太極樂隊 Mega Hit Concert 2015
太極樂隊噚晚就去到太子一間影樓，為佢哋30周年唱會影海報，個個西裝骨骨，佢話為因為30周年，所以隆重其視，所以著得隆重啲，仲話好似幾個人結咗婚30年咁。 問到雷有輝哥哥雷有曜會唔會返嚟，佢就話:「佢暫時好忙，佢開始咗另一個旅程，下半生畀咗上主。太極玩音樂嘅事，就交咗畀我哋6個，演唱會都籌備得七七八八，之前演唱會嘅嘉賓全男班，今次會有女性嘉賓，仲話有啲嘉賓識咗30年以上。又好想同啲新組合樂隊合作，想畀啲新樂隊嘅父母知，玩樂都可以有好發展，以前樂隊俾人形象唔係咁好，依家好好多。」 太極又表示今次演唱會會玩啲新嘢，30周年會係一個新開始，想將自己嘅經歷送畀朋友聽，想畀後輩知其實有好多機會。問到佢哋有冇睇好咩新組合，佢哋就話:「好多都好好，例如Dear Jane、Supper Moment同觸執毛都好好，都想試下同佢哋合作。」 講到黃秋生近期讚太極，佢哋就話:「好多謝秋生哥，佢嘅說話畀咗我哋好大嘅啟示，自己要做一個好好嘅榜樣，當日表演都戰戰兢兢，冇諗過會頒獎畀我哋，現場咁好嘅反應，都畀我哋好大嘅感動。」秋生以前都係band友，太極會唔會搵秋生一齊玩，佢哋就話：「都有諗過，研究下啦。」(文字來源: 蘋果日報)
Source: http://timable.com/event/756639 | Copyright © Timable
頁:
[1]