遲來的 Sony MDR-Z7 開箱
本帖最後由 wing8032 於 2015-5-3 22:51 編輯又中毒了,今次到SONY家族最後一員,MDR-Z7
簡介下先:
1.呢隻耳牛好明顯比Z5大食不少,ZX2 software hack左先叫勉強夠力,當然PHA-3平衡好好多
2.單元係打斜擺放,估計係因應耳朵角度而設計
3.70MM大單元,肯定要比Z5煲得更耐
4.左右各有10格長度比用家調整鬆緊
5.頭帶部份用人造皮,底部有軟棉增加舒適度
6.耳筒部份可以有少量垂直及橫向旋轉
7.耳筒線為3.5頭,可以比用家自行換線,接頭位有螺絲位比原裝線緊合,但似乎未必可用太粗既3.5頭,可能會頂住
8.原裝線既音質顯然比Z5甚至A系耳機原裝線好,但都係偏重中低頻,高頻始終爭D
9.耳筒位底部有個頗大既疏氣位,頂部盲唔知係唔係,不過都係有少少焗,怕熱既冷氣中使用會較好
初試聽時中頻較特出,不知是否刻意調音,似乎不是太合大路流行曲,人聲或交響樂可能會好D,
但聽聽下似乎又幾舒服,空氣感強過Z5不少,遲D考慮換條升級線改善下,Z7肯定不至於此地步 本帖最後由 wing8032 於 2015-5-3 19:34 編輯
既然有煲線機在手,梗係要煲一煲條線啦,有100 k hz既超高頻,我他過ZX2甚至PHA-3 播緊歌都係得幾百 hz....
反正Z7都要RUN一段時間先入狀態,順便煲下條平衡線先{:1_344:}
本帖最後由 wing8032 於 2015-5-16 21:46 編輯
Z7主體,兩條原裝線都叫做煲過下,係咁易update一下
1. Z7 經過中至明火稍煲後,初開箱時既只有中頻感覺已經漸漸減少,分析力有輕微改善,當然例牌既齒音及糊聲等已不見,
最令我驚喜既係背景樂器既分離度及位置有頗大提升,開頭聽唔係太覺,而家有開始拋離Z5趨勢,整體3頻平均左,
但我相信應該未煲夠,咁大個單元似乎仲有排
2. 原裝兩條線,就算大家都係單端輸出,唔知點解平衡線加adapter轉番3.5係好聲過非平衡果條,線材應該大家都係一樣
3. 原裝線始終都係原裝線,就算煲過都唔會有大變化,換條本身Z5用開既升級線再加adapter落Z7,又另一個層次,即係
唔慳得{:1_247:} ,冇理由一條線經常插黎插去兩邊用
4. ZX2 software hack後,室內算勉強叫做夠力推Z7,volume要開到9以上,視乎聽緊咩歌,但出街就一定唔夠,唔hack
肯定唔夠力推
5. 近來先發現原ZX2 個phone out本身係4極,地線分開,拎隻adapter換左個4極頭,聽Z7又有改善,音場大左少少,明亮左少少
再煲下隻Z7,睇下會再有幾多變化先,希望再有UPDATE,謝謝閱覽{:1_249:} "激勵單元"??? 呢D字眼見怪不怪,之前唔記得邊隻SONY耳機,後面都有出現過類似問題{:1_262:} 早前草草聽過Sony MDR-Z7，只有好片面既印象。
wing8032師兄寫得相當簡潔易明，一睇其線材令到中低頻比高頻明顯，較突既中頻以及有個性既音樂適應面，就感覺好有Sony大耳機比我既印象。希望煲機返師兄更多分享一下聽感呢。
update,3樓有聽感及使用實況 {:6_127:} 真想感受下聽sony z7既快感 但系依對野唔岩聽流行曲有所保留，都系耳聽為實，但應該都唔輕得去邊 我都買左Z7! 支持吓樓主先
不過未正式煲，而家用緊加＄500換嗰條線，原裝線應該有排都冇得見光喇
頁:
[1]
2