一雞死一雞鳴 深度分析任天堂WiiU退役及新主機"NX"發售時間
本帖最後由 @肥狗仔@ 於 2015-4-18 23:17 編輯由賭博到時鐘酒店，由玩具再到遊戲業務，一路走來的任天堂顯然唔係次次都咁順風順水，在第8代主機之戰中，老任的WiiU在推出三年後，總銷量仍未達千萬。猶如熱鍋上的螞蟻一樣，面對住嚴峻的未來，任天堂終於按捺不住，率先在上月初公開其下一代家用遊戲"NX"(代號)。雖則話只有一個代號，但此舉已經反映該主機離我地不遠喇。 Nintendo Enthusiast在三月中就做咗篇分析，主題為探討Nintendo NX究竟會幾時同玩家見面，內容具一定參考價值。
*本文源自Nintendo Enthusiast，作者Elia Pales ，由Game76作中文翻譯。轉貼者請列明出處及作者。
本星期初 (2014年3月17日)，任天堂公佈了代號為"Nintendo NX"的全新家用遊戲機，雖然老任總裁岩田聰及開發部總監宮本茂在過去一段時間多次提到有這台"次世代"主機的存在，不過今次係首次該公司正式賜予其一個"名份"。回顧上一代主機周期，我們知道當時同樣只有代號"Cafe"的任天堂第八代家用機要去到E3 2011才正式以WiiU的身份進行公開演示。而隨住Nintendo NX的披露，或者老任已經密鑼緊鼓地預備在不久的將來正式的公佈這台新主機，而且可能比我地想像中更快。
岩田聰表示，以現存遊戲機作為基礎進行純粹的硬件強化係愚蠢的，"NX"將會引入全新概念並將為玩家帶來驚喜
根據歷史經驗，任天堂每一代的家用機大約都有5年命。其第一代遊戲機NES(紅白機)雖然在1985年於北美發行，但實際上要去到1986年才在全國流通。五年後即1991年，紅白機繼承者SNES(超級任天堂)誕生，而緊隨的是1996年發售的N64，還有2001年的Gamecube，到了2006年，那台曾經叱吒風雲的Wii終於橫空出世了。由此可見，任天堂主機的生命周期皆極具規律性，"五年磨一劍"仿佛成為了老任的代名詞。即使Wii表面上撐了6年時間，我們仍然可以肯定這台主機實際上已經於2011年壽終正寢，事關2012年的Wii只有兩款相對出名的派台遊戲與該主機一同"陪葬"。
上述的老任主機更替時間表對我地估算Nintendo NX的發售日子而言非常重要，若果WiiU的生命周期與其老前輩一樣同為5年，咁Nintendo NX就會在2017年發售，如果WiiU只有4年壽命，那Nintendo NX在"五年一代"這個大前題下，將發售時間描準到2016年也未必是mission impossible。最後，假設咁不幸WiiU可以捱到6年，那Nintendo NX就會順理成章在2018年面世。三個年份都有一定可能性，跟住落黎就等我地分析一下，究竟邊一個最有機會。
老任主機的生命周期可謂世代相傳，但其主機及手掣的外型則盡顯自由個性。
首先，在Project Cafe公佈之後，約莫過了18個月，WiiU才正式推出市場。用返同樣的模式去考慮，任天堂或者會在2016年秋季開始售賣Nintendo NX主機。假若該主機要等到2017年才推出，那時候玩家的熱情有可能會減退。再講任天堂曾表示會在今年晚些時候透露更多關於Nintendo NX的資訊，可想而知該公司已經有一定程度的準備。
如此同時，岩田聰早前對於公司的未來業績給予評論，其聲稱自己期望任天堂可以在2017年3月前獲得"老任招牌式"的盈利。咩野意思呢? 好明顯，岩田聰係覺得在2017年3月前，該公司會有一款強而有力的新產品投入市場並為公司製造巨額利潤。如果岩田聰相信Nintendo NX就係這款新產品，咁我地亦有理由相信Nintendo NX可以有望在出年年尾發售。
早前WiiU薩爾達傳說的監督青沼英二為粉絲們帶來了延期消息，並表示該遊戲連E3 2015都不會出席。
