《仙履奇緣 Cinderella》好心有好報式童話故事劇透影評
本帖最後由 gashapon 於 2015-3-23 10:48 編輯昨天有時間去同老婆睇戲, 本來是打算睇《五個小孩的校長》的, 可惜搵唔到合適的時間最後就選擇了呢套《仙履奇緣 Cinderella》.
http://post76.hk/data/attachment/forum/201503/14/103521ouvp1t80zg0s0v01.jpg
《仙履奇緣 Cinderella》相信好多有返咁上下年紀的人都會聽過. 記得自己細個時有段時期係混淆o左幾個童話故事, 例如睇Cinderella會等魔鏡幾時出現, 又或期待有d小精靈走出來等等. 不過一直都唔知道Cinderella呢個名點黎, 一直以為呢個係佢真名, 真係睇完電影先知...
電影未正式開始前先黎一個Frozen fever的短片, 講Elsa點同佢細妹Anna慶祝生日. 成個短片都幾攪笑, 而且好多時都睇得出Disney好懂得加上一d"吉祥物"來令電影增加焦點(同埋最重要的: 賣商品), 今次最搶眼的就係d"雪人仔"~
《Cinderella》 一開始就講Cinderella的成長, 由父母的教育下佢係一個好純真的女孩. 故事好快就講佢媽媽的離世, 之後父親再娶可惜不久就到佢離開埋, 只剩下後母(Cate Blanchett飾演) 同佢2個"傻女" 加埋Cinderella一齊生活. 老實講知道 Cate Blanchett有份就知佢一定好搶戲份, 而整套電影中佢就算唔講野都會令人知道佢係奸的. 另外就係覺得佢d衫仲"潮"過女主角, 成個時裝達人咁款~~
Cinderella的父親本身是做生意的, 需要經常出trip, 而在佢離世後, 由於家庭失去了經濟的支柱, 因此家中的工人就被解雇了. 家中只得返4個人, 而2個後姊又係"blue blood"性格的, 因此所有的粗重工作就交晒比Cinderella做了. Cinderella的原名係叫Ella的, 不過由於有次佢成臉都係碳灰, 因此被2位後姊取笑佢你"cinder"(煤渣的意思) + "ella", 因此就成為"Cinderella"了. (其實我覺得Cinderella仲好聽, 哈哈~)
有一次唔開心的Cinderella騎住馬去到森林, 剛好撞到正在打獵的王子 Mr. Kid. 王子一方面奇怪Cinderella竟然唔識佢, 同時被佢好心地加漂亮的面容吸引住. 於是決定在不久的晚會, 無論是皇室或是平民, 都可以一同前往, 希望可以再見佢. 後母一心想佢2個女是但一個可以得到王子的歡心, 於是唔俾Cinderella去ball. 我自己其實一直都奇怪點解後母會唔比佢去, 因為3個機會點都多個2個機會, 一個唔好彩揀中Cinderella, 作為後母點都有jetso吧~ 另外唔知故事本身係咁定係電影設定成, 呢2位後姊個樣真係...我相信除非王子有"好獨特的口味"外, 否則揀佢地的機會肯定會低過見到精靈吧....
