《Ex-Machina 智能叛侶》少量劇透, 唔爆結局影評
本帖最後由 gashapon 於 2015-5-26 15:39 編輯其實之前一直都等呢套電影上映, 可惜最近才知原來直接出碟, 不過都好, 起碼可以睇幾次~
未開始講故事之前有少少資料, 故事基本上只有一個地方(老闆的屋企), 3個人: 老闆, 男主角同女主角. 而女主角是一個機械人.
男主角Caleb係一個寫programme的人, 佢係Bluebook公司的一個員工, Bluebook是一個全球最大的"search engine" (即好似google咁), 有一日佢被抽中成為幸運兒, 去老闆Nathan家中玩一個星期. 而呢個老闆屋企係在一個雪山後的森林入面(設定成好偏僻唔會有機會見到其他人的地方) 成間屋除了Nathan之外仲有一個日本女傭Kyoko.
Nathan同Caleb講, 佢一直研究緊人工智能(AI),而且做了一個女機械人Ava出來.Caleb的"工作"就係利用呢一個星期的時間去對Ava進行"Turing Test". (Turing就係 《解碼遊戲》（The Imitation Game) 內的男主角 Alan Turing啦~)
簡單來說, Turing test的意思就係當一個人(A)問一個問題之後, 另一面有一個真人(B)同一台電腦(C), B&C會回答A, 如果A分別唔出B同C邊一個是電腦的答覆, 或是根本唔知道原來係電腦回答, 咁即代表C的AI pass到呢個test. 舉個例, 如果A問B同C佢靚唔靚女, B答"好靚女呀!"而C答"靚即係咩? 點define? ", 咁好明顯C就係電腦了. 如果C答到一d需要"想像力"的問題, 咁即代表AI好接近人啦.
要提一提女主角Ava被設計成人的臉孔加機械身軀都係有佢目的, 因為Nathan想Caleb在明知Ava是機械人的情況之下去判定Ava是否同人一樣(指思想模式方面)
每日Caleb都同Ava傾計, 而漸漸地Caleb感情上開始"愛上"o左Ava, 而又有意無意之間發現了老闆的一些秘密, 因此佢決定去幫助Ava逃出. 究竟Ava信唔信得過, 老闆又信唔信得過, 最後又點收科? 呢個等有大家興趣自己睇吧~
成套戲其實無咩特別的CG, 或是震撼的場面, 來來去去都係幾個地方, 幾個場景. 人又唔多, 計埋Kyoko都係4 個人(佢仲要無對白), 不過故事都叫做幾緊湊, 某幾下都有種好想估下發生咩事. 但同時成套戲都係講多過做, 個flow有時都會有d慢, 如果一心睇畫面的人可能會覺悶. 而結局我算是估中了一半, 不過都有新鮮感. 我睇完的第一個感覺係"男主角衰在"男人通病", 另外如果我要俾機械人設計師一個溫馨提示, 我一定會講"記得一開始要整定一個"fail safe裝置"先~
分數來說, 我會比7分. 都俾是"故事性"的. 不過知道o左結局之後再睇就會覺悶, 可能因為已經知道d鋪排係為乜, 再睇已經少了神秘感.
ps: 我幾喜歡香港的譯名 "智能叛侶", 究竟"伴侶"定"叛侶", 可能唔止係人同機械, 好多時人同人都有可能最終成為"叛侶"
Nice one!!!!!! 好詳細{:9_426:} 開頭有D興趣，但睇完師兄影評好似有D悶 版主對呢類片種好有興趣，暫時唔睇你個影評先！ lkljason 發表於 2015-5-26 21:02 static/image/common/back.gif
開頭有D興趣，但睇完師兄影評好似有D悶
當"推理+劇情片"睇會開心D~~ gashapon 發表於 2015-5-26 21:58 static/image/common/back.gif
當"推理+劇情片"睇會開心D~~
睇左少少，大概如此！ 似乎值得租來一看~ alleelarry 發表於 2015-5-26 21:17 static/image/common/back.gif
版主對呢類片種好有興趣，暫時唔睇你個影評先！
呢套出咗港版 s97562 發表於 2015-5-27 16:13 static/image/common/back.gif
呢套出咗港版
等有空先可以睇{:6_183:}
頁:
[1]
2