老秦 BQ3115D - 抵玩 15吋Subwoofer
本帖最後由 MarkMak 於 2015-3-22 23:12 編輯自從買咗Foundation 之後，器材一直無大改動，因套機表現尚算OK，而且再升上去應該所費不菲，喺欠缺財力同動機下，D一年幾多都係"坐定定係度，乜都唔洗做"。
正當玩到悶悶哋，以為自己半退燒之際，喺機緣巧合下，需要託朋友幫忙攞套釘，被佢斷斷續續落毒講玩大尺吋嘅好處，之後上網睇返其他網友之前D post以及上網揾資料，再度返攞位尺寸， 15吋 subwoofer 同我隻玩開隻KK比唔會大好多，應該放得落有餘，所以搞到我都心思思。
兩星期前約好再去家訪D個朋友同另一位師兄度聽下，事前得知佢哋同轉用"秦朝" (又名"老秦') 嘅 subwoofer，心裹不禁滿有疑問：一來，佢哋都玩過唔少大品牌 subwoofer，為什麼會用一個本地唔出名嘅國內牌子？第二，D隻老秦據聞15吋都係賣港幣六千幾元，真係會有好嘢？需知自問對國貨並沒有好印象，而且，玩咗幾年AV，覺得貴嘢未必會係好嘢，而平嘢通常會較差。但諗多無謂，親自去聽吓就最實際。
結果我就送走咗KK，買咗佢返嚟：
國貨最令人不信任係品質，而D隻老秦外表我就收貨了。現時只得一款飾面 -黑色木紋面，圓角收邊，可以話比我之前隻KK更美觀。
而低音單元摸上去涼涼的，相信係用鋁盤
背面有phase，volume，cut-off frequency，balance in 及 out，RCA in，不過最特別有三組EQ可以調校，不但我唔識，所以無用到。(此相片由kairiip 師兄從供)
至於D隻十仔襟唔襟用，我真係唔知，不過，代理提供三年保養。
聲音方面，只入咗一個星期，現正在全力煲練中，不過試咗幾段戲，可以同大家分享一下聽感：
Batman 3 - Batman 俾班警察追入巷仔再揸架 The Bat 機出嚟，由著燈一刻起，到飛出嚟，再從頭頂飛過向後走，感覺到有相配翻架機體積嘅低音，由前面向前，飛上頭頂再向後走咗，相信只有大單元才俾到嘅量感。
一代宗師 - 梁朝偉同章子怡對打一段，拳來掌往，聽到快速及乾淨嘅低音，唔會慢及拖離帶水，快放快收。大單元最怕只有量，但會慢同唔識收，但D隻3115D無甘嘅感覺，相信係用鋁盤同份Amp 夠力水及控制力。
War of The Worlds - 隻機械怪從地下出嚟之前，整個地面裂開再扔起，低頻包到一地都係，搞到屋企好似地震一樣，唯獨可能隻十仔仲係好新，隻機械怪嘅叫聲感覺未夠深潜。
Transformer 3 - 睇D碟完全感受到D隻十仔嘅低頻係有打心口嘅，不過佢表達打心口嘅方式並唔係死鋤爛鋤，係有分細節同力度的，追擊槍有追擊槍應有嘅力度及勁度，拆樓嘅冲擊力與機械人被開槍轟穿身體嘅勁度亦所有唔同。
侏羅紀公園 1 -睇返侏羅紀 D 套戲，雖然係舊戲，但依然甘好睇。暴龍剛剛走脫嘅一段，因睇時已經係晚上，我都唔敢開到平時甘大聲，但仍然感受到暴龍踏步聲、呼吸聲及咆哮聲應有嘅力度，感覺力量係源源不絕的。
演唱會方面，因為我平日約有一半時間係演唱會的，所以都會十分看重聽歌嘅表現。D隻3115D睇戲時雖然係有打心口，但聽歌又唔覺佢硬繃繃，佢嘅鼓聲都幾有彈跳感，最緊要係唔慢，拖離帶水。
總結：D隻老秦3115D係一隻有速度、量感、細節同有打心口嘅 subwoofer。如果你想揾十仔而地方又放得落 (實體尺寸 - 包面網和散熱片: 450mm W x 490mmH x 540mmD)，最重要係唔架意大陸牌子，不訪考慮吓佢。另一考慮因素就係價錢，我放咗隻KK換佢，重有幾K落袋 ....
十五吋{:6_168:} 威力，真係好勁！{:6_192:} 師兄
真係有興趣
請問夠潛夠包圍感嗎?香港有門市?
謝謝 好詳盡嘅報告 {:6_193:} 本帖最後由 kairiip 於 2015-3-22 14:01 編輯
恭喜MarkMak師兄，老秦十仔真是平靚正，底音真是又底又實，量又大，真的好掂。我用了3月，現用來玩X-BOXONEBattle Hardline底音好正。^_^，我隻和你隻背面有D不同，我隻背有平衡入，單RCA入，你隻雙RCA入啊。
(Post76 Android 手機版送出) wadee 發表於 2015-3-22 13:46 static/image/common/back.gif
師兄
真係有興趣
請問夠潛夠包圍感嗎?香港有門市?
夠量所以有包圍感，但乾淨快放快收，唔會死woo爛woo。15吋我相信一定會潛，可能我隻仲係好新，煲耐D會再潛深D。門市好似未有，不過代理處有得試聽。 追擊槍有追擊槍應有嘅力度及勁度，拆樓嘅冲擊力與機械人被開槍轟穿身體嘅勁度亦所有唔同{:6_149:} kairiip 發表於 2015-3-22 13:50 static/image/common/back.gif
恭喜MarkMak師兄，老秦十仔真是平靚正，底音真是又底又實，量又大，真的好掂。我用了3月，現用來玩X-BOXO ...
我後面背板係同你一樣的 (有平衡輸入同輸出，RCA 輸入)，不過我十仔放得太貼牆影唔到後面先用官網副相{:1_352:} MarkMak 發表於 2015-3-22 14:12 static/image/common/back.gif
我後面背板係同你一樣的 (有平衡輸入同輸出，RCA 輸入)，不過我十仔放得太貼牆影唔到後面先用官網副相{:1 ...
啊，是呀十仔真的好重，我加了黑麻石現移不動呀，超重，如冇特别事真不想移重它。
(Post76 Android 手機版送出) 攪到心又郁郁吓
(Post76 Android 手機版送出)