patpat痕梗係要玩屎 - TELOS QBT-18超頻寬保險絲
優惠區版主留言:
多得六爺指引, 大王最終可以為大家爭取到一個不錯的優惠, 希望大家岩用啦.{:1_249:}
TELOS QBT-18量子冷凍超頻寬保險絲(25mm/13A)
http://post76.hk/forum.php?mod=viewthread&tid=217058&fromuid=25136
又係無事出旺角又出事....話說某日返外家食飯, 未到食飯時間小弟通常都會落旺角行陣, 咁行吓行吓梗係會去吓毒氣室八卦吓, 咁就行咗去荷李活商業中心去三通問吓raymond點洗碟之後出事....{:8_386:}全文見:
http://post76.hk/forum.php?mod=viewthread&tid=214339
喺等緊佢拎洗碟機既時候, 小弟又咗去另一間鋪, 見到佢近排除咗neotech, viablue, oyaide等等配件嘢之外, 又代理咗隻台灣Telos Audio~~!! 小弟其實本身對呢個品牌唔係十分之認知, 淨係記得好似有網友入咗佢嗰隻Quantum Noise Resonator量子降躁機好似話幾好咁.....{:9_437:} 講真, 小弟對量子技術真係識佢條鐵~~ {:9_436:} 個個吹到唔知咩航天科技(好似acoustic revive係咁講, 不過我又有用喎~~{:9_429:} ), 今次量子技術又話好似Nordost嘢咁(聽聞條台灣佬真係拆咗nordost既quantum去研究)....{:9_439:}
不過有一位小弟認識既post76兄弟真係同小弟whatsapp講隻量子降躁機有料到, 小弟雖然半信半疑但講真呢啲幾千蚊嘢唔係小弟呢啲窮精話比就比....{:9_433:} 喺間鋪度吓度吓吹吓吹吓店主又叫小弟試吓條屎 - TELOS QBT-18超頻寬保險絲, 雖然小弟平時唔多玩屎(都係得IP2同mark仔裡面賣家送比小弟既SR20), 但既然3舊幾水咪試吓佢同普通fuse有咩分別, 睇吓佢乜鬼量子技術啦~~!! {:9_422:}
官網資料:
http://www.telos-audio.com.tw/html/tw/pd_new.html
話時話我都係唔係幾明咩量子技術, Telos話呢條屎既成功喺嚟自佢既Quantum Burning Technology（QBT）量子煲練技術:
"不同於其它廠家，Telos創辦人Jeff Lin認為在21世紀的當今音響線材的技術，不外乎強調金屬冶煉，或者導入工業用的超冷處理，並沒有相當巨大的關鍵性突破，進而促使Telos為了能夠比同業更早奪得先機！於2008年就投入研發資金，研究如何讓線材除了工業技術以外能夠再提升的方案！因此造就了TelosQBT 量子RUN線機的誕生。"
"由Telos研發團隊所研發的次世代煲線機，使用嶄新深層量子熟化技術Quantum Burning Technology （QBT），透過不同的量子脈衝波段，更有效地打通了線材上所有不同的接合點，並加以重新更緊密地以單方向排列，使得不同線材的潛能完完全全地發揮及強化。"
TELOS QBT-18超頻寬保險絲介紹:
"傳統音響發燒保險絲不外乎改變接點電鍍層導體材質，但是這些通常直接改變音色，用家使用後卻必須經過冗長的時間才能打開音樂頻寬，然而大多數的機器用電條件卻沒有辦法真正完全展開！RUN-IN的關鍵在於頻寬與電流，Telos首創融合大電流與0-50Khz交替式寬頻訊號，熟化德國ELU儀器用保險絲，每支保險絲出廠都經過Telos QBT 處理18小時，並加以超冷處理36小時穩定晶相！因此TELOS QBT-18超頻寬保險絲，以不改變高級器材音色，而能為高級器材帶來最佳頻寬為前提下而誕生！"
睇完都唔係好知點, 一切都係耳聽為實~~!! 唯有身先士卒執咗條13A屎返去試吓先~~!!! {:8_362:}
店主提咗小弟好幾次, 話呢條屎既方向性好緊要, 要試清楚2邊方向, 如果發現開揚咗既就啱~~ 講真小弟都唔係第一次玩屎, 都知條條屎都有方向既(所以最驚就係金鹿同mark仔裡面係用2粒屎, 即係要試4次....)
