[神秘女聲?] 又要人估下隻歌係邊個唱?????
本帖最後由 lioncat 於 2015-6-4 16:59 編輯KglXvIyad9E
好似年年樂壇都要出一D gimmick, 就係「出歌唔出樣」,
近來youtube又流傳左隻歌唔知邊個唱既,
係一首翻唱歌「結他低泣時」。
MV淨係個女人背影, 未知係咪就係位原唱者?
聽首歌錄音唔似係柴娃娃既網絡歌手唱,
難道又有公司想捧新人? 又玩要估下咩樣?
講下首歌, 都好少聽到女版唱,
對於我呢D後生, 其實隻歌真係唔熟悉。哈哈哈。
覺得呢個女仔唱到現代感出黎,
把聲都幾清, 高音都上到。
反而最令我impressive係個編曲,
聽得出有唔同樂器既arrangement都幾認真喎。
之前有衛蘭同JW一出道都唔出樣齋出歌,
以歌聲黎吸引大家, 呢個樂壇都有實力派歌手。
跟住有龍小菌蒙面街頭獻唱, 初時大家仲好好奇面具後既佢係點樣,
打開左面具之後發現原來幾似苟姑娘喎, 可惜之後就一直紅唔起。
上年關心妍都變左C-12玩過一輪估下咩人唱既遊戲,
唱D玩味既歌初時都估唔到係佢, D歌都有人buy,
可惜佢轉型唔成功, 都係唱番慘情歌岩佢多D。
唔知今次呢隻歌係想捧新人定舊人,
但已經開始有人問係邊個唱,
我就覺得呢把聲實在太難估, 唔似扮聲唱, 一定唔係而家仲hit既歌手。
一係就好耐冇唱歌, 或者你都好少聽佢唱歌既人。
唔知幾時會公佈係邊個呢? 把聲幾好喎！女版別有一番味道！ http://www.yesasia.com/global/sukies-聽聽sukie/1043871417-0-0-0-zh_TW/info.html 乜水{:6_211:}
頁:
[1]