Focal Diablo 初步不專業聽感
本帖最後由 sharkpigyu 於 2015-4-14 15:27 編輯等左幾日 終於係昨晚送到黎我屋企啦！等得好苦！{:6_146:} 唔理三七二十一立刻拆箱 心急到都唔記得影下個開箱！{:6_156:}
好啦 開工啦 裝曬腳釘再加三粒鏍絲鎖實個喇叭 而家打風個喇叭都唔會跌啦{:6_134:} 奉獻各位如果真係買Diablo真係唔好慳腳架錢而唔用它的原裝腳架 它們根本就係一體的 不論外觀同音質都唔可以無左其中一方！
講多無畏 要即刻插返條喇叭線試下聲先 一開始就隊隻陳潔麗live隻sacd落去聽下先 第一首第一句「被遺忘的時光」已經給我留下深刻的震撼力 第一感覺係原來隻sacd有啲甘嘅弱音係我以前聽唔到架 只可講Diablo分析力好強 細緻度十足 一路聽落去聽左40分鐘左右 金仔亦開始warm up 啲聲越來越有有空間感 現場感 啲聲好有闊度 好記得以前用r300一離開皇帝位就覺得啲聲遠左好多 而家我行到去餐枱依然算近 犀利呀Diablo! 跟住開始試下左右前後移下位 希望得出一個比較好嘅音場同咀形位 我就發現Diablo獨立自主能力都幾強 它可以不算太受外界東西影響到它的表現 呢樣係我一個小蝸居中有著極大嘅優勢 而家喇叭就算比較貼牆都唔會太大影響 加上個低音出氣孔係前面 起碼唔會怕好似以前r300甘會boom! 跟住再試隻陳雷激嘅官琴hqcd試聽下 woo 好清脆 Diablo將我整個音場包圍住 每一下官琴聲之後係有餘音留係個空間中 好enjoy而家聽呢隻碟！
跟住再講下Diablo個高音 真係好鬼正呀 以前一聽小提琴開大聲會有少少拮 而家係覺得舒服架 仲感覺到越去越有！低音部份估你唔到都幾札實 雖然唔係獨立低音單元 但一啲都唔會比r300差 不過呢一刻我係覺得r300個低音係正啲 不過始終只係玩左1日 我相信煲好之後一定會更加進步！暫時以上就係我聽左1日嘅初步感覺！總括黎講 我絕對無後悔入左呢隻惡魔！雖然它只係入住我家只係一天嘅時間 但已經比左好多意想不到驚喜我！
恭喜！恭喜！ 好靚仔, 夾埋原裝腳極正 {:6_237:} 卒之還心願喇！{:6_138:} {:6_149:} {:6_149:}
恭喜！恭喜！ 真係超正的惡魔呀!! D 相好靚!{:6_195:}{:6_139:} pac 發表於 2015-4-14 15:48
卒之還心願喇！
多謝Pac兄 遲啲對喇叭煲到甘上下 就會出擊你自家制嘅Diamond地盒體驗下個威力！ sharkpigyu 發表於 2015-4-14 16:07 static/image/common/back.gif
多謝Pac兄 遲啲對喇叭煲到甘上下 就會出擊你自家制嘅Diamond地盒體驗下個威力！ ...
多謝賞面喎！{:6_175:} 希望唔會領你失望啦！ 靚仔到流口水{:6_212:} {:6_149:} sharkpigyu 發表於 2015-4-14 16:07 static/image/common/back.gif
多謝Pac兄 遲啲對喇叭煲到甘上下 就會出擊你自家制嘅Diamond地盒體驗下個威力！ ...
到時要家訪下先得~~!!! {:9_426:}