正所謂好心有好報, Cinderella雖然無得去ball, 不過就比佢見到神仙~ 而神仙就利用魔法將佢變得"巧令令", 仲加上黃金南瓜車送到佢皇宮~ 不過如果我係Cinderella, 一落車見到成幾百級樓梯可能我會忍唔住講句粗口~去到皇宮基本上是艷壓全場. 加上佢係最遲一個入場, 有種壓軸出場的感覺. 奇怪呢個時候Cinderella仲未知王子係王子...一去到就搵佢, 最後大家一同跳舞, 談心. 皇宮的場景真係好華麗, 跳舞呢一part可以說是我最喜歡的一幕.可惜時間過得好快, 轉眼已經是12點, 因此Cinderella只好急急腳走人, 最後無意間丟下了玻璃鞋 (好奇怪對鞋又無受魔法影響而消失~)
之後王子決定千里尋"腳", 拎住隻玻璃鞋周圍去搵女主角. 奇怪係竟然全國都無一個女仔同女主角同size, 唔通女主角係大腳八? XD (講笑) 最後當然是happy ending大團圓結局啦~
個人感受: 其實可能由細睇到大, 早已接受"童話故事"同現實世界係有好大的距離, 例如點解女主角咁天真咁傻? 有咩理由一d都唔反抗? 所以故事有唔合理的地方都無咩所謂. 始終童話故事都係令小朋友學會好的價值觀, 例如是好心地, 愛護動物, 對人有禮等. 如果太細個就同佢講呢個世界係好陰險, 千其唔好學Cinderella咁天真, 相信對小朋友的成長唔太好吧. 不過有時都同朋友講笑, Disney一向女主角都係公主的多, 最多都係做皇后. 係Elsa先至係女王. 如果Elsa只係公主又未必咁受歡迎, 所以依家d小朋友都幾識揀哈哈~ (呢個當然只係用黎講下笑~)
無論如何, 我都好同意對待人時應該有禮. 呢套電影好啱家長同小朋友去睇, 反而如果是情侶, 我就認為睇第2套會好d. 因為基本上成個故事係一路睇一路知道下一幕係點~對大人來說可能有d悶~
故事我會比7分, 故事內容簡單直接, 好多幕華麗靚景+靚衫+好入戲的後母為電影加了不少分數~ 我同你係倒轉，原本想睇左《Cinderella》 先(因為上左一排了)再去睇《五個小孩的校長》。點知時間夾唔到只好睇左《五》先{:1_352:} 深知道睇故唔好駁故~但.......
完全唔明點解老豆會揀個無感情嘅人妻仲要知道唔係好野都仲要娶番嚟.......
當然~無呢part就無呢個故仔啦~
例如點解女主角咁天真咁傻?
回樓主~香港幾年前真係有個好天真好傻嘅女生出現過........ 版主非常感動，不是說套戲本身，而是電影版的氣氛……{:6_128:}{:6_181:}！ just_for_uhk 發表於 2015-3-23 11:11 static/image/common/back.gif
深知道睇故唔好駁故~但.......
完全唔明點解老豆會揀個無感情嘅人妻仲要知道唔係好野都仲要娶番嚟.......
...
好奇一問，那位是誰？ alleelarry 發表於 2015-3-23 11:27 static/image/common/back.gif
好奇一問，那位是誰？
u can find the answer at google search picture "好天真好傻"..... just_for_uhk 發表於 2015-3-23 11:34 static/image/common/back.gif
u can find the answer at google search picture "好天真好傻".....
了解！{:6_183:} just_for_uhk 發表於 2015-3-23 11:11 static/image/common/back.gif
深知道睇故唔好駁故~但.......
完全唔明點解老豆會揀個無感情嘅人妻仲要知道唔係好野都仲要娶番嚟.......
...
我的理解係佢父親都已經單身多年, 依家搵到第2春所以都開心. 反而後母只係為安定的生活(同佢2個女) 先再嫁, 點知原來佢"梅開二度"死2次老公, 所以....其實後母都幾慘...
至於個位香港女星的"天真同傻"....真係算把啦...點同Cinderella的比... alleelarry 發表於 2015-3-23 11:26 static/image/common/back.gif
版主非常感動，不是說套戲本身，而是電影版的氣氛……！
電影氣氛真係十分之好~ 可能故事已經睇了無數次所以唔覺有咩特別. 但好多場景都好吸引~ (特別是皇宮內~)
ps: 我記得有個版本係2個女為o左穿上隻玻璃鞋切o左d腳趾出黎的, 不過都唔記得係咩版本啦~ (正常小朋友版本應該唔會出現吧...) 藍色果條裙真係靚到不得之了{:6_128:} ~細佬做過婚紗攝影~對呢類裙結構有少少認識~呢條裙真係花唔少功夫同心機製作出嚟~呢樣係電腦CG做唔到(做到都會唔自然)~