百代葛蘭復刻CD
本帖最後由 magichk 於 2015-5-13 00:35 編輯尋日終於買左期待已久的葛蘭復刻CD
其實百代已經唔係第一次出老歌CD，但之前出果D都係精選，而且感覺好似無乜心機出咁。今次環球百代做足宣傳，本來我都唔係太大期望，CD店第一眼見倒實物既時候，設計係ok靚既，但覺得個紙盒上面唱片封套既色水印得麻麻地，而且我唔多like佢個寫住"認明百代正版、慎防魚目混珠"既貼紙，真係唔知佢搞乜，係都上網download啦，重有翻版正版咩。點知返到屋企打開，又覺得佢入面張CD封面又印得幾好wor，唔明點解同紙盒咁唔同。
打開CD有眼前一亮的感覺，CD面用左以前黑膠碟個唱片心設計，其實咁重好過復刻王啦，12吋碟縮印成CD咁細鬼睇倒你咩。
我急不待播來聽下，講真幾十年前錄音，唔期望環球有乜神力可以出倒好靚聲既野，而且家下個個都話靚聲，有幾多堅係靚聲有幾多係味精野，大家心照，我好怕D味精碟。講返呢張復刻，又真係有D估佢唔倒，聲音出來好立體，聽倒好多細節，好過早幾年前出既葛蘭精選幾條街。
上網睇返張Capitol當年出過另一個Columbia版，封面唔同，而且重靚過Capitol個封面，點解唔用Columbia個封面呢? 又靚D又罕有D，唱片公司designer諗乜架。
哈，原來印左個columbia封面係本書仔入面中間頁，反摺就成為另一個封面，怪錯好人。我buy呢個設計，起碼真係有design過，唔係就咁照印就復刻，呢一野真係要加分俾百代。
總括來講，95蚊兩隻碟真係交足功課，又抵又有水準。葛蘭fans極多，其實佢求期出都大把人買，今次睇得出係有心機出，可能想擦返靚百代個招牌都唔定。我其實本身真係好鍾意百代個公雞logo，覺得個logo好有feel。果D所謂復刻百代，但係又因版權無法一定要key走百代logo的其他唱片公司出品，我硬係覺得差d差d咁。
某老人家對我說, Capitol當年出過的版本是貴過 Columbia版. kl122002 發表於 2015-5-13 08:20
某老人家對我說, Capitol當年出過的版本是貴過 Columbia版.
係咩? 咁我like Columbia多D。Columbia係澳洲定邊樹? "認明百代正版、慎防魚目混珠"
佢係咪講緊NC出嗰啲呢？？？？？
(Post76 Android 手機版送出) 本帖最後由 magichk 於 2015-5-13 09:16 編輯
9spl 發表於 2015-5-13 08:55
"認明百代正版、慎防魚目混珠"
佢係咪講緊NC出嗰啲呢？？？？？
你咁講又可能係,咁過左五十年,新加玻都有出老歌CD啦。點都好,我堅係頂唔順呢張貼紙,好彩唔係印出嚟,希望佢下次再出唔好再搞呢D貼紙咁肉酸。你做好D,人地自然買你啦。 係喎！！！！ 原來個封面可以咁玩{:1_335:} magichk 發表於 2015-5-13 09:10 static/image/common/back.gif
你咁講又可能係,咁過左五十年,新加玻都有出老歌CD啦。點都好,我堅係頂唔順呢張貼紙,好彩唔係印出嚟,希望 ...
都串得幾巧ah. 鬼叫佢地下下頂到行。 搞人老歌、又搞人beyond、人地整三吋，佢地又整三吋。
個貼紙又無講錯喎{:1_340:} magichk 發表於 2015-5-13 08:42 static/image/common/back.gif
係咩? 咁我like Columbia多D。Columbia係澳洲定邊樹?
呢層我就唔知當年的黑膠是在何地出了, 都是聽老人家佢地講.
Columbia 唱片公司都好大間, 日本有, 美國有, 好似運驗洲都有, 同EMI的關係錯中複雜 {:6_168:} magichk 發表於 2015-5-13 09:10 static/image/common/back.gif
你咁講又可能係,咁過左五十年,新加玻都有出老歌CD啦。點都好,我堅係頂唔順呢張貼紙,好彩唔係印出嚟,希望 ...
我反而覺得有必要. NC出的版本仲有得賣. 一陣間唔知邊家黑心店魚目混殊就唔太好了 {:6_136:}
我覺得NC的版本/定位有少少監尬. UMG今次出, 打明就係要令一些錄音的版權/ 話事權回歸自已, 證明以前EMI出得的, 佢地一樣出得仲可以出得更好.
舊時EMI不時把錄音"租"俾細公司自已搞, 搞出N個版本. 家下一家UMG 重回話事, 算係市埸上的一步. 從未聽過！但見到cd面設計用返以前黑膠唱片心設計！就比佢攪到{:6_179:}{:6_179:}好想買啦!
頁:
[1]
2