還有一點要注意的，係任天堂對於WiiU的2015年遊戲陣容採取了相對強硬的態度，除了《幻影異聞錄#FE》之外，其餘所有未推出的遊戲都被冠上"2015年"發售字樣。而老任更在不同場合再三強調這些發售日的真確性，好像在上年舉行的TGA 2014入面，任天堂通過影像確認薩爾達傳說WiiU將在2015年推出，沒有絲毫比人感覺會延期的跡象 (@肥狗仔@: 其實遊戲最後都係延期嘅，但睇黎作者所執著的係態度only)，而另一款超大作《Star Fox》亦經宮本茂親口確定將比薩爾達更早發售。 老任此一重榜時間表褫奪了玩家對於遊戲延期的任何幻想空間。當然任天堂也可能會於今年E3公開一至兩款好似係《銀河戰士》這類作品為其2016年的WiiU生涯作最後衝刺，但暫時睇黎WiiU的確冇在明年假期發力的跡象。
2017年係另一個比較可信的年份，只要Nintendo NX在2017年發售，WiiU就會正式加入"任天堂5年命主機"俱樂部。此舉可令老早購入WiiU的粉絲們，唔會因為主機壽命過短而覺得自己比人搵笨，至於近期先入手WiiU的玩家亦唔會因此而感到投資錯誤。而且唔好忘記，任天堂除了幾隻殿堂級的大作之外，仲有唔少"蝦兵蟹將"未曾在WiiU上大顯身手，就好似《銀河戰士》﹑《動物之森》還有《紙牌瑪里奧》等等，2017年進行主機更替可以為這些作品提供登陸WiiU的踏腳石。
假如Nintendo NX承繼了WiiU主機的特色，即混合家用機及掌機於一身，咁Nintendo NX就更加應該留待2017年才上市，始終new 3DS XL才剛推出冇耐 (for 北美)，咁快有新機出台消費者會吃不消的。
E3 2008普遍被大眾認為係最失敗的E3展之一，當中以老任這場不堪入目的發佈會尤甚。VSJuHDBueT0
儘管不大可能，我地都唔能夠排除老任將槍口對正2018年。若然成事，可以想像那一年的WiiU會好像Wii的最後歲月一樣只餘下寥寥可數的遊戲。從好方面去唸，咁遲先推出新主機有助豐富Nintendo NX的遊戲陣容，替首發遊戲爭取更多開發時間，避免好像WiiU首發時單靠幾款第一方小遊戲撐起半邊天的情況。
"遊戲荒"的問題固然可以解決，而更重要是2018年推出新主機絕對有利任天堂研究及調整Nintendo NX的硬件規格。考慮到Wii及WiiU的機能皆大幅落後同一世代的對手，2018年是最保守也是最保險的發售年份，這意味住老任會有足夠時間評估新主機之性能，以免再被對手的硬件秒殺。
講到底，我個人始終相信2016年係最有機會見證Nintendo NX面世的一年，此舉既能夠保持玩家對佢嘅期望及熱情，又能夠保證WiiU可以帶著尊嚴地伴隨住幾款大作安心上路。當然，假設Nintendo NX係一部注定成功的主機，咁鎖定2016年推出其實係最能確保該公司於2017年獲得岩田聰口中果種"老任style"般的巨額利潤。
各位讀者你地又點睇呢? 大家覺得Nintendo NX會唔會於下年推出，定還是2017或者更遙遠的2018?
Source:
http://nintendoenthusiast.com/ar ... of-the-nintendo-nx/ Wii U 啲 game 都出唔切，部NX出到但有冇 Game 先係問題 stussywwy 發表於 2015-4-18 16:06 static/image/common/back.gif
Wii U 啲 game 都出唔切，部NX出到但有冇 Game 先係問題
只要有一兩款殺手級軟件就冇問題，暫時睇黎最大機會係Zelda for both WiiU & NX，好似當年Wii首發咁。查實Zelda只係製作問題或者推翻重做，純粹講話延期已經可以，冇必要連E3都缺席。一黎可能反映佢重做程度比我地想像中大，二黎可能重做後的新玩法同NX有關係，所以暫時未出到街。
頁:
[1]