【賽後討論】Philips Fidelio 金耳朵系統達人大激鬥 (附花絮相)

PhilipsI · 發表於 2015-4-27 23:00

【Post76 x Philips Fidelio 金耳朵系統達人大激鬥】活動報導 + 最新消息

發燒耳機迷引頸以待的激鬥活動【Post76 x Philips Fidelio 金耳朵系統達人大激鬥】終於在上個週末完滿結束。為了試出手頭上播放器材的真正實力，不少版友都以自己的"最高規格裝備"赴會。

想睇返我地三天活動內的朋友究竟點樣玩呢次激鬥呢?? 以下係我地文字報導同大家分享呢.
http://www.post76.com/wordpress/?p=79394

今次大激鬥得以順利展開，全靠大家踴躍參與，在此多謝大家捧場!

喺呢3日活動, 通過同每位參賽者面對面嘅對話, 我深深感受到大家事前配搭架餐, 甚至問朋友借器材嘅認真 & 用心, 相信要選出原音王&性價比王兩大獎項，絕對唔容易！

希望大家透過今次同錄音師Rex嘅一對一深入對話, 有所得着, 喺聲學角度對自己架餐嘅特質有進一步了解, 同埋認清邊類架餐適合聽心水歌曲!

由於比賽當日時間有限，一個小時內最多只限3位參賽者, 宜家呢個post就回顧3日活動嘅花絮, 同埋俾個平台大家一齊討論。

歡迎大家積極發言！

當日比賽擺喺studio門口嘅banner, 係咪feel到激鬥氣氛呢?

考慮到等候需時, 我地當然送上最新嘅Philips Fidelio耳機俾大家率先試聽!

佢就係傳說中價值20萬美金嘅人頭咪!

Post76嘅攝影師會幫每位參賽者嘅架餐留倩影~

準備參賽前一刻

Rex嘅錄音室專業設備一應俱全, 有埋佢嘅分析&意見, 相信大家都一定有得着~

Philips Fidelio討論區管理員呀Yan

JimmyNgai · 發表於 2015-4-28 01:25

多謝大會工作人員的招待！Rex好健談人又nice，同佢傾得好開心~

除左個活動好玩，我試左X2同M2L呢兩隻headphones都令我好surprise。M2L只係用Lightening頭供電又細細部但尐聲都幾實淨幾有力水。我同行的果粉都對呢隻耳機好有興趣（利申：我係米粉）。X2今次的聽感比起上次試聽會時好好多。唔知係因為已經煲開左定係今次環境夠靜可以試真尐定係因為我插了自己帶去的amp，感覺有點係我杯茶的味道，聲音密度夠有音樂感，音色平均得黎帶點暖，不過未聽真Rex就叫左我入去

PhilipsI · 發表於 2015-4-28 10:41

本帖最後由 PhilipsI 於 2015-4-28 12:33 編輯

JimmyNgai 發表於 2015-4-28 01:25
多謝大會工作人員的招待！Rex好健談人又nice，同佢傾得好開心~

除左個活動好玩，我試左X2同M2L呢兩隻headp ...

Jimmy師兄, 大會錄音師Rex喺今次活動見到大家都好開心!
佢話同參賽者傾談都令佢有所得着

希望你都有同感~

Fidelio M2L係全球首款獲得Apple認證嘅lightning頭耳機, 內置埋DAC & 耳擴, 都係細細部又輕身,
真係果粉聽歌嘅最佳選擇!
一於由米粉轉為果粉, 同同行嘅果粉一齊用M2L吧

我地Philips Sound Facebook page嚟緊會有更多Fidelio M2L嘅消息, 可以多多留意呀~
https://www.facebook.com/PhilipsSoundHK?ref=hl
http://post76.hk/forum.php?mod=v ... &extra=page%3D1

今次X2表現得比上次好, 一來煲過, 二來環境大D靜D~
未試真唔緊要, 等我問一問邊度有得試, 同埋遲D有試聽會,
可以俾你試真D ~

Philips Fidelio討論區呀Yan

alleelarry · 發表於 2015-4-28 12:15

參加這個活動，主要都係想了解一下自己既器材，處於客觀環境下既表現，與音樂人想表達既差幾遠；至於獎品反而是其次，亦好似考試咁，除左臨場表現外，其他的都「早已注定」吧！

