當金羚羊撞上兩隻牛牛 - Ediscreation 線性牛 for Antelope Zodiac Gold
其實件事已經係2-3個星期前, 不過小弟一係賴忙, 一係賴懶, 總之藉口多多都未還返個報告比"神", 終於都要"必"出嚟喇~~~{:9_434:}係咁既, 2-3個星期前, "神"突然出然whatsapp小弟, 問小弟隻金鹿(Antelope Zodiac Gold)個DC輸入其實係咩size既頭, 小弟驚講錯會比"神"打救, 咁就返屋企度比佢啦~~ 細問之下, 原來"神"接咗個order話幫一位網友做隻線性牛比金鹿~~ {:9_422:}
作為金鹿用家, 無可能會放過隻牛牛啩, "神"又吹到自己隻牛有幾咁勁, 我哋又住得近, 梗係話幫佢試牛啦~~!! {:8_390:}
呢隻Ediscreation Linear Audio Power裡面點做用乜料我乜都唔知, 搵返舊Post"神"曾經講過:
http://post76.hk/forum.php?mod=viewthread&tid=160062
至於小弟本身隻Voltikus PSU:
http://www.antelopeaudio.com/en/products/Voltikus-power-supply
而接線方面, "神"既線性牛係跟一條純銅接接, 而小弟隻PSU當年就搵LakXXXe做咗條neotech純銀接線(其實宜家比我自己造仲好仲慳返...{:8_395:} )
聽感
為盡量公平大家都係用小弟新寵neotech 3003 silver電源線, 首先插咗"神"牛去試, 試既都係近期小弟好鍾意用嚟試聲既幾首歌, 分別係歌神張學友既《醒著做夢》, Danny Summy《諳5》裡面既《舊枕頭》, 同埋《聆聽中國》裡面既《新版十面埋伏》. "神"牛一聽已經覺得人聲中頻比較前同厚, 低頻潛得深少少, 好明顯係純銅聲既聲底, 甜味多啲又濃厚啲~~!! 再插返小弟隻Voltikus PSU, 人聲明顯無咁厚同前, 但換嚟既高低伸延就長啲, 尾音同弱音多啲, 樂器定位好啲同實淨啲, 分析力更好, 呢樣都係純銀線既特性~~!! 講真, 以小弟口味一定都係覺得Voltikus PSU啱我啲, 不過問心講, 隻Voltikus PSU都玩咗成年, 而"神"牛只係啱啱出世第一次插嘢, 有咁既表現(我諗有Voltikus PSU既大約6-7成功力)其實已經算係好好, 一定會好過本身金鹿隻原裝牛啦, 2千蚊內搞得掂既嘢真係抵到爆(我條純銀接線都千幾蚊...), 我隻Voltikus PSU淨買我估都要5-6千(實際價錢唔知, 因為當年小弟係一套買)~~!! {:6_128:}
小弟一向有借(機)有還(post)上等人, 當然會出返個報告啦, 而"神"亦唔介意小弟有話直說, 唔驚小弟壞佢好事~~!! 總結嚟講, 以C/P值計"神"牛的確係好好多, 但如果想要Antelope Zodiac Gold既原裝高分析力既特性而又唔介意比多啲錢, 咁一定係用Voltikus PSU啦~~!! 不過補多句, 小弟無試過隻"神"牛煲幾個月後既表現, 會唔會令小弟有驚喜呢就不得而知喇~~!! {:6_175:}
後記
試完牛梗係要還返隻牛比"神"第二日交收, 第二晚十一點小弟打完波一身臭汗咁還機比"神", 佢又唔介意比小弟嚟個小家訪, 聽吓佢隻田雨前後, 同埋馬仔7702 AV前~~!! {:6_183:}
"神"既前置係ELAC, 而中置後置都係klipsch, 十仔就係太陽火, 天花喇叭係KEF T101~~!! 先試7702(全部後級梗係佢自己Ediscreation既產品啦), 以"神"大約百3-4呎既聆聽空間, 個包圍算係幾豐富, 個連貫性唔錯只係surround個指向性可以再好啲(聽聞佢話想換喇叭), 7702+Ediscreation無腳軟但又唔會太尖太猛, 都幾啱小弟口味, 而演唱會既表現更加令小弟覺得馬仔7702十分欣賞, 比起小弟既Y記5000前級, 7702多一點音樂感多一點甜味, 最好笑係小弟一直唔係幾鍾意ELAC聲底, 但當晚聽落又唔覺得似以前小弟聽過既ELAC聲底, 抵讚~~!! 唯一覺得可以有改進既就係2邊(surround)同十仔, 小弟同"神"講咗3次換十仔啦~~!! {:8_368:}
最後試埋"神"既2CH, 佢用自摩TEAC 501入田雨前級再比Ediscreation mono後級, 今次更加明顯唔似"我以為"既ELAC聲底, 少少偏向甜味既聲底其實都算中性, 上下既音場同高低伸延, 當然佢屋企2邊牆太埋又唔可以要求左右空間感好闊, 但講真算係唔錯~~!! {:9_423:}
簡單一個小時既極速家訪, 感謝"神"同"神"之子一直忍受一身汗臭到爆炸既小弟, 最後"神"仲比小弟欣賞咗佢既模型火車, 估佢唔到原來好鍾意火車, 呢張相我估只係佢收藏既十分之一~~!! {:9_426:}
P.S. 感謝大家睇完呢篇打手post, 千期唔好問小弟任何有關Ediscreation產品既資料同價錢, 我唔識答亦唔會答, "神"既產品C/P值高呢個係肯定, 但係我亦肯定佢出唔起錢抽佣比我~~!! {:9_431:}
感謝觀看~~!! {:8_387:} 你條身狼友又試鐘，好心就買返去玩下啦。{:6_183:}
(Post76 Android 手機版送出) 六爺英明！{:9_426:} 小瑟 發表於 2015-4-14 15:20 static/image/common/back.gif
你條身狼友又試鐘，好心就買返去玩下啦。
(Post76 Android 手機版送出)
你又梗係唔睇晒我個post, 我話"以小弟口味一定都係覺得Voltikus PSU啱我啲"呀~~!!! {:6_199:} 我唔通賣咗隻好啲既Voltikus PSU, 就去入隻我覺得無咁好既"神"牛咩~~!!!
之但係"神"牛連線個價可能只係我條接線多少少, 咁以C/P值計就另一講法~~!! {:9_423:} HenryHou1 發表於 2015-4-14 15:27 static/image/common/back.gif
六爺英明！
Boil多百今個鐘, 個結果可以改變很大! {:8_402:} 神牛我都用緊, 超值之選 {:6_193:} 你偷跳呀！{:6_182:} 你偷食呀！{:6_138:}
{:6_193:}... 火車模型超正...
小弟都有套小朋友版 Lego Maersk 火車... 小寶老豆 發表於 2015-4-14 16:06 static/image/common/back.gif
你偷食呀！
呢盒嘢係你定你個小寶玩架﹖{:8_390:}