舞吧！昴....J J小評 (含內容)
http://www.moviesuper.com/big5/Graphics/DATA/Information/IN-4513.jpg呢套戲想睇既原因係因為套漫畫我本身有睇過 (開頭果6-7期，之後覺得節奏太慢所以cut左)，但入場既朋友唔好諗住有好多Ballet既場面睇到，加上大部份都係演員，所以想睇d好靚既舞技可能會覺得好似好流咁，但故事骨幹我覺得唔係重點跳舞度，反而係講親情同講女主角點樣跳出無形既心魔，將自己跳舞既天份發揮o係舞蹈身上。
故事印象中都應該係依住原著漫畫黎拍，都係講有個孖生細佬因病去世，除左活o係細佬死亡既陰影下 (擔心d遺傳病亦都會o係自己身上去發生)，但另一方面又好想用跳舞呢樣野黎懷緬同延續細佬既承諾，佢就o係呢種環境下成長，當中佢認識左開脫衣舞舞廳既嬸嬸，呢條線既關係我係最鐘意亦都係令我最感動，而其他亦敵亦友既對手同父女既感情線就無乜特別。
總結：套戲未睇前聽人講話好悶o下，我就反而無呢個感覺，係就係平淡d，但細佬同嬸嬸死果兩part都令我有些小眼濕濕，感動到我既戲我覺得已經唔錯，要我比分既話我會比75分，比我預期中好，可以一睇！ 嬸嬸死果度我都好感動！ 套漫畫都好好睇，但之後斷咗尾 套漫畫都好好睇，但之後斷咗尾
MarkMak 發表於 2009-10-10 17:30 http://www.post76.com/discuss/images/common/back.gif
乜漫畫唔係仲出緊既咩？
頁:
[1]