另外，好奇一問 Fidelio M2L 係全球首款獲得 Apple 認證嘅 lightning 頭耳機，同蘋果MFi 認證是否有所不同？

PhilipsI · 發表於 2015-4-28 12:33

alleelarry 發表於 2015-4-28 12:15
參加這個活動，主要都係想了解一下自己既器材，處於客觀環境下既表現，與音樂人想表達既差幾遠；至於獎品反 ...

你好Larry師兄, 唔少參賽者嘅心態同你一樣, 想測試自己耳機&器材嘅表現, 而嬴到比賽只係當bonus~
希望呢個比賽嘅效果合乎你最初嘅期望

Fidelio M2L 獲得 Apple 嘅認證就係你所指嘅MFi 認證~
我地會喺Philips Sound Facebook page update Fidelio M2L嘅新聞同埋我地早前喺post76出嘅post,
詳情可參考如下:
https://www.facebook.com/PhilipsSoundHK?ref=tn_tnmn
http://post76.hk/forum.php?mod=v ... &extra=page%3D1

Philips Fidelio討論區管理員呀Yan

chief424 · 發表於 2015-4-28 16:02

本帖最後由 chief424 於 2015-4-28 16:10 編輯

大家好,我係星期日參加者Kenneth
由柴灣MTR步行到工廈都唔係相像中遠,約15分鐘到
就到左後就見到Rex先生同Post76的朋友們
佢地都好熱情介紹左新Philips的耳機俾本人聽, 因本人近期都想換耳同所以都會諗Philips
(其實本人幾鐘情Philips, 佢的耳機係平價貨品中的轟炸機, 我由9850耳機一路玩玩到佢的M1, 電腦Speaker都玩過)
本身自已由07年開始玩音響耳機玩到而家, 咩Brand都玩過, 只有Philips同Sony呢兩間公司先俾到我想要的野我(由其是低音同層次感)
所以對今次活動其實好有興趣

(點解選Philips? 唔係話擦鞋, 因為呢個brand性價平都好高, 同埋最緊要就係Quailty Stable, 由9850年代買到去M1, 同埋本身電腦Mon, Speaker都係佢, 俾到我的感覺就係好reliable, 玩左幾年都冇穿冇爛, 以貨品QC黎講係OK , 相反對之前買過某高價的耳機, 唔過6個月就爆線又左右不平均, 果種心情真係唔知媽媽聲定爸爸聲[大佬成幾千蚊])

到試耳機時Rex先生先熱心去講解"我地做緊咩", 同埋"我地要知D咩", 真係估唔到學到唔少野, 耳機係冇主觀的, 係客觀既(因搵機check係呃唔到人, 係咁就係咁)
都擭益唔少, 知道原來一間公司有時為左target customer會專登係耳機某D area度"加料", 去迎合番個市場或而家的人鐘意聽咩類型的歌
呢D就係商業手法XDDD

個人買耳機前會上網search評論或對該耳機的口碑; 不過今次後我估唔到原來買耳機係要睇圖表(例如某D Hz位高D, 某D低D)
我估唔到就係原來我隻耳機(Sony A3)原來低音係勁, 反而高音就冇咁勁(因為之前聽人講都係A2低音勁, A3就平均D)
今次的結論打破左 "聽人講" 的道理, 都係耳聽最實際

最後本來想拿番張單張(About 新耳機, 但急住走冇拿到XDDD)

今次呢個活動唔錯 , 希望Post76黎緊可以再搞呢D類似的活動

JimmyNgai · 發表於 2015-4-28 16:11

PhilipsI 發表於 2015-4-28 10:41
Jimmy師兄, 大會錄音師Rex喺今次活動見到大家都好開心!
佢話同參賽者傾談都令佢有所得着
希 ...

