《超人類：卓比 CHAPPiE》劇透影評
一直以來小弟對科幻片都好有興趣, 基本上除非知道是爛片, 否則有時間都一定會睇. 今日見有時間於是同老婆去了睇"中午場", 睇完順便食lunch~未睇電影之前我都無刻意去搵資資睇下佢講咩, 因為有時我都好喜歡"0%先入為主" 情況下去睇下奪電影講咩. 所以未入場時只知道是講一個有"人性"的機械人的故事. 而經驗所知, 其實機械人有人性大多不會是好事. 因為九成機械人第一個覺得有問題而會"修正"的就係我地人類. 不過講真其實咁又好正常, 因為機械人始終同人唔同, 因此無可能同人有一樣的想法. 例如人工作需要休息, 但機械可以24小時長時間運作. 試問如果一部機器有了人性, 佢要求每天只運作8小時, 仲要你俾OT錢 (比多d RAM佢?)咁已經世界大亂了.
另外導演是之前拍 district 9 同埋Elysium的同一人. 記得第一次睇district 9時我是有好大的驚喜的, 因為好少可會有人將"外星人"電影拍成咁. 加上佢電影都有種"批判某個社會價值"的投射在電影內, 因此我都是期待的.
故事一開始是講城市(無記錯應該都係Johannesburg?)本身充滿了罪惡, 人類警察根本應付不來. 因此佢地決定引進新型的機械戰警 Scout, 佢地身型跟人差不多, 有 半-AI懂的分析情況和作出反應. 由於測試結果十分之好, 因此令城市的罪案率大大下降(同時令人少了傷亡). 設計師Deon功不可沒. 當然此舉令到公司另一個工程師, Vincent (即"狼人")所設計的MOOSE變了展示品.
Deon佢除了設計機械人外, 佢更加希望寫出好似同人一般, 有自我思想的AI. 電影中佢好快就成功了, 而且更成功將AI安裝在因戰鬥中受破壞的"22號", 即是之後的Chappie.
另一方面, 一班黑幫人士(其實得3個人) 由於想做世界搵快錢, 又明知唔夠d機械人打, 於是就打算綁架Deon, 令佢地可以"做野"時關閉所有Scout. Deon講機械人是預設成長開的, 而會作任何改動, 都需要使用"guard key". Guard key就好像是夾萬的key, 是用來打開firewall以便作出程式的修改的. 由於Deon 以前已拎了guard key出來(奇怪咁重要的野, 又得一千零一條, 竟然可以就咁拎出公司...) , 就順勢upload佢寫的AI程式. 之後chappie便正式誕生了~
chappie就好似一個小朋友咁, 咩都唔識, 加上"父母"都唔算正當人家, 因此在學習中都弄出不少笑話~我自己就覺得chappie學習過程好似cut o左唔少咁, 感覺佢明明無機會去學, 但轉頭又已經認識好多野咁. 過程中佢知道自己得返幾日命, 於是打算打劫後用錢買一個新body升級, 但Deon同佢講佢o既"靈魂"係量化唔到, 因此無法好似過data咁就咁過落另一部機.
另一方面, Vincent一直希望佢自己部Moose可以有機會落場, 因此佢不斷去搵機會令到Scout出事, 直到有一次佢捉到了"離家出走"的chappie, 最後拎到條guard key, 之後更upload了有問題的firmware令到所有scout都死機. 反而咁令到chappie 變成了拯救城市的希望! 可惜Moose比舊版robocop中的ED-209更廢, 空有一身裝備但又無咩殺傷力(除了果一兩下連續爆炸
之外), 最後更被chappie賣了佢單. (Deon則在戰鬥中受傷, 而媽媽就死o左)
故事最後發展成點就唔講太多了. 由大家去感受. 我個人來說覺得都合理, 不過有少少覺得可以再玩大d~
個人來說, 我覺得今集是比較合理的一套電影. 不過老實說講AI的電影多年來都不少, 今次的idea唔算新. 而且感覺同之前的差不多. 唔算太突出. 另外有一個好唔合理的地方是guard key的使用. 因為如果guard key係咁重要, 應該無可能自出先入咁去拎去用. 我認為應該至少要2名高層人員確認先可以使用, 而且唔可以拎出某個地區等等. (等於好多公司開cheque都要老闆+另一個高層簽名先有效一樣, 唔係咩特別野) 因為佢本身已經只得一條, 萬一跌o左, 咪成間公司做唔到野? 咁成班人可以收工去飲茶了...
