好一句落荒而逃 ~ DIY Neotech NEP-3003 silver
本帖最後由 ykluk 於 2015-3-16 14:32 編輯事緣完全嚟自Alman兄既一個超毒post: {:9_434:}
http://post76.hk/forum.php?mod=viewthread&tid=208343
本身都係Alman兄DIY既fans, 經常睇佢點玩盡DIY線材真係好睇過電視劇, 又精彩又好手工, 報告又詳盡仔細, 真係引死小弟....可惜小弟手工真係好麻麻, 一直唔敢好似Alman兄咁自製線芯屏敝玩木皮等等玩法, 直至呢個post既一句"一插即掩耳疾走"同"一方落荒而逃！".....{:9_433:}
因為小弟莫財, 一直以嚟都係用緊Neotech NEP-3200 OCC Copper比後級nuforce mch-300se-c7同金鹿, 3200比後級當然無問題, 有力水聲音厚實又唔粗聲, 尤其是煲熟咗佢之後nuforce既7ch都水力足夠, 淨行2ch嗰175W去推小弟對陳年ATC SCM20都叫做有啲嘢聽咁啦~~!! 不過對金鹿嚟講, 單晶銅雖然係靚, 但小弟一直本住因應自己器材要就返後段ATC超吸引小弟既饅(慢)頭中音同德敏603喇叭線, 咁前段(訊源同前級)就要有咁高分析就有咁高分析去夾, 玩純銀睇嚟真係不二之選~~!! {:9_428:}
咁啱Alman兄既測試就係3003大戰3200(基本上都唔算大戰, 比訊源3200簡直係要落荒而逃....), 加上價錢吸引(大約US$58/呎既13 awg PCOCC silver), 咁就引咗小弟即時上網訂線(當然計埋運費等等就唔止US$58, 埋單計數HK$548/呎). 加上上年小弟去大阪襯日本低水入手既碳纖鍍銠Furutech FI-50頭尾, 咁就成為小弟家中最名貴既一條Power cord喇~~~{:6_139:}
去馬~~!! 先嚟睇睇今日既材料, 一條5呎Neotech NEP-3003 silver同Furutech FI-50(R) & FI-50M(R)
Furutech FI-50(R)同FI-50M(R)個盒裡面有說明書, 好仔細咁講個頭, 果然係旗艦~~!!
至於Neotech NEP-3003 silver既內部其實係咁:
FI-50M(R)既實際樣
Neotech NEP-3003 silver線芯係L同N係純銀, E係鍍銀
開皮, 先見第一層網
做頭要留網做屏敝
開第一層錫紙, 又見另一層網
第二層網都夾埋做屏敝
裡面線芯之間用純棉線隔開, 純棉係非常好既隔干擾物料
開線芯非常小心(因為條線好貴), 用界刀中間輕輕界直刀, 再輕輕打橫一刀, 慢慢用手甩開再剪皮
2層網+2層錫紙扭埋好粗, 一夾落E線就好很的粗
入落FI-50M(R)到都好彩佢個洞夠大
包返熱縮通再入返個碳纖外蓋
靚仔晒~~!! {:8_400:}
FI-50(R)即係IEC嗰邊唔使做屏敝, 快手好多
FI-50(R)真係好易搞
包熱縮通
完成圖, 唔包網費時"盟"聲唔開揚
聽感 - CAS
搞掂完梗係試吓聲先, 當然先試吓小弟聽開既CAS系統, 唔理佢未煲就即刻聽吓分別係咪如Alman兄咁講先~~!! 其實一開聲已經大致上同Alman兄所講差唔多, 聽《諳5》裡面木結他同電子結他+夏爺既聲音, 分離度十分之足同準, 聽得出隻結他既位置, 仲有弱音多咗尾音又靚咗, 掃支木結他既聲音真係好好聽~~!! 再嚟《聆聽中國》既新版十面埋伏, 啲古箏既每粒音掃得清楚無一舊舊, 仲有餘韻添~~!! 好多人會擔心用純銀線會"標"聲, 小弟完全唔覺得有呢個問題(小弟好驚高音標又尖), 因為小弟後段係厚聲底, 咁夾真係好好; 至於低頻, 我又唔覺得少咗, 反而係實淨咗更肯定, 收得唔算好快仲有餘震, 好聽~~!! {:6_157:}
聽感 - 黑膠
聽完CAS心諗已經發達, 唔記得咗條3200, 跟手試吓小弟隻新歡 - 入門黑膠盤Teac TN-300~~!! 黑膠既analog聲音自然順滑音場深, 小弟已經中晒黑膠毒, 但分析力分離度呢啲始終入門盤係弱啲, 但條3003一插入, 真係連入門盤都識得瞓醒~~!! 連小弟玩開Reference 3A既鄰居夜晚十一點上嚟, 都坐到點幾2點都唔肯走添~~!! 條純銀線仲有排煲, 仲越煲越有味, 由開始既口形大少少, 慢慢到尋晚已經收返細, 聽《carpenters》真係好有味道~~!! {:6_177:}
