《全力扣殺》少量劇透影評
講真都有一段時間無睇港產電影了. 上次睇的一套都已經唔記得邊套.其實之前聽到呢個名加上未知套戲講乜時都無咩興趣, 不過後來知道大約講咩, 網上睇到的"曬鮑魚"NG片段, 加上朋友的介紹, 於是終於在今日同老婆一齊去睇了~
由於我一向都好少理邊個導演拍而決定入唔入場, 所以到依家我都唔係好記得邊個拍的~ 只記得好似同上次講消防員果套係同一人~(有錯請指正~)
簡單講下故事內容: 佢係講幾個人(伊健, 樑炳, 師兄)出獄之後一心從新做人, 改打羽毛球, 另一方面何超儀係前香港隊成員,但由於性格問題同一次比賽中打傷對手而令佢被罰終身停賽之下而放棄自己, 佢一次無意間認識了伊健3人, 得知佢地打算參加羽毛球比賽, 最後決定幫助佢地練習, 再加上林敏驄呢位"隱世大師"幫手, 大家在練習中慢慢找回自己的自信.
故事攪笑得黎其實都幾熱血, 除了幾位主角仲有其他不少演員(如果用"配角"呢個詞好似有d唔尊重佢地) 刷出了不少火花同笑料. 首先何超儀我本身好少睇佢做的戲 (至少"擔正"的應該無乜點睇過) 不過今次睇佢又唔錯~ 伊健反而睇佢好多戲, 但唔知點解佢每次講野我都覺得佢成個"華英雄" 咁~
師兄同樑炳估唔到佢地咁攪笑~ 而鄭中基就繼續佢"低俗喜劇style"的攪笑, 可能睇得太多反而又預o左佢會咁. 林敏聰雖然戲份唔算多, 不過每次講野都幾乎一定係笑料~ 成套戲睇得好開心~ 而且好多時全場會一齊笑一齊拍手, 都幾難得~ 成套電影係用羽毛球去講幾位角色點樣從失敗之中走返出黎, 從過程中找回自信和認同. 最後電影結尾的"To all beautiful losers", 其實都幾有意思(雖然我覺得有d娘~ XD)
如果要彈的就有幾部份, 第一就係練習好似無咩點提及過咁, 幾下手勢大家就升o左幾個level咁. 另外幾場比賽有少少唔夠喉, 好快就打晒咁.如果講多少少就好了. 最後我唔太喜歡比賽取得勝利的原因, 覺得太"作狀"...因為電影講的是那種永不放棄的精神, 但輸的原因...如果用例子, 就係一個車手佢永遠唔會輸, 但一次比賽佢因為唔記得入油而開唔著架車....咁輸法, 一來好低B, 二來某程度上又可以keep住佢"馬路上比賽從未輸過", 輸得太"dramatic", 反而覺得好假好夾硬黎...
總結: 電影故事簡單直接, 攪笑得黎又有人生意義, 而且演員有新鮮感(好耐無睇過呢d組合), 感覺比某d懶係"中港台+7大洲5大洋"每度是但執2,3個"最紅的明星"溝埋一齊拍成的"大製作"好睇好多. 如果10分滿分我會比8分~ 期待未來香港有更多更好的出品~ 呢套熱血電影重點不在羽毛球，唔著墨太多是可以理解的。
基本上呢套電影無分主角唔主角，各人戲份好平均，打破常規亦係我其中一個欣賞既地方。
能夠得到gashapon版友的8分，好奇一問有咩本地製作會高個呢個分數呢？ alleelarry 發表於 2015-5-11 08:52 static/image/common/back.gif
呢套熱血電影重點不在羽毛球，唔著墨太多是可以理解的。
基本上呢套電影無分主角唔主角，各人戲份好平均， ...
其實我都知重點不在羽毛球, 不過始終是"sell熱血", 如果唔講多d個"過程", 又好難令人feel到好熱血. 即係羽毛球係件tool, 熱血係件"成品", 如果唔講點用個tool去製成個成品就會令人無咁易入戲.
我知道原來導演喜歡superhero電影所以我用superhero做例子. 即係如果講batman"永不放棄的堅持", 就算對住superman都唔怕, 但電影就黑畫面+少少旁白過o左場就算, 咁就好難feel到batman有幾熱血. 當然如果5場比賽都講太耐又會重複, 但依家感覺在練習同實際比賽都短o左dd...