小弟經驗話比我知, 試嘢換新嘢其實一開頭都未必覺得好大分別, 最大分別嗰下其實係你甩咗佢~~!! 所以第一次試呢條TELOS QBT-18超頻寬保險絲小弟就用咗插喺訊源拖板入牆既Oyaide EE/F-S 2.6, 一來插訊源分別應該最為敏感, 二來呢條粗嘢係用古河英頭, 咁換fuse相對嚟講都易啲: {:9_423:}
http://post76.hk/forum.php?mod=viewthread&tid=84344
測試
簡單講吓小弟用咩器材去試先~~!! {:9_428:}
自製純銅拖板(古河GTX-D肉, neotech方芯銅接線, 古河IEC) Oyaide EE/F-S 2.6(IP2鍍銠fuse)入獨立電牆插
source: cubox(LPS+fibre box) -> entreq challenger usb -> dac+前級: antelope zodiac gold(IP2鍍白金fuse機內fuse + neotech 3003 silver) -> sommer excelsior xlr -> 後級: mark levinson no. 23(SR20 fuse機內fuse + neotech 3200普通fuse入獨立電牆插) -> inakustik ls-603 -> 喇叭: ATC SCM20
測試歌曲: CAS - 張學友《醒著做夢》, 趙聰《新版十面埋伏》, 膠 - 蔡琴金片子 (壹)《三年》
本身呢條2.6小弟係用IP2鍍銠fuse(當年買好似6百幾7百), 首先第一樣試係甩咗條IP2換返普通fuse, 小弟以同樣既歌去聽, 人聲完全變晒平面而音場縮咗都5分之一咁上下, 原來自己都唔知條屎幫咗個音場咁多~~~!! {:6_174:} 好, 跟住插條全新TELOS QBT-18入去古河再試吓~~!! 搵好方向後, 今次試完覺得明顯比普通fuse既分別係中低頻, 實淨同人聲立體感好咗, 但成個音場比起本身用既IP2鍍銠fuse就無咁闊, 不過都比普通fuse好好多~~!! {:6_127:}至於聲底就無咩點變到~~!!
下一回合就到mark仔3200嗰條普通fuse, 呢下真係分別大, 始終條普通fuse真係雞過唔雞, 換咗條TELOS QBT-18人聲立體感強咗好多, 連帶mark仔特性更加突出, 尤其聽琴姐聲音真係好入心~~!! 估唔到咁樣又幾夾喎~~!! {:6_139:}
好, 既然有料到, 心思思諗如果對戰IP2鍍白金fuse又會點呢?? 要買多2條小弟又未必捨得, 就膽粗粗上去問店主可唔可以借2條嚟試(當然小弟撻晒朵話係小瑟大王既近身侍衛啦~~!!)...{:8_368:}
咁最後一回合就到換金鹿機內fuse, 呢次就搞咗好耐(當然全部測試唔係一晚內完成, 搞咗好幾晚啦), 因為搵返方向都有排.....mark晒方向就搵一晚一次過試, 今次既結果IP2鍍白金fuse機內fuse就完勝喇(當然啦, 過千蚊一條喎), 但人聲中音位TELOS QBT-18絕對唔輸反而仲出, 如果聽人聲呢條屎真係唔輸~~ {:6_183:}
結論
以價論聲, 三百幾蚊既TELOS QBT-18的確係抵買, 比起以前曾經試過既古河同HIFI tuning(借返嚟)既印象都好, 無咩改變音色情況下可以加大上下左右音場, 而加大前後音場就會令中頻更出色~~!! {:6_178:} 當然比起IP2鍍白金或者IP3鍍白金(我估)就未必打得過, 但IP2/IP3鍍白金既價錢可以買到2-3支TELOS QBT-18, 仲要今次測試係完全煲熟既IP2大戰完全未煲既TELOS QBT-18, 就算小弟屋企只係牆係用英式但都有5-6條可以換, 咁針落似乎TELOS QBT-18都係一個好選擇, 結果當然係.....
