《 Fifty Shades of Grey格雷的五十道色戒》睇後影評
本帖最後由 gashapon 於 2015-2-14 23:11 編輯http://post76.hk/data/attachment/forum/201401/25/115149pry87kzfkhz47wm8.jpg
昨天星期五晚上和老婆去睇了《格雷的五十道色戒》, 本身我對呢個故事係零認識的, 本身無睇過小說版, 因此除o左覺得個名好怪, 例如點解係50而唔係40或者100o既?之外, 就只知道故事內有不少性愛情節. 我先直接講我睇後的感覺, 可以用6個字形容: "睇完好似無睇", 不過千萬不要誤會, 其實成套電影畫面我覺得幾有美感的~ 我所指的"睇完好似無睇", 如果用例子來說明, 就有少少似當年睇戰狼300, 故事最後講皇帝死o左, 而其他sparta戰士就預備作最後一戰. 所以當續集上映時, 我就expect故事上會有推進, 講之後發生咩事, 點知原來成套戲係同一個時間, 只不過是另一個將軍的故事, 基本上在"劇情"上, 幾乎無任何的推進. 而我想表達的正是這個意思.
同埋其實又無咩好劇透, 除非我用文字寫低每個"動作場面"的情況啦~
我未入場睇之前, 估計都是twlight果類的電影, 而且得知第2集已經計劃中, 所以都有種"第一集預o左佢無咩講"的想法.
故事是講女主角Ana, 有一日由於佢flatmate病了, 於是幫佢去訪問年青有為的企業家Mr. Grey(唔知點解, 可能我睇開美國漫畫, 所以覺得有少少"Bruce Wayne"feel) . 兩人可以說是"一見鍾情", 好快大家就行埋一齊. 故事開頭約1/3時間就用來講Grey點同Ana會面, 了解, 一齊. 之後就講Grey同Ana講佢有一d特殊的嗜好 (玩SM), 半警告半引佢玩之下, 令Ana慢慢地都被Grey"玩弄"而開始愛上呢個興趣. 不過如果一心想睇"激戰"的巴打 (唔係指張家輝果套呀!!) 就可能會有d失望, 因此電影好多場"愛情動作戲"都係比較點到即止, 如果文雅d咁講, 算是"唯美"吧~
電影完果下都幾突然(唔劇透), 而且我睇完成集之後, 其實都無對成個故事加深o左了解. 只知男主角Grey是因為童年陰影而有呢個"嗜好", 但詳細咩原因就無講. 而且我覺得有少少怪的地方就係, Grey講過無人知佢有呢個嗜好, 包括佢家人(佢唔係同家人同住), 但佢又會有人幫佢預備一份contract比女主角(寫明一切要保密, 同埋講明咩"遊戲"唔玩得等等), 另外佢玩"遊戲"的地方(叫playroom), 唔通唔需要人去清潔? 所以其實一定有人知道佢呢個嗜好吧~ 電影中另一"亮點"就係Grey的司機就係pacific rim內開澳洲機的爸爸. 而男主角果種"內心有個黑暗面, 少少矛盾"的性格都演得不錯~
總括來說, 如果是情侶一齊去睇都不失為一個好選擇, 但如果一心睇男女主角的"動作戲", 怕且會失望而回. 另外一開始都有講, 電影都拍得好有美感(音樂, 畫面的色彩), 仲有就係我覺得講男女主角點解會一齊講得唔夠深, 感覺似大家見完面, 第2個shot已經成了戀人. 如果再加多少少呢方面的劇情, 感覺會更有說服力~ 看得見影評是由心而發，亦給予大家入場前的一些預備！讚！ 感謝分享! {:1_249:}
頁:
[1]