我好少同其他電影比較, 而且有時我d品味比較"獨特", 例如戰狼300同pacific rim我自己會比9分, 但其他人可能覺得悶或故事簡單等~ 如果計返港產電影, 我覺得"狂舞派"都有8分~ 其實我自己唔係下下要大卡士製作, 故事唔駛懶係神秘, 唔知邊個係幕後黑手, 有時簡單,輕鬆, 直接已經OK. 講真好多時我睇戲都係想relax下, 你仲懶神秘(但其實睇15分鐘已經估到....) 咁會睇得好辛苦呢~
另外我講多少少我唔喜歡"比賽取得勝利的原因, 覺得太"作狀"..."
感覺似2個高手過招, 好多時睇電視2個高手都唔知做乜, 明明絕招係刀, 就走去同人比掌風, 明明腳法好又同人比劍氣, 梗係要比試自己唔叻果樣野. 比人感覺似就算輸o左, 都可以安慰自己"哦, 如果比刀法, 我一定唔會輸, 仲斬開佢18碌啦....". 咁叻就一早比刀法啦...其實輸咪輸lor, 技不如人就要認, 而唔係專登包定個底等自己有得走位. 所以比我會寧願真係佢地輸波而唔係輸在"技術細節"上lor... gashapon 發表於 2015-5-11 10:05 static/image/common/back.gif
另外我講多少少我唔喜歡"比賽取得勝利的原因, 覺得太"作狀"..."
感覺似2個高手過招, 好多時睇電視2個高手 ...
我是這樣認為的：導演要「劉丹羽毛球同好會」輸係細節上，係要表達輸贏跟本不重要的信息，只耍大家一起努力過就是了；相反鄭中基一角勝了又如何，到頭來還只有「失落」兩個字！
其實類似情節在動畫《高智能方程式》中出現過，明明冠軍就是加賀，全因為那多出了的一個「TURBO」，要不然隼人就是冠軍了！加賀感動的是人與車達至「合一」，失落是因為勝利不是來自己個人的技術。 alleelarry 發表於 2015-5-11 10:48 static/image/common/back.gif
我是這樣認為的：導演要「劉丹羽毛球同好會」輸係細節上，係要表達輸贏跟本不重要的信息，只耍大家一起努 ...
其實我好同意輸贏跟本不重要, 只要努力過就已經可以. 不過始終覺得咁輸法太低B, 同埋好夾硬來.
即好似頭文字d, 由於作者寫成拓海是唔會輸的人, 所以後期對一d好強的車手, 變得只可以靠"好彩"來取勝.
好似有次係對職業車手, 拓海至少都有關掉車頭燈令人睇佢唔到, 雖然最後係跳隻貓出來令前車急停令到拓海反超前, 不過我覺得運氣都是比賽一部份, 我覺得是合理的. 但如果改成前車因為入唔夠油而行行下停o左, 比拓海超前, 咁我就覺得太白痴了. 比我不如講由於3個人打完交整傷o左因此發揮唔到水準而輸仲好d...起碼可以令佢地明白下次比賽前唔好走去打交. 依家唯一學到的教訓, 就係下次唔好打打下波走o大去~ XD 突然想起一套我認為是"beautiful loser"的電影, 就係Real Steel. 主角"狼人"雖然最終係輸o左, 不過佢赢返自己的自信, 赢返個仔, 所以就算比賽輸了, 佢得到的滿足感其實是赢得更多~咁反而更配合到"beautiful losers"的主題~ gashapon 發表於 2015-5-11 11:09 static/image/common/back.gif
其實我好同意輸贏跟本不重要, 只要努力過就已經可以. 不過始終覺得咁輸法太低B, 同埋好夾硬來.
即好似頭 ...
又想問下，gashapon版友心目中認為既結局應該係點呢？ alleelarry 發表於 2015-5-11 12:37 static/image/common/back.gif
又想問下，gashapon版友心目中認為既結局應該係點呢？
其實我覺得3個人打打下波無啦啦走o左去已經好怪...因為佢地一定知夠11分就要換人....如果盡量少改的情況下, 比我會改成決賽早幾個鐘前(即比賽完等其他隊賽果的空檔時間) 3兄弟去搵喪狗, 大家之後打起上黎, 最後由於受傷 (整親手腳etc), 令到比賽期間發揮唔到水準, 所以始終都係輸o左. 但落場時幾兄弟一路打一路覺得自己真係已經改變o左, 好似"re-born"咁, 所以每一分都係笑住咁打. (打完交再踏上球場代表已經同之前的自己斬纜了) gashapon 發表於 2015-5-11 13:17 static/image/common/back.gif
其實我覺得3個人打打下波無啦啦走o左去已經好怪...因為佢地一定知夠11分就要換人....如果盡量少改的情況 ...
這個結局也不錯啊！{:6_193:}
但是，這樣就不能突顯「友情的可貴，名利算甚麼」，畢竟現實生活中，又有多少是「盡如人意」呢？不按正路發展，感覺反而覺得有趣！
頁:
[1]
2