monica Tam 教你影 B 秘技 (轉載)
轉載自聯盟網站 unwire.hkBB 的表情一瞬即逝，這一秒笑緊，可能下一秒已經喊緊，現在唔少新手父母都會嘗試初生 BB 攝影，希望為自己的寶貝留下倩影。攝影專家 Monica Tam 教你拍攝初生BB 的小秘訣。
http://cdn.unwire.hk/wp-content/uploads/2015/06/DSC05798-694x390.jpg
食飽半小時最好拍
初生 BB 攝影通常都會在 BB出生後一個月內拍攝。Monica 認為 BB 大約 12日大就最佳，因為此時 BB 的皮膚最幼嫩，出生時的暗粒同面黃都漸漸消失。「初生 BB 其實唔太難影，不需要很深入的技巧，，通常都是等他熟睡再擺各種姿態就可以，反而到 8-10個月開始識爬或者 1歲後識得行，就要追住他們影。」不過，如果想拍到 BB 好像粉團一樣熟睡的相片，前期功夫比較重要，首先要了解 BB 食奶和去痾 popo 的習慣，一般來說「BB 食完奶，掃完風好舒服就會訓覺」，所以餵完奶之後大約半個鐘拍攝就最理想。如果要拍 BB 光脫脫的相就要等他去乾淨再除片，但每個 BB 的習性都唔同，有些會直入直出，有些要等半個鐘才去，「我就試過一次，真係控制唔到，一路以為他已經去乾淨，又換多了一次片，點知影影下他打了一個冷震，但已經除晒片，噴到毛毯，道具都濕晒，不過 BB 的都 OK ，唔太難受。」
http://cdn.unwire.hk/wp-content/uploads/2015/06/monica%E4%BD%9C%E5%93%812_low-res.jpg
道具服飾分性別
初生 BB 通常都好像少粉團，未必分到性別，非常需要服飾和道具去強化性別，父母可以買一些可愛的道具衫，扮下小動物、小昆蟲、天使等等，讓他看起來更可愛。不過，「有些 BB 唔鍾意戴頭飾，要事前試一下。」示範期間，小編發覺 Monica 的相機鏡頭好彩色，「第一是自己鍾意，不過主要是想小朋友望鏡頭，影小朋友除了拎公仔、糖、玩具引他，首先要令他對相機鏡頭唔恐懼，因為鏡頭黑色又大舊，小朋友覺得唔吸引，七彩自然會更吸引。」
http://cdn.unwire.hk/wp-content/uploads/2015/06/DSC05823-694x390.jpg
近窗梳化夠光線
拍攝初生 BB ，Monica 通常都會到客人屋企影，「BB 在屋企的安全感會多些，訓得好些。」而且她會嘗試帶好多道具，去改變客人屋企的環境。不過，香港的屋企地方細，她一般都會放 BB 到近窗台的梳化或床上影，「拍初生 BB 盡量都會用自然光，就算要用閃光燈都唔好直射，要距離遠一點，怕影響都他熟睡。」
http://cdn.unwire.hk/wp-content/uploads/2015/06/monica%E4%BD%9C%E5%93%814_low-res.jpg
保持手仔腳仔溫暖
拍攝時室溫最好 keep 住 25-28度，這個溫度就算唔著衫 BB 都唔會即刻凍親。不過，「唔建議一影就即刻除到光脫脫，一來唔需要張張相都光脫脫，二來寧願一路影，等他的體溫可以適應。而影的時候要 Keep 住摸下他的手仔腳仔，因為手仔腳仔最容易反映體溫夠唔夠。手仔腳仔開始唔夠暖，就算你影得幾興奮都好，都需要先幫 BB 保暖。」
http://cdn.unwire.hk/wp-content/uploads/2015/06/DSC05793-694x390.jpg
托腮姿勢靠後製
在網上會好容易找到一些 BB 托腮等有趣的相片，但原來這些都是後製的。「要提一提想拍下 BB 托腮的父母，初生 BB 托腮是無可能的，他們的頸同手都唔夠力，大多是影一張有大人扶住個頭，一張扶住對手，再合成，變成 BB 好似自己識托腮咁。」Monica 最後叮囑各位新手父母，BB 好脆弱，無論要他們擺甚麼姿態，最緊要睇住條頸，要放咕嗕或布做承托，最先要令 BB 睡得舒服，才可以拍到好照片。
http://cdn.unwire.hk/wp-content/uploads/2015/06/DSC05836-694x390.jpg
http://cdn.unwire.hk/wp-content/uploads/2015/06/monica%E4%BD%9C%E5%93%811_low-res-386x580.jpg
http://cdn.unwire.hk/wp-content/uploads/2015/06/monica%E4%BD%9C%E5%93%813_low-res.jpg
各位新手父母如果想了解更多影初生 BB 的技巧，7月 26日下午2時可以到德福廣場一期中庭參加嬰兒及孕婦攝影工作坊呀！
頁:
[1]