後話
小弟從來都唔主張一開始玩HIFI/AV嘢既朋友一入手買完器材就換fuse, 最大原因係fuse既目的其實係調音既一種~~!! 如果一開始入手買完新器材未煲好, 連套架生究竟係發揮成點既話就走去調音, 結果只係自己根本就唔知套嘢係咩聲~~!! 所以小弟會建議大家先去了解多啲手上既器材, 覺得欠缺乜嘢先至去著手調音, 當然除咗屎, 仲有墊材線材等等, 最緊要係知道每一樣嘢得到既改變係乜先去做, 咁就唔係兜太多路喇~~!!! {:6_142:}
謝謝觀看, 不喜勿插~~!! {:8_387:} 本帖最後由 ykluk 於 2015-5-22 15:15 編輯
leo25 發表於 2015-5-20 19:16 static/image/common/back.gif
我邊有你咁好文采同金耳朵呢。頭條呢家野都係等你呢啲大師傅上架啦，今晚先補返加分先
(Post76...
其實啲telos屎都插咗大約2個星期, 尋晚patpat痕又換返啲IP2鍍銠入拖板同IP2鍍白金返去金鹿, 淨係留返支TELOS QBT-18比mark仔~~ 果然效果係掹返出嚟就最明顯~~!! {:9_407:}
對比之前全插TELOS QBT-18, 宜家個人聲明顯無咁厚, 密度少咗啲啲, 但2邊音場就清晰咗, 樂器定位明顯啲, 整體平衡啲~~!!! 即係咁諗, 如果鍾意聽人聲, 或者鍾意人聲厚啲密度高啲既(個效果同睇人哋講SR RED有啲似, 可以慳返8舊幾唔使玩SR RED~~!!{:9_407:} ), 就可以用TELOS QBT-18嚟調聲, 而要分析就要IP2鍍白金, 至於鍍銠就可以退役~~~ {:9_423:}
宜家我手頭上既TELOS QBT-18都差唔多試晒, 等我度一度點樣用點樣調, 跟住搵吓條大王, 問吓佢搞唔搞到團購, 一次過搞掂佢先~~!!! {:8_362:} 呢個post睇黎又會上頭條{:9_407:}
(Post76 Android 手機版送出) 六爺真厲害,洗膠叻之外,撚屎都有一手{:6_193:}
呢鑊仲唔係洗膠撚屎 近身士衛你都講得出, 真係比個叻叻你~~~{:6_193:}
話時話, 你個死仔仲有冇借其他野架?? 上面冇打過比我架喎, 好明顯你比左迷藥佢食~~{:6_188:} {:6_193:} 本帖最後由 plnl88 於 2015-5-19 23:47 編輯
非常精彩，公正。{:6_193:}
只補充一點，
三年前，76 團購 IP2 鍍銠 fuse 的價位好似係 360。
秋記而家 IP3 鍍銠 好似 賣緊 380。
plnl88 發表於 2015-5-19 23:22 static/image/common/back.gif
非常精彩，公正。
只補充一點，
三年前，76 團購 IP2 鍍銠 fuse 的價位好似係 360。
三年前，76 團購 IP2 鍍銠 fuse 的價位好似係 360???
秋記而家 IP3 鍍銠 好似 賣緊 380????
How many mm?current is what A?? leo25 發表於 2015-5-19 19:21 static/image/common/back.gif
呢個post睇黎又會上頭條
(Post76 Android 手機版送出)
我呢啲真心分享POST寫咁春多字, 梗係為咗上頭條啦~~!! {:8_368:}
唔抵得呀, 你又寫啦笨~~!! {:9_436:} jamesc138 發表於 2015-5-19 20:45 static/image/common/back.gif
六爺真厲害,洗膠叻之外,撚屎都有一手
呢鑊仲唔係洗膠撚屎
唔好咁講, 玩膠同玩屎小弟只係入門級, 唔敢同咁多位大師比較~~~!! {:6_162:} 小瑟 發表於 2015-5-19 22:18 static/image/common/back.gif
近身士衛你都講得出, 真係比個叻叻你~~~
話時話, 你個死仔仲有冇借其他野架?? 上面冇打過比我架 ...
我想借埋佢隻Quantum Noise Resonator量子降躁機同煲線機, 不過幾叉嘢我又唔好意思開口.......如果你出聲又可能唔同喎......{:8_395:}