mdo 發表於 2015-5-21 03:30 static/image/common/back.gif
這間舖好耐歷史，我有兩個朋友分別幫佢地買過兩套5.1（amp連喇叭），應該可信，唔會有陳列當新機呢啲鬼嘢 ...
你所講的「但頂唔順某位sales態度」是否姓陳的這位？
他好像是這間舖的主力 sales，因為每次參觀都是他走出來招呼。
可否講講你那次發生甚麼事？ Thanks.
mdo 發表於 2015-5-21 03:46 static/image/common/back.gif
哈哈，我應該啱啱四月都響嗰度中咗招，話說三四月佢地做減價，有對喇叭勁抵，上網check過review ok,當日 ...
佢講明冇保養可能已經係一個 hints，不過大減價冇所謂啦。
再阿 Q 一 D 咁諗，咪當佢幫你煲機囉！
喇叭用過都冇咁傷，只要唔好跌跌撞撞就得。CD 機就傷 D，減短壽命也！
verygoodman 發表於 2015-5-21 04:44 static/image/common/back.gif
佢講明冇保養可能已經係一個 hints，不過大減價冇所謂啦。
再阿 Q 一 D 咁諗，咪當佢幫你煲機囉！
佢有佢故仔，佢話啱啱轉代理，嗰批嘢係無主孤魂，所以冇保養先咁平，嗰陣已比個價蒙閉了一切⋯⋯中招
verygoodman 發表於 2015-5-21 04:36 static/image/common/back.gif
你所講的「但頂唔順某位sales態度」是否姓陳的這位？
他好像是這間舖的主力 sales，因為每次參觀都是他 ...
可睇睇此舊post
http://post76.hk/forum.php?mod=viewthread&tid=188527&extra=&page=1
mdo 發表於 2015-5-21 03:46 static/image/common/back.gif
哈哈，我應該啱啱四月都響嗰度中咗招，話說三四月佢地做減價，有對喇叭勁抵，上網check過review ok,當日 ...
如果用勁抵買嘅價買返來，
我都無咁嬲，
我套天龍係用百分百正價
(即係所謂嘅建議零售價買返來)，
豆零都無得平，
我買噤多音響產品，
大件嘅有Hi Fi櫃，
細至一支唱針都有價講，
就係呢套無價講，就瀨埋嘢~
mdo 發表於 2015-5-21 08:27 static/image/common/back.gif
可睇睇此舊post
http://post76.hk/forum.php?mod=viewthread&tid=188527&extra=&page=1
全條 thread 看完，終於知道點解有些 ching 唔鍾意地庫舖喇！
以前我都試過問價，情況完全一樣，又係叫我開價。雖然我不認為這是一種正確的服務態度，但我又不如各位 ching 那麼反感。始終，日常遇到值得激氣既野實在太多喇！
我用另一個角度，分析一下這種銷售方式的利與弊﹕
1. 對店舖而言，絕對可以增加成功率，卻易得失客人。
他們不需要開價的主動權，而是希望得到一個 bob 錘的主動權。試想想，由顧客開價，只要他們接受，理論上就是 make a deal，基本上交易已經達成。但假若店舖開價，顧客可以點點頭，價都唔還，然後施施然行左去，情況就是交易未能達成。對店舖而言，當然不如理想了。所以他們便索性將次序癲倒，爭取最後的主動權。但缺點則是，這種方式會令顧客反感，因為一般情況，都是店舖負責開價，由顧客去考慮是否接受。次序調轉，便會發生那條 thread 的情況，有些版友不接受，以後都不幫襯。
2. 對顧客而言，所處位置絕對不利，但往往能以接近最低價購得心頭好。
顧客不利之處在於資訊不對稱，貨物成本如何，客人不知道；店舖的燈油火蠟如何，客人也不知道。你叫客人開價，叫人點開？不過，其實顧客不需理會這些的。假若顧客已經四處格價，知道價位如何，那麼到地庫舖時，當然會開一個比已知最低價更低一點的價錢，假若地庫舖接受，這個便是更低價了。假若不接受，客人當然返回原來的店舖購買。即是說，客人往往能夠以一個接近最低價購得貨物。不過，不是每個客都接受這種方式的，你要他們先行四處 check 價，已是苦事。而萬一他們自己開了一個高價，豈不變成水魚？種種壓力之下，便很反感了。還有，假若每間店舖都照辦煮碗，那麼客人的資訊何來？ 豈不是永遠都買不成貨物？
我買電視都係當面開箱試過無問題親自攞走最穩陣，但上次買對FOCAL936就一定要送貨，我同個sales講明送黎件貨要未開過箱，開過我係唔會收貨。
Tomy 發表於 2015-5-21 10:05 static/image/common/back.gif
如果用勁抵買嘅價買返來，
我都無咁嬲，
我套天龍係用百分百正價
咁就真係會幾韾！
verygoodman 發表於 2015-5-21 12:52 static/image/common/back.gif
全條 thread 看完，終於知道點解有些 ching 唔鍾意地庫舖喇！
以前我都試過問價，情況完全一樣，又係叫 ...
聽聞只是其中一位sales哥哥是如此，同舖其他人係賓至如歸型！
個人意見（我都係做sales),一般平價commodity用此方法絕對work,盡快close一單deal,兼且最好有profit margin,但你問我HiFi係唔係平價commodity,我有保留，一萬幾千，話貴唔貴，話平亦唔平，另外一部amp當然是commodity,但好多人，尤其是新玩家係成套設備購置，站在這個角度，我覺得sales可比專業意見，例如你家居如何如何，應選某一類型喇叭，各品牌聲底如何，這便叫value,有value何愁冇margin? 另外玩HiFi其中一特別之處，呢個係個無底深潭，你係會upgrade同買配件，如果我同商舖建立了信任，好大機會以後都去同一間，做熟客嘅effort永遠都細過做新客，何須急於一次過幫個客放血？俗啲講，長劏長有好過一次過比你劏死（甚至劏吾到）而冇回頭
純個人亂up,不喜勿插
mdo 發表於 2015-5-21 20:06 static/image/common/back.gif
聽聞只是其中一位sales哥哥是如此，同舖其他人係賓至如歸型！
個人意見（我都係做sales),一般平價commod ...
大家講既，應該就係姓陳嗰位仁兄喇！
佢可能只諗住係一種銷售策略，冇諗過咁樣 handle 一個客會令人好反感。
有 D 客心中完全沒有價位概念，即使有也只有那個如天高的「建議零售價」，你願意主動開一個較低價，再用禮貌的態度加詳盡的資料去服務個客，個客可能已經拎個銀包出嚟數銀紙。
他不開價，等同送客出門，迫他們去其他店舖。但客人到其他店舖的過程中，可能已被他人截糊，谷氣的客人甚至永不回頭。
百貨迎百客，態度亦一樣。我不排除有人會 buy 呢一套（正如我前文所說，很大機會能夠以一個接近最低價來購得產品），但我則不大欣賞。
當然，我不會馬上判他死刑。因為市面那麼多古惑店舖，既然他們沒有其他方面的問題，我也會一試，只要心裏有準備調整自己購買策略便可以了。假若過程中有任何不愉快之處，馬上走人，啋佢都傻。
