《全力扣殺》- 觀後感！(絕不劇透)
引言: 1個月前的有一日, 當有架巴士經過我面前時, 有一張電影宣傳海報, 睇唔清但覺得有氣勢, 最後冇理到！後尾張海報又在我面前出現, 我開始注意下係什麼戲, 原來叫"全力扣殺", 而且, 鄭伊健個樣出現左(我是鄭伊健Fans...嘿嘿！). 因此開始釘住呢套戲啦！再加上剛剛星期日晚CCTVB節目, 班人上左去玩, 重見到有聰哥, 嘩....正！所以決定買飛入場....故事唔講啦, 我不嬲希望觀眾入場睇戲！不如講我對導演及主要演員感覺！
1)原來唔止郭子健一位導演的, 不過我又唔記得另一個叫什麼名字, Sorry!!! 不過, 套戲好有之前"打擂台"的風格, 大大隻中文字, 浩浩蕩蕩的配樂, 都是郭導之個人特色, 喜歡！
2)鄭伊健: 污濁留鬚, 違背左他本身有型Look, 但OK窩！演技都尚接受！
3)何超儀: 演技OK啦！
4)師兄及梁炳: 冇諗過佢地都可以咁攪笑！
5)鄭中基: 做返之前佢响"低俗喜劇"之笑料！
6)林敏聰: 最期待的一個. 而家佢好少演戲, 但佢真係好攪笑及令我好期待. 你好野！
電影主旨: 人是需要去改變！
個人感覺: 套戲108分鐘, 正經得嚟好好笑！有message！演員個個都恰好演出！但最搶的都係林敏聰(真係好好笑). 不過, 套戲不論故事同埋D撟都好似曾相識的, 我覺得可能係向我地香港一代喜劇之王星仔致敬吧！
最後, 完場時唔好即刻走人, 之後有野睇架....重好好笑添！多謝！
版主都睇左，影評都寫左大概三份一左右……
建議：標題也加入電影主旨，或可提高注意力！ Thanks for sharing!! 睇左了, 全片OVERALL來講, 都唔係太好睇, 不過林敏聰果真一係唔出聲, 一出聲笑死人~
相比起佢, 其他演員都較失色, 全片最令我開心的係聽返一首7~80年代的勵志老歌, 真係好好聽!!! mike384 發表於 2015-5-8 14:07 static/image/common/back.gif
睇左了, 全片OVERALL來講, 都唔係太好睇, 不過林敏聰果真一係唔出聲, 一出聲笑死人~
相比起佢, 其他演員都 ...
各花入各眼，但好奇一問 mike384 版友，唔太好睇既原因？
故事過於天馬行空…？不如同版友分享一下吧！ 「完場」是指字幕打後，還有劇情？
版主只看到兩位國家隊隊員出場便離開了{:6_141:} alleelarry 發表於 2015-5-8 15:20 static/image/common/back.gif
各花入各眼，但好奇一問 mike384 版友，唔太好睇既原因？
故事過於天馬行空…？不如同版友分享一下吧！ ...
嗯, 其中的原因啦:
1. 雖然話係打羽毛球, 但對於主角們特訓後的成果, 卻唔覺得有乜特別, 好似何超儀幾下所謂扣殺, 黎黎去去都係個d角度, 老老實實, 運動片如果運動場面都唔落力拍, 重可以點? (我意思唔係話要學少林足球咁, 噴哂火xd)
另外一場林敏聰的球戲, 都太假....
2. 演員雖然個別表現唔錯, 但整體故事結構太鬆散, 說服力低, 下下要靠鍾景輝旁述, 可見畫面較貧乏, 雖然唔少港產片都有呢個特點(唔一定係唔好的) mike384 發表於 2015-5-8 15:43 static/image/common/back.gif
嗯, 其中的原因啦:
1. 雖然話係打羽毛球, 但對於主角們特訓後的成果, 卻唔覺得有乜特別, 好似何超儀幾下 ...
電影沒有用上如《排球女將》或者《足球小將》的命名方法，大概就沒有如「鬼影變幻球」及「猛虎射球」等的跨張招式，導演只是透過羽毛球去帶出「友情何價」，及探討「勝負」對於一個人來說的重要性。 alleelarry 發表於 2015-5-8 17:21 static/image/common/back.gif
電影沒有用上如《排球女將》或者《足球小將》的命名方法，大概就沒有如「鬼影變幻球」及「猛虎射球」等的 ...
見到mike384 ching及alleemarry ching咁開心講自己對呢部戲感受, 我又嚟講多小小啦！
其實, 呢部戲我算好喜歡睇, 但想深一點, 也認同mike384 ching所講唔係太好(因有好多野其實以前都睇過, 算冇新意！題外話, 坐在我隔離之5x-6x歲的女人也在電影中間時段瞓左, O左嘴！). 旨在導演重心在寫各人之心裡思想及感受, 忽略左一D商業原素(觀眾好想睇的辛苦訓練過程, 羽毛球招式, 比賽決鬥之緊張性等等吧！以上呢D所謂原因可能又是電影公司冇budget做吧...呵呵！只是笑話)
另外, 電影"全力扣殺"都好中電影中心思想, 人要去改變, 就算現在自己覺得做唔到, 唔緊要, 全力扣殺去做吧！做到與否唔重要, 最緊緊在過程中"全力扣殺", 咁就是已經做左"改變"呢件事了！所以電影最後出現一句 "送給.......的失敗者！"(死啦！記性差, 唔記得左成句添！希望其他師兄幫我補回啦！多謝！
最後, 又是一句, 我支持華語電影！更支持香港電影！ CMH969 發表於 2015-5-8 21:41 static/image/common/back.gif
見到mike384 ching及alleemarry ching咁開心講自己對呢部戲感受, 我又嚟講多小小啦！
其實, 呢部戲我算 ...
如果是以球技去拍一套電影，相對容易過去拍一些寄意於運動，但又要探討人生事；正如劇中所言：
越做得差，越比人笑，就越要做！
或許這就是電影美學，未必會受大多人既認同！