同一道理, Vincent upload有害的firmware上Scouts時, 都無可能咁容易吧....唔係的話係做得工程師都可以亂咁黎?
最後我想講的就係, 其實機械人有"靈魂"都唔可以算是有永生, 因為再鋒利o既刀都有生銹的一天, 更何況係機器呢? 而且如果用EMP (電磁脈衝波), 去攻擊佢, 佢一樣會死. chip燒o左, "靈魂"都一樣會消失. 好處只係數碼化/量化之後可以backup罷了~ 不過另一問題就係, 假如我將自己靈魂backup再upload到多過一部機械人上, 咁是否代表有好多個同一的自己? 定係佢地會因唔同的環境而變成唔同的自己? 再推展出去, 咁如果一個自己被殺手訓練了, 而追殺好的自己, 又算是自殺定他殺??
ps: 知道某公司會出Chappie figure, 雖然已無玩1:6好耐了, 不過今次都期待, 希望唔好太貴等我可以入手啦~~
最後我想講的就係, 其實機械人有"靈魂"都唔可以算是有永生, 因為再鋒利o既刀都有生銹的一天, 更何況係機器呢? 而且如果用EMP (電磁脈衝波), 去攻擊佢, 佢一樣會死. chip燒o左, "靈魂"都一樣會消失. 好處只係數碼化/量化之後可以backup罷了~ 不過另一問題就係, 假如我將自己靈魂backup再upload到多過一部機械人上, 咁是否代表有好多個同一的自己? 定係佢地會因唔同的環境而變成唔同的自己? 再推展出去, 咁如果一個自己被殺手訓練了, 而追殺好的自己, 又算是自殺定他殺??
@可能將來既科技可以做到實時 RAID 1 .... 甘係執行緊任務既"靈魂1"瓜左, 仲有係LAB入邊既""靈魂2""實時回魂 jaffeinism 發表於 2015-3-9 01:58 static/image/common/back.gif
最後我想講的就係, 其實機械人有"靈魂"都唔可以算是有永生, 因為再鋒利o既刀都有生銹的一天, 更何況係機器 ...
呢個已經係《第六發現》既劇情了！
GUARD KEY 是否合理也好，導演刻意一開始就交代了，這個東西是唯一可以改寫程式的工具，擁有它就有如神一般的力量。但這樣兒戲的 KEY，讓我想起當年M$的「萬能」KEY一樣，人人有 WINDOW用！ alleelarry 發表於 2015-3-9 08:26 static/image/common/back.gif
GUARD KEY 是否合理也好，導演刻意一開始就交代了，這個東西是唯一可以改寫程式的工具，擁有它就有如神一般 ...
其實我認為Guard Key係好正常的東西, 我以前做野時公司代理的機器, 其中一個software由於唔想咩人都可以開黎用, 所以會有條USB security key跟, 每次用個software都會插埋條key先可以用到. 以前仲由於每個copy只跟一條security key, 如果唔見o左就慘了.
講真任何軟件都有機會被破解, 問題只係花幾長時間同願唔願意去做. 因為防火牆就好似一座城堡咁, 再堅固的牆身都要有一度門比人出入. 有門就有機會混入去.
所以我最唔明就係咁重要的東西竟然可以好似借書咁借出去而無人理.....當然要講都可以講Deon, Vincent 2位在公司好高級都唔定. 不過更唔明的就係如果公司員工可以隨意upload d 野上d機械人度, 咁會好危險呢. 例如我係公司其中一個員工, 我被炒了, 咁我可以拎條guard key, 之後控制所有的scouts幫我殺死老闆都得嫁喎....而根本無人阻止到, 因為無人多一條guard key去overwrite我個指令...
另外我記得電影一開始時是講d人已經知道了chappie呢種"生命"的存在, 跟住再講18個月前的時間(正式故事), 但結尾又再無提任何野, 本來以為出credit之後有片睇, 不過坐o左陣成個場開晒燈咁我只好走了, 所以最後都唔知是否仲有野未講. gashapon 發表於 2015-3-9 09:26 static/image/common/back.gif
其實我認為Guard Key係好正常的東西, 我以前做野時公司代理的機器, 其中一個software由於唔想咩人都可以 ...
係現實生活入面，好多IT人都貪方便，所謂密碼可以十年都唔改，仲有趣到用自已定密碼既方式去「解密」，係我工作地方就有個這樣的人！
頁:
[1]