總結
成條線大約成本4千幾, 真係超越晒小弟任何一條線既價錢~~!! 當然小弟入手時其實已經心裡有數純銀線喺小弟組合裡面會有大約點既改善, 但有咁驚喜既效果, 而個結果又係小弟心中好想要既, 唔使再左試右試真係抵~~!! {:6_193:}
-------------------- 2015年3月16日新加聽感----------------------
又到weekend梗係唔少得聽歌時間, 咁啱有親戚星期五晚嚟食飯順便聽膠膠, 其實佢都經常上嚟都幾熟小弟套嘢~~!! 小弟一開機佢就問小弟又搞過咩, 點解"大聲咗"~~?? {:9_429:}
呢種"大聲咗"其他同開大volume既"大聲咗"係兩件事, 有呢種經驗既ching可能會明小弟講乜, 原因可能係三頻去多咗, 感覺上開揚咗唔焗, 即係好似企喺一大片草地無石屎大廈你會覺得風聲都大咗; 而另一樣佢覺得好難做到既係, 好多時啲聲喺你皇帝位係最集中, 但坐隔離少少就會聽到左右唔同聲好似移咗一邊, 但宜家小弟嗰度有少少得意既地方, 就係皇帝位左右1-1.5米既位置, 都會聽到個中心點喺同一位置, 親戚估計係喇叭出聲既密度平衡咗, 喺皇帝位前2-3米半圓周既聲音穩定大細聲所以會咁~~!! {:8_395:}
講真, 雖然小弟都唔係十分之明白佢講乜, 總之好聽咗就好開心啦~~!! {:8_368:}
-------------------------------------------------------------------------
多謝觀看~~!! {:8_387:} 好富貴呀！ 好富貴呀！X2 KING 發表於 2015-3-9 15:36 static/image/common/back.gif
好富貴呀！
人生最富貴呢次~~!! {:9_423:}
不過計過真係要自己買線嚟整都係咁上下價, 況且線身都做唔到佢又棉又2層網咁多嘢.....{:6_128:} 本帖最後由 KING 於 2015-3-9 16:47 編輯
ykluk 發表於 2015-3-9 16:08 static/image/common/back.gif
人生最富貴呢次~~!!
不過計過真係要自己買線嚟整都係咁上下價, 況且線身都做唔到佢又棉又2層 ...
你都算醒，識得用哂兩浸銅網及錫紙條黎接水線，咁就唔駛再落蛇網，又慳返一百幾拾d聲又開揚! 本帖最後由 KING 於 2015-3-9 16:51 編輯
ykluk 發表於 2015-3-9 16:08 static/image/common/back.gif
人生最富貴呢次~~!!
不過計過真係要自己買線嚟整都係咁上下價, 況且線身都做唔到佢又棉又2層 ...
4千幾一條有質數o電源線,一d都唔貴喔！
平過我條scr廠線先啦！ KING 發表於 2015-3-9 16:44 static/image/common/back.gif
你都算醒，識得用哂兩浸銅網及錫紙條黎接水線，咁就唔駛再落蛇網，又慳返一百幾拾d聲又開揚! ...
好似...............係你教既.....................{:9_422:} KING 發表於 2015-3-9 16:49 static/image/common/back.gif
4千幾一條有質數o電源線,一d都唔貴喔！
平過我條scr廠線先啦！
呢個又引申起另一件事, 其實我想搵條啱金鹿夾我全套嘢既電源線好耐, 之前諗過AET SCR/SIN, acoustic revive 18000, 自己DIY純銀......但係又無得試淨係睇人講同網上講去"估"個效果, 同埋諗吓諗吓一來SCR/SIN/18000都係銅未必真係好夾, 自己DIY純銀又好似瀨嘢......{:8_395:} 所以遲遲唔敢去馬, 只係襯上年去日本時買咗對古河碳纖頭尾備用先.......{:8_386:}
睇到Alman兄個post就好似姣婆一見姿粉客咁, 即刻去馬~~!! {:9_427:}
DIY高手{:6_193:} {:6_212:} 師兄對FI-50真係買得好底，配銀線，正！{:6_193:}