特典公仔
(Post76 Android 手機版送出)
啱啱睇完首映， 食埋個快飯至返屋企劇透先………
(Post76 Android 手機版送出)
alleelarry 發表於 2015-5-6 20:04 static/image/common/back.gif
究竟邊個劇透的快呢？
呢一個POST又能否再一次上頭條呢？
隨緣啦.....HAHA
好, 搞掂晒啦.... GOGOGO
首先借用定爺既相先...
呢個就係首映前一個鐘既現場, 真係搵多個人都無.
到7點多小小就開始多人, 可惜我無影到相, 因為同個fd去食老麥, 返到黎已經變左蛇餅, 不過就好似另一位ching話齋, 一來唔爆場, 二來都總算叫做仲有好小小小小既位
定爺都影左兩個公仔, 但我都影返自己嗰個先, 話晒咁先叫做睇過首映有過禮物麻...haha
然後黎多張禮物就係名信片
有時候既野真係唔好左比右比, 除左日本頭場本鳥山明手繪書仔我無之外, 都總算叫做有日本買戲飛送嗰張咭, 真係... 夠啦
好啦, 下一個post就係劇透啦...
阿定 發表於 2015-5-6 20:41 static/image/common/back.gif
一定係Hon 師兄啦，佢係入面睇緊頭場，我係出面排緊尾場
(Post76 Android 手機版送出) ...
各有所好姐！
阿定 發表於 2015-5-6 21:26 static/image/common/back.gif
特典公仔
(Post76 Android 手機版送出)
有齊兩只……，就是一套了吧！
笑到肚痛！
(Post76 Android 手機版送出)
本帖最後由 Hon 於 2015-5-7 07:09 編輯
如果大家對龍珠有一定認識, 咁10之8 9都無理由唔知菲利係邊個黎, 亦都唔會唔知菲利有幾變態同恐怖...
但當我睇完呢套戲... 都唔駛睇完, 睇到一幕我已經將菲利既人情完全改觀晒, 究竟係個天玩佢, 定還是真係鳥山明都玩埋佢呢, 因為我腦海中贈佢呢4個字...
" CHEAP雞菲利 "
點解我會咁講?!? 大家睇下我既評價就會知道, 亦可以自行作出參考.
---------------------------------------------------------------------------------------------------------------------------------------------------------
如果睇到呢個金色菲利一路以來既新聞介紹都係講到佢好勁, 勁到一定唔會有朋友, 再加上佢既戰鬥力已經超過想像中咁利害既時候, 相信應該有人會諗到佢既復活真係不枉此行, 但... 點解出到黎既效果, 就同D人(唔係我呀, 我都係聽返黎架咋)以前買AV老翻一樣...
"封面與內容不相符"
OH MY GOD... FREEZA
------------------------------------------------------------------------------------------------------------------------------------------------------------
呢套戲既故事係接住神與神之後發生既事, 所以戲中破壞神同佢個師傅都會出場.
一開始好有以前劇場版既感覺, 但又增加左一份呢個世代既至有既現代感, 都總算唔錯.
內容上都係好快手地搵龍珠... 復活... 講廢話... 黎地球搵悟空報仇, 中途不停搞Gag, 又有好多不明既因素在內, 跟住就完場.
呢套劇場版既搞gag程度比神與神高出幾倍有多, 亦有新角色同新變化兼解釋唔到既多個point可以講下既, 就好似:
1) 菲利見到無閒時記得佢死過, 果然好記性
2) 悟飯廢就唔駛多講架啦, 俾菲利一下就爭D打死左佢, 枉佢想當年仲係救地球既高手, 但更估唔到魔童都廢左咁多, 連一隻高級
D既嘍囉都打唔贏, 唔通真係和平真係令到人退步既?!?
3) 龜仙人既出現係一個我覺得最估你唔到事, 無閒飛去拎仙豆好合理, 但帶埋師傳黎送死何解呢? 查實帶佢老婆去仲好啦.
4) 天津飯出現都唔算奇怪, 因為佢係一個不斷修練既地球人, 但佢身邊無左飯子陪住就有D古怪.
5) 菲利响再生機器上復活後, 有一點好有趣, 原來部機可以令佢件戰衣都一齊復活埋, 我真係好想問下鳥山明呢個位係點解呢..
6) 新角色積奇身為宇宙保護隊兼地球保護者, 佢既出現當菲利見到佢心口既圖案都知係邊位黎, 初頭以為會有好特別既事
會發生, 但原來都只係作為介紹ONLY
7) 悟空打WIN好正常, 今次亦唔例外, 當人人以為比達應該威返次既時候原來只係一場夢, 到最後都係要俾個機會悟空KO菲利,
真係做得配角就一世都只係配角.
8) 悟空同比達都可以一下子變身成為超級撒亞神既超級撒亞人, 但過程上真係好兒戲, 唔知出碟時會唔會交代返呢?
9) 用龍珠復活時第二個願望要100萬YEN, 其實同以前八戒插咀話要條女人底褲係一樣既.
9) 最後又係大團完結局, 地球無事, 搵龍珠救返個城市, 又回到以前龍珠劇情上不停LOOP既局面.
講左咁耐, 其實都差不多講左好多出黎, 但最重要既一點我依家至講, 就係CHEAP雞菲利...
唔知係我既錯覺定還是現代既劇情上真係要咁至叫做合理, 菲利變左金色後一來係完全唔夠超級撒亞神悟空打, 二來佢既所謂天才特訓過的話, 廣告上仲要賣佢有1垓戰鬥力, 其實已經勁過佢阿哥100億能晒戰士既唔知幾多倍啦, 但竟然會有後著, 仲要係搵個助手用激光射到悟空半死, 呢個... 唔係我識既菲利囉, 想當年雖然無幫手而要佢自己變大隻黎博一鋪, 但真係好肉酸囉, 話晒宇宙大王仲要係極惡嗰隻, 我又想問下鳥山明何解要咁做呢...
整體黎講佢係比神與神多格鬥場面, 但廢話其實都唔小, 所以我會俾7/10.
講整套戲既搶眼度係得超級撒亞神最特別, 如果呢個變身可以講得DETAIL一D既話, 我可以俾9分, BUT ANYWAY, 睇完後就會好深深咁感覺到龍珠已經變得有得睇就算啦...
我既劇透亦到此為止, 有唔明或討論既地方大家可以黎傾下架.
阿定 發表於 2015-5-6 23:34 static/image/common/back.gif
笑到肚痛！
(Post76 Android 手機版送出)
我都有幾幕笑左, 但最正係對付菲利呢種極惡既人, 原來地獄係好公平既...HAHA
Hon 發表於 2015-5-7 00:23 static/image/common/back.gif
我都有幾幕笑左, 但最正係對付菲利呢種極惡既人, 原來地獄係好公平既...HAHA ...
18號話唔去啦，佢老公咁有型，而且佢去左咪唔駛打，18號理論上勁過回到未來殺死菲利的杜拉格斯，如果佢去埋，就無左千人大戰的了，無機會睇元氣斬，銀河警察的英姿了
(Post76 Android 手機版送出)