我都有同感~ 同其他人作理性同深入的討論，確實可以學到好多野

唔知你地會唔會照顧埋一眾米粉同Android同家，整隻M2U將Lightening頭轉做USB頭呢

USB頭最好有兩款，插手機平板又得、插電腦又得咁就好方便啦~ 出外旅行公幹帶隻M2U，連DAC/AMP都唔使拎（幻想中）

遲尐個試聽會，希望個環境可以靜尐。上次o係cafe雖然有野食好正，但試開放式耳機的話真係噪左尐。

maiudar999 · 發表於 2015-4-28 18:59

大家好，我係今次活動年齡最細嘅參與者，但係喺活動場地各位嘅helper 都對我好友善同熱情，當然唔少得嘅係阿Rex 喇，我到活動場地一開門個時真係吓親我... 因為咁岩各位嘅helper 都喺到食緊飯...搞到我勁唔到意思...
測試儀器前各位大人一邊食飯一邊同我吹水，呢個場面真係有家的感覺。
同時我又試咗 M2L 同F1，F1 我唔知係咪個環境唔夠寧靜，我居然係一啲bass都廳唔到(好似連1個bass嘅Db都冇)，跟住M2L 同F1嘅還原度我又廳唔清... 希望有下一次嘅試廳活動再尋味下。
喺今次嘅活動同阿Rex真係交流咗唔少野，應該話上咗一堂。阿Rex一開始會step by step咁講要進行嘅過程，跟住又好細緻咁描述個graphy，喺呢個graphy中可以見到自己平時focus廳bass嘅時候，原來忽視咗一啲勁細緻嘅位，例如Hi-hat個啲位我嘅Headphone原來係無咗。又知道自己除咗廳bass嘅music 又可以廳下hiphop，electronic 咁，呢啲我都唔為以嘅音樂，我自己番去廳下，真係別有一番知味。
臨走時，見到位參與者阿Ken，雖然佢達唔到金耳朵，但係我地都交流咗一啲心得。
w/e 阿Rex 真係好靚仔
(Post76 Android 手機版送出)

PhilipsI · 發表於 2015-4-28 21:12

chief424 發表於 2015-4-28 16:02
大家好,我係星期日參加者Kenneth
由柴灣MTR步行到工廈都唔係相像中遠,約15分鐘到
就到左後就見到Rex先生同P ...

你好Kenneth師兄, 多謝你咁詳盡嘅分享, 同埋對我地品牌咁讚賞呀

正如師兄提到, 我地Philips Fidelio的確係行性價比高嘅路線,
希望客人可以用最優惠嘅價格, 購買到最優質嘅產品!

睇嚟師兄喺呢個活動同Rex對話, 而有所得益,
正乎合我地當初搞呢個活動嘅原意,
希望今次活動都乎合師兄最初嘅期望!

有關今次新產品嘅單張, 我稍後可以send俾你&上載喺呢度,
俾大家作為參考之用

我地會同Post76繼續為大家搞多D呢類有教育性質嘅活動!
同時歡迎師兄師姐有idea可以隨時PM我地, 等我地為大家搞更多更好玩、有意思嘅活動!

Philips Fidelio討論區管理員呀Yan

PhilipsI · 發表於 2015-4-28 21:25

JimmyNgai 發表於 2015-4-28 16:11
我都有同感~ 同其他人作理性同深入的討論，確實可以學到好多野

唔知你地會唔會照顧埋一眾米粉 ...

Jimmy師兄, 今次我感受到好多參賽者都鍾意呢類深入討論嘅活動, 日後都會朝向呢方面搞多D活動俾大家~

M2U呢個idea的確照顧到米粉同Android用家, 我地會將你嘅意見同公司反映,
希望不久將來會有M2U嘅誕生!

關於下次試聽會，我地會盡力搵一個比較安靜嘅環境俾大家試耳機~
多謝你嘅寶貴意見!

Philips Fidelio討論區管理員呀Yan

【賽後討論】Philips Fidelio 金耳朵系統達人大激鬥 (附花絮相)

評分

相關帖子

評分

評分

評分

評分

瀏覽過的版塊

金耳朵金耳朵學員

76-FC 藍寶石勲章

76 榮譽忠義勲章

三星玩樂勲章

76-FC 綠翡翠勲章