幫膠膠洗白白 - Classic 33洗碟機
入咗膠門3個幾月, 之前都出過小學雞集思廣益帖關於炒豆聲既處理: {:6_146:}http://post76.hk/forum.php?mod=viewthread&tid=209146
呢幾個月經常去SSP肥仔曾生到買膠, 每次都會用佢部Loricraft Prc4洗碟機清洗, 而自己既一大堆六七十年代既外父珍藏膠, 有啲拎咗比毒峰部Amari RW200洗碟機洗, 有啲就拎咗比馬爺用佢部Amari RW600超聲波洗碟機洗~~ 其實洗完返屋企有時拎出嚟聽都仲有炒豆聲, 發現咗問題唔係佢哋既洗碟機唔好, 最大問題係小弟屋企太多塵又狗毛, 要搞掂呢單嘢, 唯一辦法都係要自己洗~~!! {:8_388:}
超聲波機方便又好用當然係正, 但奈何小弟無銀用買唔起; 見過唔同CHING有唔同方法藍威寶木膠白電油乜都有, 但又聽過唔同人講又話唔好咁做, 諗住一係去買支毒峰推介法國洗碟水再自己洗啦, 咁3個星期前就走去旺角三通搵raymond吹吓水學吓嘢, 同佢買法國洗碟水之餘又諗住問佢點樣自己洗呢~~ {:6_128:}
raymond一聽我話要自己手洗, 佢就簡單講吓可以點做, 但聽完我自己心諗我過百隻碟咁樣手洗, 應該幾年都搞唔掂, 仲要raymond建議聽完都要洗.......咁我咪死很得~~~!!! {:6_206:}
跟住佢就用部放喺佢鋪頭到既英國洗碟機示範吓, 洗完即刻聽得又真係無炒豆聲喎~~!! 咁就多口問佢部機幾錢, 點知佢同我講唔好買呢部英國嘢, 要買都買部強國老翻嘢Classic 33洗碟機啦, 英國機6千幾, 強國嘢2千幾, 功能一樣唔使諗~~!!! 咁諗咗陣又喺佢度聽咗陣膠, 心諗2千幾解決晒炒豆聲又真係諗得過, 仲可以保養到啲膠膠, 去馬啦~~!! {:9_427:}
首先想講買嘢真係唔好成日一時衝動, 成二三十磅嘢個箱又大架車又泊得遠, 喺旺角仲要落雨....真係慘到呢.....{:9_418:}
終於抬咗返屋企, 等過多個星期六得閒就開箱開工~~!! {:6_136:}
好彩天台有間雜物屋仔, 咁大件放喺度都唔會比老婆鬧...部機其實得2粒制, 1個制係教順時針同逆時針轉, 另一個制係開抽水motor
先試吓佢有無壞先, 無事轉得到~~!!
再嚟介紹洗碟寶貝, 分別有蒸餾水, 橙油同法國洗碟水, 因為橙油同法國洗碟水係organic嘢, 所以要放喺雪櫃
法國洗碟水close-up(呢支嘢好貴架, 成五舊幾)
法國洗碟水要開蒸餾水既, 大約比例係20ml法國洗碟水開1公升蒸餾水, 我當然唔會開咁多出嚟, 所以按比例嚟開, 喺無印再買噴噴同水吱, 廁紙同埋買Classic 33洗碟機包埋既擦
一切準備好就可以洗喇, 小弟無拍片, 詳細可上網睇~~!! {:9_423:}
pvSXY_qMX5w
其實個個洗碟方法次序都可能唔同, 我自己經過洗咗二三十隻碟後會咁: {:8_374:}
自己用法
1. 先逆時針轉用蒸餾水掃一次, 吸一次
2. 噴法國洗碟水, 我成日覺得啲碟好污糟, 所以會噴多啲, 7-8次啦
3. 用個擦係咁擦到出泡為止, 如果污糟啲既就出泡後等佢3-4分鐘, 等法國洗碟水溶咗啲污糟嘢再擦
4. 擦完又落蒸餾水再擦
5. 開motor吸一圈就吸晒走
6. 以上2-5步驟順時針做多次, 最後再用蒸餾水掃一次, 吸一次
7. 2邊搞掂後就用靜電風扇吹一次, 入新內袋, 搞掂~~!!
至於橙油又係乜嚟呢~~?? 呢支嘢係SSP肥仔曾生介紹, 本身係用嚟抹油性嘢既, 佢發現用嚟抹黑膠上明顯既油漬(以前舊碟有人用油洗, 又或者手指摸)好掂, 咁所以我又買一支(鴨記五金鋪有, 我呢支喺一田見到買既, 幾十蚊). 有時見啲舊膠有油漬會用, 或者新碟我直情會全碟抹一次, 再用蒸餾水洗2-3次, 先再跟返以上步驟去洗碟~~!!
全套架生相
聽感
洗完梗係即聽啦, 因為唔使等佢乾嘛~~!! 一放落部入門垃圾器材到, 真係堅到一粒炒豆聲都無喎, 堅開心~~!! 新碟洗完之後真係比未洗前清咗好多, 之前我仲以為隻adele 21好唔掂添.....雖然洗一隻膠平均都要15-20分鐘(可能我洗得多次序, raymond都無建議洗咁多次, 但我覺得一勞永逸), 況且有啲膠真係好污糟可能要洗多次先得, 但無咗炒豆聲真係聽得好舒服好安樂, 呢啲錢真係無得慳呀~~!! {:6_193:}
謝謝觀看~~!! {:8_387:} 精彩，得閒幫我洗廿隻啦！{:8_390:} Thanks for sharing{:6_193:} jt24 發表於 2015-4-30 12:30 static/image/common/back.gif
精彩，得閒幫我洗廿隻啦！
On9~~!! 你無睇晒我個POST呀, 都話要自己洗再聽先最有效果, 比人洗完返屋企過幾廿日聽都係有炒豆架~~!! {:9_436:} 正 ！元朗黃金閣有洗碟服務 la........!{:6_176:} edlsang 發表於 2015-4-30 12:49 static/image/common/back.gif
正 ！元朗黃金閣有洗碟服務 la........!
你唔使開埋我屋企喺邊下話~~~~!!!! {:8_370:}
你同之前條老嘢一樣都係無睇晒我個POST呀, 都話要自己洗再聽先最有效果, 比人洗完返屋企過幾廿日聽都係有炒豆架~~!! {:6_124:} ykluk 發表於 2015-4-30 12:51 static/image/common/back.gif
你唔使開埋我屋企喺邊下話~~~~!!!!
你同之前條老嘢一樣都係無睇晒我個POST呀, 都話要自己洗 ...
還掂咁近 ，咁又再 law 比你洗話得 ........{:6_176:} ykluk 發表於 2015-4-30 12:41 static/image/common/back.gif
On9~~!! 你無睇晒我個POST呀, 都話要自己洗再聽先最有效果, 比人洗完返屋企過幾廿日聽都係有炒豆架~~!! { ...
{:9_433:} ... 原來用洗碟機都要自己刷架???
仲以為擺隻碟入去會自動搞掂添...
{:8_392:} ... 我唔介意車老Joe入嚟多幾次喎...順便見識下膠膠同老Mark... 洗碟真是閒情逸緻啦{:6_193:} edlsang 發表於 2015-4-30 12:55 static/image/common/back.gif
還掂咁近 ，咁又再 law 比你洗話得 ........
洗一隻幾廿分鐘, 又電又藥水, 你拎出去比廿蚊人洗好過~~!!! {:9_436:} 我man hour太貴, 要$350/隻~~!! {:8_376:}